Astrologi

Astrologi nyaéta élmu perbéntangan anu dipaké pikeun ngaramal sarta nyaho nasib jelema.[1] Astrologi nelaah kumaha posisi sarta gerakan barang-barang langit, kawas panonpoé, bulan, planét-planét, sarta béntang-béntang nu nyambung jeung kajadian di bumi.[2] Para astrolog percaya yén posisi sarta pergerakan objék-objék astronomis éta dina waktu kalahiran hiji jalma baris ngaréfléksikeun sipat jelema kasebut.[2] Para ilmuan nuturkeun yén euweuh dasar ilmiah pikeun mercayaan astrologi, tapi loba jelema anu percaya ngajadikeunna minangka dasar dina nyokot kaputusan.[2] Astrologi salah sahiji élmu pangkolotna anu dimekarkeun sacara rupa-rupa dina unggal peradaban.[2] Bangsa Babilonia geus ngamekarkeun astrologi saprak taun 3000 SM.[2] Urang Cina mraktékkeun astrologi dina 2000 SM.[2] Wangun kamekaran astrologi ogé dimekarkeun dina mangsa Sélér Maya di Amérika.[2] Kira-kira abad ka-5 SM, astrologi sumebar ka Yunani, astrologi saterusna dipraktékkeun sacara lega di Éropa salila abad pertengahan.[2] Kaum pelajar nempo astrologi sarta astronomi minangka élmu kanyaho anu silih ngalengkepan.[2] Hal éta lumangsung nepi ka taun 100-an, sabot téori sarta pamanggih anu dijieun ku Nicolaus Copernicus sarta Galileo Galilei tétéla teu saluyu kalayan astrologi ku kituna ngurangan prinsip-prinsip keilmuan astologi.[2] Saprak kitu, ngan saeutik kaélmuan anu nganggap astrologi minangka pangaweruh.[2] Maranéhanana nampik prisip-prinsip astrologi alatan henteu ilmiah, tapi lolobana jelema masih mercayaan astrologi sarta ngalarapkeunna.[2]

Horoskop sarta Zodiak

Dina astrologi dipikawanoh istilah Horoskop sarta Zodiak.[2] Anu patali jeung tanggal lahir hiji jalma.[2] Horoskop nyaéta ilustrasi ngeunaan posisi panonpoé, bulan, sarta planét-planét dina waktu nu tangtu, contona tanggal kalahirn hiji jalma.[2] Sedengkeun zodiak nyaéta gugusan bentang-bentang anu kasampak ngalingkung bumi.[2] Zodiak dibagi pikeun jadi 12 bagian unggal dingaranan nurutkeun jumplukan béntang nu tangtu anu disebut “konstelasi” sarta dipikawanoh jeung tanda zodiak.[2] Ngaran tanda zodiak éta téh Aries, Taurus, Gemii, Cancer, Leo, Virgo, Libra, Scorpio, Sagitarius, Capricornus, Aquarius sarta Pisces.

Rujukan

  1. ↑ [kamusbahasaindonesia.org/Astrologi]
  2. ↑ a b c d e f g h i j k l m n o p q (id) Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.