Gelato

Gelato

Uri	Sorbetes
Kurso	Panghimagas
Lugar	Italya
Ihain nang	−14 hanggang −11 °C 7 hanggang 12 °F[1][2][3][4][5]
Pangunahing Sangkap	5–20% krema 60–80% gatas 14–24% asukal[6][7]
Karagdagang Sangkap	Mga pampalasa (prutas, nuwes, tsokolate, atbp.)[8][9]
Karagdagan	60–65% kabuuang tubig[10] 6–9% kabuuang taba ng gatas[11][12] 25–35% hangin[13][14] Karaniwang inihahain kasama ng pala sa halip na pansandok ng sorbetes[15]
Mga midyang may kaugynayan sa Media: Gelato sa Wikimedia Commons

Ang gelato (lit. na  'elado' o 'pinalamig') ay ang karaniwang salita sa wikang Italyano para sa lahat ng uri ng sorbetes. Sa Ingles at iba pang mga wika, partikular na tumutukoy ito sa isang pinalamig na panghimagas mula sa Italya. Karaniwang naglalaman ang artesanong gelato sa Italya ng 6–9% taba ng gatas, na mas mababa kaysa sa iba pang mga istilo ng eladong panghimagas.^[16] Karaniwan, hangin ang 35% ng nilalaman ng gelato (napakakaunti kaysa sa Amerikanong sorbetes), at mas marami ang pampalasa nito kumpara sa iba pang mga uri ng eladong panghimagas. Kaya matindi ang lasa nito na may makrema at walang pamumuo, at may densidad at linamnam na nagpapaiba nito sa iba pang sorbetes.^[17][18][19]

Ang orihinal na fior di latte ay simpleng saligang sorbetes na walang idinagdag na pampalasa o itlog. Ang stracciatella ay gelatong fior di latte na may mga pira-piraso ng tsokolate. Kabilang sa mga tradisyonal na lasa ng gelato ang crema ('kastard'), baynilya, tsokolate, abelyana, almendras, at pistatso.^[20] Kabilang sa mga modernong lasa ang samu't saring uri ng prutas, pati na rin ang mga bago at di-inaasahang lasa gaya ng ekstrang dalisay na langis ng oliba o balanoy.