بلاد سودان

بلاد سودان یعنی کالوں کا دیس بحر اوقیانوس سے بحیرۂ احمر تک پھیلا ہوا افریقا کا وسیع قطعۂ ارض ہے جس کے شمالی حصے صحرائے اعظم کا حصہ ہیں اور جنوبی حصے زرخیز زمینوں پر مشتمل ہیں۔ ملک سوڈان اس وسیع و عریض خطے کا صرف مشرقی حصہ ہے۔ مالی اور اس سے ملحقہ علاقوں کو مغربی سوڈان کہا جاتا ہے اسی طرح سوڈان کو مشرقی سوڈان بھی کہا جاتا ہے۔

موجودہ سوڈان کا نصف شمالی حصہ عہد قدیم میں نوبیہ کہلاتا تھا۔ مصر کی طرح نوبیہ کی خوش حالی بھی دریائے نیل اور اس کے معاونین کی رہی ن منت ہے اور مصر کی طرح نوبیہ بھی قدیم ترین تہذیبوں کا گہوارہ رہا ہے۔ نوبیہ کی قدیم تہذیب دراصل مصری تہذیب تھی اور اس کی تاریخ پانچ ہزار سال پرانی ہے۔