ტიტიკაკა
| ტიტიკაკა | |
|---|---|
| ესპ. Lago Titicaca კეჩუა Titiqaqa Qucha | |
 ტიტიკაკაშ ტობა რუკას | |
| ორენი |  ბოლივია პერუ
|
| სიმაღალა ზუღაშ დონეშე | 3812 მ |
| სიგჷრძა | 190 კმ |
| სიგანა | 80 კმ |
| ფართობი | 8,372 კმ² |
| წყარპიჯიშ ღოზიშ სიგჷრძა | 1125 კმ |
| მაქსიმალური სიტომბა | 281 მ |
| ოშქაშე სიტომბა | 107 მ |
| ღანჩოშ ფართობი | 58,000 კმ² |
| ინმალი წყარმალუეფი | 27 წყარმალუ |
| გჷშმალი წყარმალუ | დესაგუადერო |
ტიტიკაკა (ესპ. Lago Titicaca; კეჩუა Titiqaqa Qucha) რე ტობა ობჟათე ამერიკას, ანდეფიშ გვალეფიშ სისტემას, ბოლივიაშ დო პერუშ სახენწჷფო ხურგის. ტიტიკაკაშ ტობა იდვალუაფჷ ზუღაშ დონეშე 3812 მეტრაშ სიმაღალას. წყარიშ მოცულობათ დო ფართობით ტიტიკაკა ობჟათე ამერიკაშ უდიდაშ ტობა რე. ტობა ვეჸინუ დო წარმოწანაშ არძო სეზონს სანავიგაციო რე. ტიტიკაკაშა მიშმურს 27 წყარმალუ დო გიშმურს დოხოლაფირო 20 წყარმალუ. არძაშე უდიდაში წყარმალუ ნამუთ ტიტიკაკაშე გიშმურს რე დესაგუადერო. ტიტიკაკაშ ტობას იდვალუაფჷ 42 კოკი. მინი კოკი ხელუანური რე. მაგალთო ათეცალ კოკი რე ურუშ ტომეფიშ ხელუანურო ნაკეთებჷ კოკი, ნამუსჷთ უროსის უძახუნა. ხელუანურ კოკეფს ადამიერეფი ასე ხოლო ცხოვრენა. ჸათეცალ კოკეფს ვა რე ვართ მანქანეფი, ვართ ჰოტელეფი, ელექტროენერგია უღუნა ხვალე გენერატორეფით დო დიხას ასე ხოლო ხეთ ამუშენა. 2000-იან წანეფშე ტიტიკაშ წყარიშ დონე ირკენს. 2009 წანაშ მუნაჩემეფით წყარიშ დონე 81 სმ-ითი რე დარკებული. ტიტიკაკაშ ტობაშ ფართობი 8,372 კვ.კმ. მაქსიმალური სიგინძა რე 190 კმ. დო მაქსიმალური სიგანა 80 კმ. რე.
