యింగ్‌కియోంగ్

యింగ్‌కియోంగ్
పట్టణం
యింగ్‌కియాంగ్, ఐపే అలంగ్కా స్వాగత ద్వారం
యింగ్‌కియోంగ్ భారతదేశంలోని అరుణాచల్ ప్రదేశ్‌లో స్థానం Show map of Arunachal Pradesh యింగ్‌కియోంగ్ యింగ్‌కియోంగ్ (India) Show map of India
Coordinates: 28°36′37″N 95°02′51″E / 28.61037°N 95.047531°E / 28.61037; 95.047531
దేశం	India
రాష్ట్రం	అరుణాచల్ ప్రదేశ్
Elevation	200 మీ (700 అ.)
జనాభా  (2011 Census)
• Total	8,573
Time zone	UTC+5:30 (IST)
Vehicle registration	AR-14
Website	https://uppersiang.nic.in/

యింగ్కియాంగ్, ఈశాన్య భారత రాష్ట్రమైన అరుణాచల్ ప్రదేశ్ లోని ఎగువ సియాంగ్ జిల్లాకు ప్రధాన కార్యాలయంగా ఉన్న ఒక చిన్న పట్టణం.^[1] ఇది అరుణాచల్ ప్రదేశ్ రాజధాని ఇటానగర్ కు ఉత్తరాన 250 కి.మీ.దూరంలో ఉంది.^[2] అరుణాచల్ ప్రదేశ్ ఎగువ సియాంగ్ జిల్లాలోని సియాంగ్ నదికి తూర్పు దిశలో సుమారు ఒక కి.మీ.దూరంలో ఉంది.^[3] యింగ్కియాంగ్ పట్టణం సముద్ర మట్టానికి 200 మీటర్లు (660 అ.) సగటుఎత్తులో ఉంది.యింగ్కియాంగ్ పట్టణానికి పశ్చిమాన సియాంగ్ నది ప్రవహిస్తుంది.2011 భారత జనాభా లెక్కల ప్రకారం,పట్టణంలో మొత్తం జనాభా 8,573 మంది ఉన్నారు.^[4]

యింగ్కియాంగ్ పట్టణ స్థలాకృతిలో కొండ భూభాగాలు,నది లోయలు కలిగి ఉంటాయి.^[5] ఈ పట్టణం 28.61037 ° N 95.047531 ° E అక్షాంశ, రేఖాంశాల వద్ద ఉంది.ఇది సముద్ర మట్టానికి 200 మీ (660 (అడుగులు) సగటు ఎత్తులో ఉంది.యింగ్కియాంగ్ పట్టణానికి పడమర వైపు సియాంగ్ నది ప్రవహిస్తుంది. యింగ్కియాంగ్ సమీపంలో ట్యూటింగ్,సింగింగ్,బిషింగ్ పట్టణాలు ఉన్నాయి. భౌగోళికంగా యింగ్కియాంగ్ పట్టణానికి ఉత్తరాన ఇండో-చైనా సరిహద్దులు దగ్గరగా ఉన్నాయి.

యింగ్కియాంగ్ పట్టణ వాతావరణం సాపేక్షంగా వెచ్చని,తేమతో కూడిన ఉపఉష్ణమండల వాతావరణాన్ని కలిగి ఉంది.యింగ్కియోంగ్‌లో అత్యధికంగా వేసవిలో ఉష్ణోగ్రత 39 °C, శీతాకాలంలో4 °C.ఉంటుంది.^[6] యింగ్‌కియాంగ్‌లో అత్యధికంగా నమోదైన వార్షిక వర్షపాతం 3116 మి.మీ.^[7] పట్టణ ప్రాంతంలోని ఎగువ భాగాలు సంవత్సరంలో ఎక్కువ భాగం హిమపాతంతో నిండి ఉంటుంది.

