Historia e Palaut

Banorët e parë të Palau-t, të ardhur nga Indonezia, u vendosën në ishull që në vitin 1000 p.e.s.. Eksploratori Spanjoll Ruy López de Villalobos i zbuloi ishujt në 1543, por tentativat për ta kolonizuar apo për të krijuar marrëdhënie tregtare me banorët e ishullit nuk filluan deri në shekullin e XVII-të nga Anglezët. Spanja kolonizoi ishujt nga fundi i shekullit të XIX-të por më vonë ja shiti Gjermanisë në vitin 1899. Japonia i pushtoi ishujt në fillimin e Luftës së Parë Botërore, dhe mbajti të drejtën për ti pushtuar deri në fund të Luftës së Dytë Botërore kur këto ishuj u bënë pjesë e Shteteve të Bashkuara të Amerikës (ShBA) si pjesë e territorit në Ishujt e Paqësorit. Palauanët votuan ne 1979 kundër hyrjes në Federatën e Shteteve të Mikronezisë, dhe zgjodhën pavarësinë. Pas një periudhe të gjate transicioni, duke përfshirë këtu vdekjen e dy Presidentëve (Haruo Remelik i vrarë në 1985 dhe Lazarus Salii i vetëvrarë në 1988), pavarësia u fitua më në fund zyrtare në 1994.