Benito Mussolini

Si Benito Amilcare Andrea Mussolini (Italian: [beˈniːto mussoˈliːni];^[1] 29 July 1883Plantilya:Spnd28 April 1945) sarong politikong Italyano asin peryodista na nagtugdas asin namayo kan Partido Pasista Nasyonal. Siya an Primer Ministro kan Italya poon kan Martsa sa Roma sundo 1922 kun kasuarin buminagsak an rehimen Pasista kan Italya asin siya napatalsik sa poder kan 1943; siya man an inapod na "Duke kan Pasismo Italyano poon pakatugdas kan inapod na Italian Fasces of Combat kan 1919 sagkod kan siya pig-ehekutar kan 1945 kan mga partidistang Italyano. Komo siya diktador kan Italya asin kagmukna kan pasismo, si Mussolini nagpakusog-boot asin man nagsuporta sa internasyonal na paglakop kan hiron nin pasismo durante kan pag'ultan kan duwang gera.^{[2][3][4][5][6]}

Si Mussolini dati politikong sosyalista asin peryodista sa peryodikong Avanti!. Kan 1912, nagin siyang kaapil sa National Directorate of the Italian Socialist Party (PSI),^[7] alagad siya pinatalsik sa PSI sa pagtolod sa militar na pakikiaram sa Enot na Gerang Pankinaban, na ini sarungat sa neutralidad na paninindogan kan peryodiko. Kan 1914, si Mussolini nagmukna nin bagong journal, Il Popolo d'Italia. Siya man nagserbi sa Royal Italian Army durante kan gera asta siya nalugadan asin pinahingalo siya kan taon 1917. Si Mussolini pigdenunsya an PSI, an saiyang pana'naw na nakaturohok sa Nayonalismo Italyano imbes sa sosyalismo, asin dangan nagpundar siya kan hiron pasismo na nagkokontra sa inapod na egalitarianismo^[8] pagsisiriplingan sosyal, imbes sa pagtolod sa "nationalismo rebolusyunaryo" o sa paglampas sa mga linya nin klase.^[9] Kan 31 Oktobre 1922, pakapangyari kan Martsa sa Roma (28–30 October), si Mussolini pignombrahan ni Hadeng Victor Emmanuel III, primer ministro, na siya na an pinakahubin na indibidwal na magkapot kan siring na katongdan. Pakalinig niya kan gabos na oposisyon paagi kan saiyang pulis na tago asin pagbawal sa anoman na pagwelga kan mga trabahador,^[10] Si Mussolini asin saiyang mga alipores naparigon asin natipon ninda mga poderes paagi sa mga leyes na naghira sa nasyon asin nagin nang sarong-partidong diktadurya. Sa laog sana nin limang taon, si Mussolini nakakaag nin autoridad na diktaduryal sa legal asin ilegal na paagi asin naghjingoa makatugdas nin sarong totalitaryanong estado. Kan 1929, si Mussolini nakipagpirma kan Tratado Laterano sa Simbahan Katoliko sa pagtugdas kan Siyudad nin Vaticano.

Toltolan

Sarong tamboan an artikulong ini. Makakatabang ka sa Wikipedia sa pagpoon kaining pahina.