Boot

Es Boot isch e Wasserfaarzüüg, wo noch em archimedische Brinzip uf em Wasser schwümmt. As Underseeboot schwümmts im Wasser in ere Diefi, wo vo dr Bsatzig festgläit wird.

Boot si im Allgemäine chliiner as Schiff. Z Dütschland sin si noch Gsetz weniger as as elf Meter lang.^[1] Im Underschiid zum ene Flooss het e Boot e Rumpf (Hoolkörper) oder meereri Rümpf.

Dä Rumpf cha us Holz, Staal, Kunststoff, GFK oder sogar Beton gmacht si, oder us ere Kombinazion vo dene Material.

Mä cha d Boot iidäile je nochdäm wie si baut si:

• Holzboot
• Schluuchboot

wie si aadriibe wärde:

• Motorboot
• Paddelboot,
• Ruederboot
• Sägelboot

für was si brucht wärde:

• Fischerboot
• Huusboot
• Rettigsboot
• Sportboot
• Rennboot
• Sumpfboot
• Amfibiefaarzüüg)

was für hüdrodynamischi Äigeschafte si häi:

• Gläiter
• Halbgläiter
• Verdränger)

oder wievil Rümpf si häi:

• äi Rumpf = Monohull
• zwäi Rümpf = Katamaran
• drei Rümpf = Trimaran.

 Commons: Boote – Sammlig vo Multimediadateie

1. ↑ Prüßmann, Heinz; Rabe, Dieter: Seehandelsrecht. Viertes Buch des Handelsgesetzbuches mit Nebenvorschriften und Internationalen Übereinkommen. C. H. Beck, Münche 1983.