యింగ్కియాంగ్ పట్టణవాసులు ప్రాథమిక జీవనోపాధి కోసం సాధారణంగా ఎక్కువ భాగం వ్యవసాయంపై ఆధారపడ్డారు.వాణిజ్య ప్రయోజనం కోసం వ్యవసాయంతో పాటు పండ్లు,కూరగాయల పండిస్తారు.దీనికి స్థానిక పరిపాలన మిడ్ (మిషన్ ఫర్ ఇంటిగ్రేటెడ్ డెవలప్‌మెంట్ ఆఫ్ హార్టికల్చర్) ద్వారా వ్యవసాయ రైతు సంక్షేమ మంత్రిత్వ శాఖ,భారత ప్రభుత్వం ప్రోత్సాహం లభిస్తుంది.^[8][9] ఎగువ సియాంగ్‌లో వ్యవసాయంలో నిమగ్నమైన గృహాలలో మొత్తం 69 శాతం, యింగ్‌కియాంగ్ పట్టణ నివాస ప్రాంతంలో అత్యధికంగా పట్టణ వ్యవసాయ కుటుంబాలు ఉన్నాయి.^[6] పంట అందిన తరువాత వ్యర్థాలను నరికి, తగులబెట్టే (స్లాష్, బర్న్) పద్ధతిలో ఉన్న పంటలను సాగు చేస్తారు.కొండప్రాంతాలపై మెట్లవలె కట్టిన సమమైన ప్రదేశాలలో (టెర్రస్ వ్యవసాయం) వ్యవసాయం చాలా ఎక్కువ ప్రాంతాలలో ఉంటుంది.సాధారణంగా వరి,మొక్కజొన్న,చిరుధాన్యాలు వీరి ప్రధాన ఆహార పంటలు.పసుపు,చెరకు వంటి వాణిజ్య పంటలను కూడా తక్కువ ప్రాంతాలలో పండిస్తారు.^[10] వ్యవసాయ ఉత్పత్తులతో పాటు,"ముర్హా" అని పిలువబడే నేసిన వెదురు బల్లలు వంటి హస్తకళలు అక్కడి మార్కెట్లో సర్వసాధారణం.నారింజ,పైనాపిల్ వంటి కాలానుగుణ పండ్ల సాగు సాధారణం, అనుకూలమైన సాగు,మిగులు ఉత్పత్తి కాలంలో,అవి స్థానిక మార్కెట్లలో, పసిఘాట్లోని పట్టణం వెలుపల అమ్మకానికి రవాణా చేయబడతాయి.చేపల పెంపకం స్థానికులకు ఉపాధి కల్పించడానికి,రాష్ట్రానికి ఆదాయాన్ని సంపాదించడానికి కేంద్ర ప్రాయోజిత ఎఫ్‌ఎఫ్‌డిఎ (చేప రైతుల అభివృద్ధి సంస్థ ) కార్యక్రమం కింద దీనిని ప్రోత్సహింపబడుతుంది.^[11] ఆది తెగ 'ఎగిన్' అని పిలువబడే ఒక ప్రత్యేకమైన సాంప్రదాయ బుట్టను తయారు చేయడంలో ఇక్కడి ప్రజలకు నైపుణ్యం ఉంది.బియ్యం,ఎండిన కలప, ఇతర తినదగిన, వ్యవసాయ ఉత్పత్తులు గృహ వస్తువులను అతిధుల ఇండ్లకుతీసుకువెళ్ళడానికి స్థానికులు దీనిని తరచుగా ఉపయోగిస్తారు.^[12]

2011 భారత జనాభా లెక్కల ప్రకారం, ఈ పట్టణంలో మొత్తం జనాభా 8,573 మంది ఉన్నారు. అందులో పురుష జనాభా 4,381, స్త్రీల జనాభా 4,192 మంది ఉన్నారు.0 నుండి 6 సంవత్సరాల వయస్సులోపు పిల్లలు 1,139 మంది ఉన్నారు.శ్రామిక జనాభా మొత్తం 3,787 మంది,అందులో పురుష శ్రామిక జనాభా 2,221 మందికాగా, మహిళా శ్రామిక జనాభా 1,566 మంది ఉన్నారు..^[13] పట్టణ అక్షరాస్యత రేటు 64%. స్త్రీల అక్షరాస్యత రేటు 44.89%, పురుషుల అక్షరాస్యత రేటు 55%.^[14] పట్టణ పరిధిలో ఎక్కువ వయస్సు పైబడి పని చేయని జనాభా 4,786 మంది కలిగి ఉన్నారు.ఆది ఈ ప్రాంతంలో మాట్లాడే ప్రధాన మాండలికం.విభిన్న ప్రసంగం ఉన్న వ్యక్తులతో లేదా ఆది మాట్లాడని వ్యక్తులతో కమ్యూనికేట్ చేయడానికి హిందీ భాషను సాధారణంగా ఉపయోగిస్తారు.

2001 జనాభా లెక్కల ప్రకారం క్రింది పట్టికలోమతాలు వారిగా ఉన్న జనాభా వివరాలను చూపిస్తుంది.

యింగ్కియాంగ్ స్థానికులు ముఖ్యంగా సోలుంగ్,^[15] అరన్ (యూనియింగ్-అరన్),ఎటోర్,^[16] సియాంగ్ నది దర్శన్,మోపిన్ అనే పండుగలను జరుపుకుంటారు.

