Primera Internacional

Primer Internacional
internacional y organización
Llocalización
Sede	Londres
Historia
Fundación	28 setiembre 1864
Disolución	1876
Fundador	George Odger Henri Tolain Edward Spencer Beesly

La Primera Internacional o Asociación Internacional de Trabayadores (AIT), foi la primer organización internacional de los trabayadores. Foi fundada en Londres en 1864.

Na primer metada del sieglu XIX los únicos movimientos obreros d'entidá fueron el británicu o el francés. La xestación d'idegues ta xeneralmente nun estáu embrionariu en cuasi tolos países, hasta nos movimientos obreros tienen un desenrollu significativu. El Movimientu obreru acabó buscando una espresión internacional, sobrepasando les fronteres territoriales. Esta espresión internacional finó cristalizando en 1864, l'AIT anque tuvo predentes. L'AIT foi una organización de relevancia numbérica, pero sobre too la so significación más importante tuvo nel impautu sicolóxicu causáu nos trabayadores obreros y sobre los estaos y burguesíes nacionales antagonistes, que la reciben con llercia.

El papel de l'AIT nel españíu de la Comuña de París foi débil pero ambes quedaron nel imaxinariu coleutivu de la clase dominante como elementos terroríficos. En 1872 la organización treslládase a EE.XX., disolviéndose oficialmente en 1876. En 1889 establezse la Segunda Internacional como la socesora nos sos fines políticos.

Precedentes

Les primeres tentatives d'internacionalización daten de la primer metada del sieglu XIX y respuenden a la esistencia d'emigraos políticos de los sos países d'orixe, especialmente en París.

• Comité internacional de refuxaos. Londres. Ye una organización inglesa. Fundada por E. Jones. Escasa definición ideolóxica y d'orientación non obrerista. En 1856 visítenlos un grupu de siguidores de Proudhon y Auguste Blanqui, que quieren constituyir una Lliga Internacional de Trabayadores.

• Lliga de los Xustos. París- Londres, 1826-1848. Sociedá secreta d'exiliaos alemanes que participen na sulevación parisina de Blanqui en 1839. Lo so sede tresládase a Londres, ellí camudarán de nome y pasará a llamase Lliga de los comunistes. En 1847 encárguen-y a Karl Marx la redaición d'un programa que más tarde entitularáse Manifiestu comunista. En 1848 la Lliga de los comunistes torna a Alemaña (Colonia) y será disuelta.

• Sociedá demócrata de fraternales. Inglaterra, 1845- 1852. Naz como oficina d'intercambiu de noticies. El so miembru más activu ye Harney que d'alcuerdu con Marx plantega un congresu internacional en 1848 que se ve frustráu.

Como se ve, hai dos llinies d'iniciatives paraleles que nun acaben de cuayar. De los respeutivos movimientos obreros y del "caldu de cultivu" existente acabará xurdiendo en 1864 l'AIT.

Formación

En 1862 una delegación d'obreros franceses proudhonianos visita Londres, y del so contautu con obreros ingleses xurde aconceyar otra vuelta al añu siguiente, en 1863. Redáctase un mensaxe de solidaridá de los franceses con Polonia y planteguen presión pa torgar la contratación d'obreros foriatos. Tamién resulta del alcuentru, la celebración de congresos internacionales periódicos. El primeru, fairáse en Londres (St Martín Hols, 1964) y nél tomaráse la decisión de crear l'Asociación Internacional del Trabayu.

La AIT ñaz como puntu de confluencia d'asociaciones diverses: sindicalismu y constitucionalismu ingleses, prodhunianos franceses, refuxaos políticos polacos y húngaros, italianos de Manzini, italianos seguidores de F. Lasalle y otres figures de la Lliga de los comunistes a títulu individual (Marx).

Los componentes básicos son ingleses y franceses; los demás son de presencia minoritaria o individuos con presencia de forma personal pero de gran autoridá moral (L'exemplu de Marx).

Fórmase un comité pa redautar unos estatutos de l'AIT que fairá Marx principalmente.

Nel llamáu inaugural próclamase'l valor del sindicalismu como elementu de resistencia y señálase que los sindicatos muerren cuando faen guerra d'escaramuces (combatir efeutos del capitalismu) y nun trabayen pola tresformación del mesmu.

Etapes

1664-1867

Los primeros años. L'AIT tien pocos adeptos y amás prodúzse un retrocesu del sindicalismu britanicu darréu y conviértese nuna organización continental con mui poca presencia nes islles. La mayor implantación ye en Francia y menor en Suiza y Bélxica. N'Italia y España ye cuasi nula. El predominiu francés xustifica la preminencia de les idees prudhonianes, anque yá nos entamos apaez la confrontación ente Proudhon y Karl Marx.

