Бружмель блакітны

Бружмель блакітны

Агульны выгляд расліны
Навуковая класіфікацыя
Міжнародная навуковая назва

Lonicera caerulea L.


Сістэматыка
на Віківідах
Выявы
на Вікісховішчы
ITIS  503543
NCBI  134520
EOL  486991
GRIN  t:22559
IPNI  148657-1
TPL  tro-6000006

Бружмель блакітны[1], Бружмель сіні (Lonicera caerulea) — дравяністая расліна; від роду Бружмель (Lonicera) сямейства Бружмелевыя (Caprifoliaceae).

Батанічнае апісанне

Lonicera caerulea
Батанічная ілюстрацыя. Мастак: І. К. Краус  (англ.) (бел.

Лістападны куст да 2,5 м вышынёй, з бурай даўгавата-растрэсканай карой, якая адслойваецца[2]. Бружмель дастаткова хуткарослая расліна (20—30 см/год), працягласць жыцця — 20—30 гадоў.

Лісце эліптычнае, амаль сядзячае, супраціўнае, 4-6 см даўжынёй і 3 см шырынёй.

Суквецці у пазухах 1-3 пар ніжніх лісцеў. Кветкі бледна-жоўтыя, амаль правільныя, званочкавыя. Прыкветкі шылападобныя або мечападобныя, даўжэйшыя за чашачкі[2].

Плод — даўгавата-эліптычная цёмна-блакітная з шызым налётам ягада[2]. Ягады ядомыя і цэняцца за тонкі водар і гаркавата-кіслы смак, які нагадвае чарніцы.

Арэал і экалогія

Распаўсюджана ў межах умеранай зоны па ўсім Паўночным паўшар’і. Расце сярод тундравых зараснікаў відаў роду Empetrum і буякоў, у лясах, на прырэчных лугах, сярод хмызнякоў, у лясным поясе і ў субальпіцы.

Класіфікацыя

Выдзяляюць дзевяць разнавіднасцяў, якія могуць разглядацца як падвіды ці асобныя віды:

  • Lonicera caerulea var. altaica (Бружмель алтайскі), сінонім: L. altaica. Паўночная Азія.
  • Lonicera caerulea var. caerulea. Еўропа.
  • Lonicera caerulea var. cauriana. Захад Паўночнай Амерыкі.
  • Lonicera caerulea var. dependens. Цэнтральная Азія.
  • Lonicera caerulea var. edulis (Бружмель ядомы), сінонім: L. edulis[3]. Усходняя Азія.
  • Lonicera caerulea var. emphyllocalyx. Усходняя Азія.
  • Lonicera caerulea var. kamtschatica. Паўночна-ўсходняя Азія.
  • Lonicera caerulea var. pallasii. Паўночная Азія, Паўночна-ўсходняя Еўропа.
  • Lonicera caerulea var. villosa. Усход Паўночнай Амерыкі.

Значэнне і ўжыванне

Ягады бружмеля
Bombus pascuorum на суквецці бружмеля

Расліна культывуецца ў садах дзеля ягад і ў дэкаратыўных мэтах.

Дае меданосным пчолам шмат нектару і пылку, на Алтаі з’яўляецца найважнейшым меданосам[4].

Зноскі

  1. ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 76. — 160 с. — 2 350 экз. — у крыніцы пад назвай Lonicera coerulea L.
  2. ↑ а б в Lonicera caerulea L., Жимолость голубая (руск.)(недаступная спасылка). Виртуальный гербарий. Ботанический сад ИГУ. Архівавана з першакрыніцы 26 ліпеня 2012. Праверана 12 лютага 2010.
  3. ↑ The Plant List.
  4. ↑ Абрикосов Х. Н. и др. Жимолость // Словарь-справочник пчеловода / Сост. Федосов Н. Ф.. — М.: Сельхозгиз, 1955. — С. 106. Архівавана 7 студзеня 2012.

Літаратура

  • Якубов В. В. Растения Камчатки // Растения Камчатки : Полевой атлас. — M.: Путь, Истина и Жизнь, 2007. — С. 224—225. — 264 с. — 1 000 экз. — ISBN 978-5-98024-023-3.
  • Губанов И. А., Киселёва К. В., Новиков В. С., Тихомиров В. Н. 1224. Lonicera pallasii Ledeb. (L. caerulea L. subsp. pallasii (Ledeb.) Browicz) — Жимолость Палласа // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — С. 263. — ISBN 5-87317-163-7.

Спасылкі

  • Жимолость голубая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)