• 

  సోలుంగ్ పండుగ వ్యవసాయం, మంచి పంట కోసం జరుపుకుంటారు,ఆది సమాజంలో ప్రబలంగా ఉన్న సోలుంగ్ ఉత్సవం మూలం గురించి వివిధ పురాణాలు, కథలు,నమ్మకాలు ఉన్నాయి. సాధారణంగా ఆగస్టు-సెప్టెంబరు మధ్యలో జరుపుకుంటారు, పండుగ తేదీని గ్రామ కౌన్సిల్ నిర్ణయిస్తుంది.^[6] కొన్నిసార్లు, 'గామ్' (గ్రామ ప్రధానోపాధ్యాయుడు) గ్రామంలోని ఇతర నాయకులతో సంప్రదించి తేదీని నిర్ణయిస్తాడు.పండగ రోజు, గ్రామస్తులు బియ్యం-బీర్ (అపోంగ్) తయారుచేస్తారు.ఈ సందర్భంగా తాజా కూరగాయలు,మాంసాలు పుష్కలంగా నిల్వ చేయబడతాయి.
• అరన్ (యునియింగ్ అరన్) అనేది తూర్పు ఎగువ సియాంగ్ జిల్లాల్లో జరుపుకునే ఆది సమాజం నూతన సంవత్సర పండుగ.^[17] ఇది వసంత రుతువు రాకను సూచిస్తుంది.పండుగ సందర్భంగా గ్రామంలోని పురుషులు పెద్దలు బారి నృత్యం చేస్తారు.యువకులు,బాలికలు యక్జోంగ్ నృత్యం చేస్తారు. ఈనృత్యాలు పండుగకు చెందిన మూలకథలను వివరిస్తాయి.వారు మంచి ఆరోగ్యం,ప్రజల శ్రేయస్సు కోసంప్రార్థిస్తారు.
• ఈటర్ పండుగను మే 15 న తూర్పు,ఎగువ సియాంగ్ ఆది ఆదివాసులు జరుపుకుంటారు.ఎటోర్ అంటే 'కంచె' అని అర్ధం.ఇది పండించిన భూములను కంచె వేయడం ద్వారా పంటల రక్షణకు సంబంధించింది.అంతకుముందు స్థానిక పొలాలలో చేపలు ఉత్పత్తికి కంచెవేసి రక్షించబడతాయి.^[18] దేవతలకు భారీ విందు,నైవేద్యాలు చేస్తారు.వార్షిక వ్యవసాయ చక్రం ప్రారంభించడానికి ఈ పండగను జరుపుకుంటారు ^[16]

• 

  సియాంగ్ రివర్ ఫెస్టివల్, గతంలో బ్రహ్మపుత్ర దర్శన్ ఫెస్టివల్ అని పిలిచేవారు, తరువాత సియాంగ్ నది ఫెస్టివల్ గా పేరు మార్చారు. 2005 తరువాత, యింగ్కియోంగ్,ట్యూటింగ్ పసిఘాట్ ఈసామూహిక సామరస్యం పండుగను నిర్వహించడానికి ప్రదేశాలుగా ఎంపిక చేయబడ్డాయి.^[19]

ఈ పట్టణం అరుణాచల్ ప్రదేశ్ నుండి జాతీయ రహదారి 52 ద్వారా పసిఘాట్ నుండి ఇటానగర్ వరకు,జాతీయ రహదారి 513 ద్వారా దేశంలోని మిగిలిన ప్రాంతాలకు అనుసంధానించబడి ఉంది.రవాణా మార్గాల్లో సుమో (టాక్సీ) సేవలు ఎపిఎస్‌టి (అరుణాచల్ ప్రదేశ్ రాష్ట్ర రవాఁణా సంస్థ) బస్సు సర్వీసులు ఉన్నాయి. ప్రత్యక్ష వైమానిక అనుసంధానం లేదు.అంతకుముందు డిబ్రూగర్ లోని మోహన్‌బరి విమానాశ్రయానికి పరిమితం చేయబడింది.^[20][21] యింగ్కియోంగ్ చేరుకోవడానికి సమీప విమానాశ్రయం 2018 లో పసిఘాట్ పట్టణంలో కొత్తగా నిర్మించిన విమానాశ్రయం.^[22] పట్టణానికి చేరుకోవడానికి పసిఘాట్, ఇటానగర్ అస్సాం నుండి హెలికాప్టర్ సేవలు అందుబాటులో ఉన్నాయి.^[23] పట్టణంలో రెండు హెలిపోర్ట్‌లు ఉన్నాయి.ఒకటి సియాంగ్ సమీపంలో,మరొకటి యింగ్‌కియాంగ్‌లోని జిల్లా కలెక్టర్ కార్యాలయానికి ఎదురుగా హెలికాప్టర్ ల్యాండింగ్ సేవలను వినియోగించుకోవటానికి సులభతరం చేస్తున్నాయి.^[24] యింగ్‌కియాంగ్‌ పట్టణానికి అస్సాం రాష్ట్రం,జోనాయి జిల్లాలోని ముర్కాంగ్సెలెక్ రైల్వే స్టేషన్ నుండి పసిఘాట్ ద్వారా యింగ్‌కియాంగ్‌ పట్టణానికి చేరుకోవచ్చు ^[25][26]

