நீசுனி நோவ்கோரத்

நீசுனி நோவ்கோரத் Нижний Новгород
நகரம்[1]
கொடி சின்னம்
நீசுனி நோவ்கோரத்-இன் அமைவிடம்
நீசுனி நோவ்கோரத் நீசுனி நோவ்கோரத்-இன் அமைவிடம் Show map of உருசியா நீசுனி நோவ்கோரத் நீசுனி நோவ்கோரத் (உருசியா) Show map of உருசியா
ஆள்கூறுகள்: 56°19′37″N 44°00′27″E / 56.32694°N 44.00750°E / 56.32694; 44.00750
நாடு	உருசியா
ஒன்றிய அமைப்புகள்	நீசுனி நோவ்கோரத் மாகாணம்[1]
நிறுவிய ஆண்டு	1221[2]
நகரம் status since	1221[2]
அரசு
• நிர்வாகம்	நகட சபை (தூமா)[3]
• முதல்வர்[5]	[4]
பரப்பளவு [6]
• மொத்தம்	460 km2 (180 sq mi)
ஏற்றம்	200 m (700 ft)
மக்கள்தொகை  (2010 கணக்கெடுப்பு)[7]
• மொத்தம்	12,50,619
• மதிப்பீடு  (2018)[8]	12,59,013 (+0.7%)
• தரவரிசை	2010 இல் 5வது
• அடர்த்தி	2,700/km2 (7,000/sq mi)
நிர்வாக நிலை
• கீழ்ப்பட்டவை	நீசுனி நோவ்கோரத் நகரம்[1]
• Capital of	நீசுனி நோவ்கோரத் மாகாணம்,[1] நீசுனி நோவ்கோரத் நகரம்[1]
நகராட்சி நிலை
• நகர்ப்புற மாவட்டம்	நீசுனி நோவ்கோரத் நகர வட்டம்[9]
• Capital of	நீசுனி நோவ்கோரத் நகர வட்டம்[9]
நேர வலயம்	ஒசநே+3 (ஒசநே+03:00 [10])
அஞ்சல் குறியீடு(கள்)[11]	603000-603999
தொலைபேசிக் குறியீடு(கள்)	+7 831[12]
OKTMO குறியீடு	22701000001
நகரம் Day	June 12[13]
இணையதளம்	adm.nnov.ru/en/

நீசுனி நோவ்கோரத் (Nizhny Novgorod, உருசியம்: Ни́жний Но́вгород), சுருக்கமாக நீசுனி, என்பது உருசியாவின் நகரமும், நீசுனி நோவ்கோரத் மாகாணத்தின் தலைநகரமும், வோல்கா நடுவண் மாவட்டத்தின் தலைநகரமும் (நிருவாக மையம்) ஆகும்.^[14] 1932 முதல் 1990 வரை, இந்நகரம் கோர்க்கி (Gorky, Горький என வழங்கப்பட்டு வந்தது.^[15] இந்நகரில் பிறந்த எழுத்தாளர் மாக்சிம் கார்க்கியின் நினைவாக இப்பெயர் சூட்டப்பட்டது. இந்நகரம் உருசியாவின் முக்கிய பொருளாதார, போக்குவரத்து, அறிவியல், மற்றும் கலாசார மையங்களில் ஒன்றாக இருக்கிறது. அத்துடன் உருசியாவின் ஆற்று-வழி சுற்றுலாவு மையமும் ஆகும். நகரின் வரலாற்றுப் புகழ் மிக்க பகுதிகளில் பல்கலைக்காகங்கள், நாடக அரங்குகள், அருங்காட்சியகங்கள், கிறித்தவக் கோவில்கள் ஆகியன அமைந்துள்ளன. இந்நகரம் மாஸ்கோவில் இருந்து 400 கிமீ கிழக்கே, ஓக்கா ஆறு வோல்கா ஆற்றில் கலக்கும் பகுதியில் அமைந்துள்ளது. 2010 தரவுகளின் படி, இதன் மக்கள்தொகை 1,250,619 ஆகும்.

இந்நகரம் 1221 பெப்ரவரி 4 இல் விளாதிமீரின் இளவரசர் இரண்டாம் யூரி என்பவரால் நிர்மாணிக்கப்பட்டது.^[16] 1612 இல் போலந்து-மாஸ்கோ போரில் மாஸ்கோவை விடுவிப்பதற்காக குசுமா மினின், இளவரசர் திமீத்ரி பொசார்ஸ்கி ஆகியோர் இங்கிருந்து இராணுவத்தினரைத் திரட்டிச் சென்றனர். 1817 இல் நீசுனி நோவ்கோரத் உருசியப் பேரரசின் மிக முக்கியமான தொழிற்துறை மையமாக ஆக்கப்பட்டது. 1896 இல் இங்கு அனைத்து-உருசிய கண்காட்சி ஒன்று இடம்பெற்றது. சோவியத் ஆட்சியில் கோர்க்கி தானுந்துத் தொழிற்சாலை இங்கு ஆரம்பிக்கப்பட்டது. இரண்டாம் உலகப் போர்க் காலத்தில், இந்நகரம் கிழக்குப் போர்முனைக்கு மிக முக்கிய ஆயுதத் தளபாடங்கள் விநியோகிக்கும் தளமாக இருந்தது. இதன் காரணமாக, நாடி செருமனியின் குண்டு வீச்சுகளுக்கு இந்நகரம் பலமுறை உட்பட்டது.

போரின் பின்னர், இந்நகரம் ஒரு மூடிய நகரமாக ஆக்கப்பட்டது. 1990 இல் சோவியத் வீழ்ச்சிக்குப் பின்னரே இது மீண்டும் சுற்றுலாப்பயணிகளுக்குத் திறக்கப்பட்டது. இக்காலப் பகுதியில் நகரின் பெயர் மீண்டும் நீசுனி நோவ்கோரத் என மாற்றப்பட்டது. 1985 இல், சுரங்கத் தொடருந்து சேவை இங்கு ஆரம்பிக்கப்பட்டது.

மேற்கோள்கள்

மூலம்

• Munro-Butler-Johnstone, Henry Alexander, A trip up the Volga to the fair of Nijni-Novgorod, Oxford: J. Parker and co., 1876.
• Fitzpatrick, Anne Lincoln, The Great Russian Fair: Nizhnii Novgorod, 1840-90, Houndmills, Basingstoke, Hampshire: Macmillan, in association with St. Antony’s College, Oxford, 1990. பன்னாட்டுத் தரப்புத்தக எண் 0-333-42437-9

வெளி இணைப்புகள்

விக்கிப்பயணத்தில் நீசுனி நோவ்கோரத் என்ற இடத்திற்கான பயண வழிகாட்டி உள்ளது.

• Official website of Nizhny Novgorod பரணிடப்பட்டது 2016-06-24 at the வந்தவழி இயந்திரம்
• யூடியூபில் NIZHNY NOVGOROD - 2018 FIFA World Cup™ Host City by பன்னாட்டுக் காற்பந்துச் சங்கங்களின் கூட்டமைப்பு
• Nizhny Novgorod Kremlin (உருசிய மொழியில்)
• Official website of Nizhny Novgorod State Art Museum (உருசிய மொழியில்)
• The Nizhny Novgorod and Arzamas Archdiocese (உருசிய மொழியில்)