კორთხონჯი
Narcissus poeticus
კორთხონჯი (ლათ. Narcissus) — ოდიარე ჩანარეფიშ გვარი ამარილისიშობურეფიშ ფანიაშე. აკმოკათჷნს 60-შახ გვარობას, ნამუთ ჩანს ევროპას, სქირონაშქაზუღაპიჯის, წიმი დო შქა აზიას.
კორთხონჯი ორდოგჷმაპირუ ანდაწანიანი ბოქვამ ჩანარი რე. ბოქცი ფორილი რე მოდინცხფერე ფურჩეფით. უფურცელე ოპეულე ღერს ართი ვარ-და მუახირენი ჩე ვარ-და ჸვინთელი პეული უღუ. პეულიშ მუდანობაშ, პეულოფორუშ სიგჷნძაშ დო ფერიშ მეჯინათ ირთჷ მუსხირენ საბაღე ჯიშო. დეკორატიული ჩანარი რე, გჷმირინუანა ბაღ-პარკეფიშ გაფორმებელო დო ეიოჭკირალ მასალათ. კორთხონჯიშ კანკალე გვარობაშ პეული იკათუანს ეთერამ ზეთის, ბოქვი — ალკალოიდეფს.
ლიტერატურა
