1504

ஆண்டு 1504 (MDIV) பழைய யூலியன் நாட்காட்டியில் திங்கட்கிழமையில் துவங்கிய நெட்டாண்டு ஆகும்.

நிகழ்வுகள்

• சனவரி 1 - பிரான்சு மன்னன் பன்னிரண்டாம் லூயியின் தலைமையிலான படையினர் எசுப்பானியர்களிடம் கயெட்டா நகரை (இன்றைய இத்தாலியில்) இழந்தனர்.
• பெப்ரவரி 29 - சந்திர கிரகணம் பற்றிய தனது அறிவை கொலம்பசு ஜமேக்கா பழங்குடியினரிடம் இருந்து தனக்குத் தேவையான உணவுப் பொருட்களைப் பெற்றுக் கொள்வதற்கு தனக்கிருந்த சந்திர கிரகணம் பற்றிய அறிவைப் பயன்படுத்தினார்.
• செப்டம்பர் 8 - மைக்கலாஞ்சலோவின் தாவீது சிற்பம் புளோரென்சு நகரில் செதுக்கப்பட்டது.
• அக்டோபர் 12 - காஸ்டில் அரசி முதலாம் இசபெல்லா தனது மரணசானனத்தில் கையெழுத்திட்டார்.
• நவம்பர் 7 - கொலம்பசு தனது நான்காவது பயணத்தை முடித்து எசுப்பானியா திரும்பினார். தனது இளைய மகன் பெர்டினாண்டு கொலம்பசுடன் சென்ற இப்பயணத்தின் போது நடு அமெரிக்காவில் பெலீசு முதல் பனாமா வரை சென்றார்.
• பாபர் காபூல் நகரைக் கைப்பற்றினான்.

பிறப்புகள்

• சனவரி 17 - ஐந்தாம் பயஸ் (திருத்தந்தை) (இ. 1572)
• பெப்ரவரி 3 - ஸ்கிபியோன் ரெபிபா, இத்தாலியக் கருதினால் (இ. 1577)

இறப்புகள்

• நவம்பர் 26 - முதலாம் இசபெல்லா, காஸ்டில் அரசி (பி. 1451)

மேற்கோள்கள்