Armenië

Armenië (Armeens: Հայաստան, Hajastan), officieel de Republiek Armenië (Armeens: Հայաստանի Հանրապետություն, Hajastani Hanrapetut῾jun) is een land in Europa. 't land lig in de Kaukasus 't a voe een stik in Europa lig en voe een stik in Azië. Dibie is 't et een zohenaemde transcontinentaole staet. Armenië hrens in 't noôrn an Georhië, in 't oôssen an Aâzerbeidzjan, in 't wessen an Turkije en in 't zuujen an Iran. Armenië is hericht op Europa, is lid van de Raed van Europa en voel zen eihen dan ok een Europees land.

In d'n Eersten Weareldoorlog is d'r een genocide op de Armenen epleegt deu de Turken. Ierbie kwamme meer as 1,5 miljoen Armenen omme. Deze Armeênse Genocide wor nog steeds ontkend deu Turkije. Nea die oorlog behorende Armenië tot 1991 bie de Sovjetunie.

De oôdstad van Armenië is Jerevan, vlakbie de berg Ararat.

Relihie

Armenië is het eeste land ter weareld dat het christendom annam as staesreligie, dit hebeurende in 301. 94,7% van de inweuners van Armenië behoor toe de Armeens-apostolische Kerreke.

Klimaot

Armenië ei over 't alhemeên een subtropisch klimaot, mè an de elliengen en op de oôgtes van de Kaukasus is 't vee droôher en eêrs 't er een steppeklimaot.

Zie ok

• Tigranes de Groôte