1867.1869

Ye una etapa de munchos conflictos, fuelgues europees. L'AIT desendólcase mui rápido en Bélxica. En Francia medra abondo tamién. Francia conviértese nel país guía del movimientu obreru y evoluciona haza un sindicalismu de corte revolucionariu. Hai delles decenes de miles de militantes en Francia y entamen a participar en política.

A partir de 1869

L'AIT esparde la so influencia haza l'estáu español que ta nel periodu conocíu como Sexeniu democráticu, formándose seiciones en Madrid y Barcelona. Tamién presente n'Italia ( Nápoles, Florencia), n'Alemaña (hai asociaciones que ruempen con Lasalle y pasen a l'AIT, constituyendo'l Partíu socialdemocrata alemán, tamién seiciones n'Austria, Países Baxos, Dinamarca, Estaos Xuníos y hasta xurde ciertu sofitu ente'l sindicalismu británicu.

Congresos Internacionales

• Congresu de Xinebra, 1866. Confrontación ente Proudhon y Marx. Marx tenía sofitu d'ingleses y alemanes y Proudhon de los franceses. Resuélvese esixir midíes sociales a los estaos, faise por primer vegada el pidimentu de la xornada de 8 hores y que l'estáu meyore les condiciones de muyeres y guaḥes.

• Congresu de Lausana, 1867. Proudhon ye sustituyíu por Bakunin. Apaez la novedá del SPD Alemán, abriéndose la vía a la creación de partíos obreros.

• Congresu de Bruxeles, 1868. Entama o continúa la confrontación ente Bakunin y Marx. Vindícase por primer vegada la propiedá común del suelu.

• Conferencia de Londres, 1871. Cincuenta delegaos. El papa Píu IX. Apruébase la propuesta de crear partíos obreros de Marx.

• Congresu de L'Haya, 1872. Marx consigue espulsar a Bakunin. Treslládase la sé del Conseyu Xeneral a EE.XX.

• Congresu de Filadelfia, 1876. Decídese la disolución de la internacional. Paralelamente los seguidores de Bakunin caltienen una Internacional, pero namái dura hasta 1877. Nesti periodu perfílase'l predomniu y la llocalización xeográfica que tendrá'l marxismu y l'anarquismu

Movimientos políticos que surdieron de la Primera Internacional

El Movimientu Obreru Revolucionariu Internacional surdíu de l'AIT puso dende'l primer momentu les discrepancies ente los partidarios de Bakunin y Marx. Los partidarios del primeru, organizáronse no que se dio en llamar l'anarquismu militante como movimientu internacional organizáu. Los partidarios del segundu dieron a un ensamu de corrientes ideolóxiques llamaes como marxismu.

Anarquismu militante:

Les diferentes corrientes anarquistes que fueron surdiendo de les idees de Bakunin termiaron construyendo tres grandes grupos d'asociaciones anarquistes. La primera foi l'anarco-coleutivismu, del que surdió l'anarco-sindicalismu (socialismu anarquista). La segunda gran corriente anarquista que surdió del Bakunismo foi l'anarco-comunismu, más conocíu como comunismu llibertariu. Por último, tamién se pue destacar l'anarquía cooperativista.

Marxismu:

El marxismu dio dos grandes families que se fueron definiendo a partir de la Segunda, Tercera y Cuarta Internacional: El socialismu marxista y el socialismu democráticu (socialdemocracia o revisionismu). El socialismu marxista tien como principal socesor el comunismu propiamente dichu, como idees aportaes por Lenin (leninismu). Dientro de les ideoloxíes comunistes hubo una evolución y adautación del marxismo-leninismu a les diferentes dómines y realidaes nacionales. Asina podemos falar de trosquismu, estalinismu, maoísmu, autoxestión socialista y eurocomunismu.

AIT (anarcosindicalista)

Ente'l 25 d'avientu de 1922 y el 2 de xineru de 1923 dellos grupos anarcosindicalistes refunden en Berlín l'AIT. De la que tracen los oríxenes na Primer Internacional (1864-1876), y de supuesta continuidá. El so secretariáu tuvo n'Oslu hasta l'añu 2006. N'avientu de 2006, fecha na que tuvo llugar en Manchester, Inglaterra, el 23 Congreso de la organización ente los díes 8, 9 y 10 pasóse'l secretariaáu a Belgráu, en Serbia, hasta 2011.^[1]

Notes