• ఎగువ సియాంగ్ జిల్లా

1. ↑ "Upper Siang | Arunachal Pradesh | DISTRICTS OF INDIA". districts.nic.in (in ఇంగ్లీష్). Retrieved 2018-09-19.
2. ↑ "ఆర్కైవ్ నకలు" (PDF). Archived from the original (PDF) on 2015-04-08. Retrieved 2021-05-26.
3. ↑ "Unnamed Road to Unnamed Road". Unnamed Road to Unnamed Road (in ఇంగ్లీష్). Retrieved 2019-06-14.
4. ↑ 2011, Yingkiong. "Census, Govt of India". {cite web}: |last= has numeric name (help)
5. ↑ "Ground Water Information Booklet. Upper Siang District, Arunachal Pradesh" (PDF). September 2013.
6. ↑ ^{6.0 6.1 6.2} http://cgwb.gov.in/District_Profile/Arunachal/UPPER%20SIANG.pdf
7. ↑ Managing natural resources : focus on land and water : felicitation volume in honour of Professor R.L. Dwivedi. Dwivedi, R. L., 1924-, Misra, H. N. (Harikesh N.), 1945-. Delhi. 13 March 2014. ISBN 9788120349339. OCLC 893309586.{cite book}: CS1 maint: location missing publisher (link) CS1 maint: others (link)
8. ↑ "Horticulture | DISTRICT UPPER SIANG | India" (in అమెరికన్ ఇంగ్లీష్). Retrieved 2020-10-11.
9. ↑ "Home | Mission for Integrated Development of Horticulture (MIDH)". midh.gov.in. Retrieved 2020-10-11.
10. ↑ "ARUNACHAL PRADESH | Department of Agriculture Cooperation & Farmers Welfare | Mo A&FW | GoI". agricoop.nic.in. Retrieved 2019-02-13.
11. ↑ "Department of Fisheries | Arunachal Pradesh". meenarun.nic.in. Retrieved 2019-02-13.
12. ↑ Sharma, Tika Prasad (October 2008). "Ethnobotanical observations on Bamboos among Adi tribes in Arunachal Pradesh". Indian Journal of Traditional Knowledge. 7 (4): 594–597 – via Department of Botany, Gauhati University, Guwahati 781014, Assam.
13. ↑ "Census of India: Primary Census Abstract". censusindia.gov.in. Retrieved 2018-09-19.
14. ↑ "Census of India: Search Details". censusindia.gov.in. Retrieved 2019-06-09.
15. ↑ "CS visits Upper Siang, attends Solung festival". The Arunachal Times (in అమెరికన్ ఇంగ్లీష్). Retrieved 2018-09-19.
16. ↑ ^{16.0 16.1} Mishra, B.P.; Kumawat, M.M.; Kumar, Naresh; Riba, Toge; Kumar, Sanjeev (2016). "Significance of Aran Festival for Rodent Management by Adi Tribes of Arunachal Pradesh". Journal of Global Communication. 9 (1): 15. doi:10.5958/0976-2442.2016.00004.5. ISSN 0974-0600.
17. ↑ "Unying Aran celebrated with traditional fervor". Arunachal Times. Retrieved 2018-09-19.
18. ↑ Pathak, Guptajit; Gogoi, Raju (2008). Cultural fiesta in the "Island of peace" Arunachal Pradesh. New Delhi, India: Mittal Publications. ISBN 978-8183242318. OCLC 277280040.
19. ↑ "Famous Festivals Of Arunachal Pradesh". Nelive. 2018-07-04. Archived from the original on 2018-09-19. Retrieved 2018-09-19.
20. ↑ "Dibrugarh Airport to Yingkiong". Dibrugarh Airport to Yingkiong (in ఇంగ్లీష్). Retrieved 2019-06-09.
21. ↑ "AAI sees potential in Dibrugarh airport". www.telegraphindia.com (in ఇంగ్లీష్). Retrieved 2019-06-09.
22. ↑ "Arunachal's first commercial flight lands at Pasighat airport - Times of India". The Times of India. Retrieved 2018-09-19.
23. ↑ "Civil Aviation – Government of Arunachal Pradesh". www.arunachalpradesh.gov.in (in అమెరికన్ ఇంగ్లీష్). Retrieved 2018-09-19.
24. ↑ "Helipad Yingkiong". Helipad Yingkiong (in ఇంగ్లీష్). Retrieved 2019-06-09.
25. ↑ Shah, Jay. "Murkongselek Station - 3 Train Departures NFR/Northeast Frontier Zone - Railway Enquiry". indiarailinfo.com. Retrieved 2018-09-20.
26. ↑ Trade, TI. "The Assam Tribune Online". www.assamtribune.com. Archived from the original on 2018-09-20. Retrieved 2018-09-20.