Sus scrofa domestica

Gochu
gochu
Clasificación científica
Reinu: Animalia
Filu: Chordata
Clas: Mammalia
Orde: Artiodactyla
Familia: Suidae
Xéneru: Sus
Especie: S. scrofa
Subespecie: S. s. domestica
Linneo, 1758
Sinonimia
Sus domestica
Consultes
[editar datos en Wikidata]

El gochu[1] (Sus scrofa domesticus ver: Suidae) ye un mamíferu artiodáctilu

El gochu domésticu tien el nome científicu de Sus scrofa, magar que dellos autores llámenlos Sus domesticus, siendo el Sus scrofa el xabalín. Domesticóse hai 5.000 o 7.000 años. Alcuéntrase en toa Europa, l'Oriente Mediu, Asia hasta Indonesia y Xapón. La diferencia ente'l gochu xabaz y domésticu ye pequeña y el gochu domésticu volvióse cimarrón en munches zones del mundu (como en Nueva Zelanda). La familia los Suidos tamién incluye alrodiu de 12 especies estremaes del gochu xabaz, clasificaos tamién dientro'l xéneru Sus.

Sus scrofa tien cuatro subespecies, caúna ocupando una área xeográfica estremada. Ta'l Sus scrofa scrofa (África occidental y Europa), Sus scrofa ussuricus (norte d'Asia y Xapón), Sus scrofa cristatus (Asia menor y la India) y el Sus scrofa vittatus (Indonesia).

Sinónimos de gochu:

  • Gorrín
  • gurrafu
  • berrón
  • xiblón

Una llechugada de gochinos (o coínos) tien ente 10 y 12 animales. La carne de gochu utilízase pa facer xamón y tocín.

La pelleya emplégase pa facer cueru. Los sos pelos duros valen pa cepillos.

Los gochos, como los humanos, son omnívoros, siendo cenciellu de caltener.

Los gochos son los únicos mamíferos que nun tienen glándules sudoroses.

Miscelánea

  • La carne de gochu ta prohibía nel xudaísmu y l'Islam.
  • El gochu ye un de los 12 animales que tan nel zodiacu chinu.
  • Tan asociaos a la fartonería y la suciedá; esto último débese al vezu d'arrollicase na llamuerga.
  • N'Asturies la raza llariega, el gochu'l país, ta en peligru de desaníciu.

Otros nomes

En delles estayes del sur del Domíniu Llingüísticu recibe'l nome de cochu.

Referencies

  1. ↑ URL de la referencia: http://www.sabencia.net/nomenclator.php.

Enllaces esternos