వికీపీడియా:బాబెల్

వికీమీడియా ప్రాజెక్టులలో, బాబెల్ అనేది వాడుకరి భాషా మూస‌లను సూచిస్తుంది. వాడుకరికి ఏయే భాషలు తెలుసో ఇతరులకు తెలిసినందువలన ఆయా భాషలు మాట్లాడేవారికి ఇతరులతో సంభాషించడం సులభమౌతుంది. ఈ ఆలోచన వికీమీడియా కామన్స్ లో ఉద్భవించింది. మెటా-వికీ లోను, కొన్ని ఇతర వికీపీడియాలలో కూడా దీన్ని స్థాపించుకున్నారు. దిగువ ఇచ్చిన సూచనలను అనుసరించడం ద్వారా మీరు మీ వాడుకరి పేజీకి బాబెల్ మూస‌ను చేర్చుకోవచ్చు.

• {Babel| అనే కోడ్‌తో మొదలుపెట్టండి. Babel తరువాత ఉన్నది పైపు సింబల్ (|)
• ఆ తరువాత మీకు వచ్చిన భాషల రెండక్షరాల కోడ్‌ను చేరుస్తూ పొండి. భాషల మధ్య | (పైపు) ను పెట్టండి. వివిధ భాషల రెండక్షరాల కోడ్ కోసం ఇంగ్లీషు వికీపీడియా లోని ఈ పేజీ చూడండి. ఆయా భాషలో మీ ప్రావీణ్యత స్థాయిని తెలియజెప్పే అంకెల వివరాల కోసం కింది జాబితా చూడండి.
  • xx-1 ప్రాథమిక స్థాయి నైపుణ్యం - చదవగలిగే నైపుణ్యం.
  • xx-2 మధ్యమ స్థాయి నైపుణ్యం - దిద్దుబాట్లు చేసే, చర్చల్లో పాల్గొనగలిగే నైపుణ్యం.
  • xx-3 ఉన్నత స్థాయి నైపుణ్యం - రాయడమ్లో ఇబ్బందులేమీ లేనప్పటికీ, చిన్న తప్పులు దొర్లే అవకాశం ఉంది.
  • xx-4 దాదాపుగా మాతృభాషా స్థాయి - ఇది మీ మాతృభాష కానప్పటికీ, దాదాపుగా ఆ స్థాయిలో నైపుణ్యం ఉంది.
  • xx-5 వృత్తిపరమైన నైపుణ్యం.
  • xx (అంకె ఏమీ లేకుండా) మాతృభాష. రోజూ వాడే భాష. జాతీయాలు, నానుడులు, సామెతలు అలవోకగా వాడుతూ మాట్లాడగలిగే రాయగలిగే భాష.
• ఆ తరువాత } - ఇలా మూసే బ్రాకెట్లు పెట్టి ముగించండి.

ఈ మూసలను మీ వాడుకరిపేజీలో వాడినపుడు మిమ్మల్ని మీ నైపుణ్య స్థాయికి సంబంధించిన వర్గం లోకి చేరుస్తాయి. ఆ భాషకు చెందిన మాతృవర్గానికి కూడా జోడిస్తాయి.

ఫలానా భాష మాట్లాడగలిగే వారి కోసం వెతకాలంటే భాషవారీగా వికీపీడియనులు అనే వర్గంలో చూడవచ్చు.

బాబెల్ మూసలను కింది పద్ధతులలో కూడా చేర్చుకోవచ్చు:

1. ఒక్కొక్క భాషతో ఒక్కొక్క మూసను పెట్టుకుంటూ స్టాండలోన్ భాష మూసలను చేర్చుకోవచ్చు ఇలాగ: {User te-1}{User kn-1}{User ml-1}.
2. బాబెల్-ఎన్ మూసను వాడుకోవచ్చు. పద్ధతి: {Babel-N|1={User te-1}{User kn-1}{User ml-1}}.
3. టాప్ బాటం బాక్సు మూసలను వాడి పెట్టుకోవచ్చు. పద్ధతి: {Userboxtop}{User te-1}{User kn-1}{User ml-1}{Userboxbottom}.
4. బాబెల్ ఎక్స్టెన్షన్ను వాడి పెట్టుకోవచ్చు. పద్ధతి: {#Babel:te|kn-1|ml-2}.