Віцебскі тралейбус

Віцебскі тралейбус
Тралейбусная сістэма
Краіна Сцяг Беларусі Беларусь
Горад Віцебск
Дата адкрыцця 1 верасня 1978 года
Дата зачынення Дзеючая
Колькасць маршрутаў 12
Даўжыня кантактнай сеткі ~34 км
Агульная даўжыня маршрутаў ~214 км
Колькасць тралейбусных паркаў 1
Колькасць тралейбусаў 88
Схема тралейбусных маршрутаў Віцебска.

Віцебскі тралейбус — сістэма тралейбусных ліній у Віцебску, пачала дзейнічаць 1 верасня 1978 г. На 2018 год у Віцебску працягласць тралейбусных ліній складае — больш 80 км, 12 маршрутаў і 1 тралейбусны парк. Практычна ўся сетка, за выключэннем кароткага ўчастка ад чыгуначнага вакзала па вуліцы Кірава, знаходзіцца на левым беразе Дзвіны.

Гісторыя

Першы віцебскі тралейбус выйшаў на лінію 1 верасня 1978 года ў 11:36. На адкрыцці прымалі ўдзел прадстаўнікі старшыні аблвыканкама, будаўнікі і навучэнцы 3 «Д» класа школы № 31. 13 кастрычніка 1980 года быў адкрыты тралейбусны маршрут № 2, які злучыў чыгуначны вакзал з плошчай Леніна, у 1983 годзе быў адкрыты маршрут №2, які злучыў праспект Фрунзэ і чыгуначны вакзал. У 1986 годзе адкрыты маршрут №4 «Тралейбусны парк — Смаленскі рынак», у ліпені 1992 года — № 5 «Чыгуначны вакзал — вуліца Лазо», у сакавіку 1995 — № 6 «праспект Фрунзэ — вуліца Церашковай». У час рамонту Кіраўскага моста ў 2004 годзе быў адкрыты маршрут № 7. Пасля рамонту ён быў скасаваны, але ў 2010 годзе быў адноўлены. У 2005 годзе адкрыты маршрут № 8, а ў 2013 — № 9 и № 10. 23 чэрвеня 2017 года пачаў работу 11 маршрут, які злучыў мікрараён Медцэнтр с чыгуначным вакзалам.

Маршруты

  • мкрн. Фрунзэ - вул. Праўды - Вакзал
  • мкрн. Фрунзэ - пр-т Будаўнікоў - Смаленскі рынак
  • мкрн. Фрунзэ - пр-т Фрунзэ - Вакзал
  • Смаленскі рынак - пр-т Фрунзэ - пр-т Будаўнікоў - Вакзал
  • мкрн. Фрунзэ - вул. Лазо - Вакзал
  • мкрн. Фрунзэ - вул. Воінаў-Інтэрнацыяналістаў - Вакзал
  • мкрн. Фрунзэ - вул. Лазо - вул. Воінаў-Інтэрнацыяналістаў - Смаленскі рынак
  • мкрн. Фрунзэ - вул. Лазо - вул. Праўды - Смаленскі рынак
  • Смаленскі рынак - пр-т Чарняхоўскага - пр-т Будаўнікоў - мкрн.Медцэнтр
  • Вакзал - пр-т Фрунзэ - мкрн.Медцэнтр
  • Вакзал - пр-т Чарняхоўскага - вул. Воінаў-Інтэрнацыяналістаў - мкрн.Медцэнтр
  • Вакзал - пр-т Фрунзэ - вул. Церашковай - мкрн.Білева

Цікавыя факты

На Плошчы Свабоды сыходзяцца ўсе 12 маршрутаў віцебскага тралейбуса, прычым адзін з іх (маршрут №4) сустракаецца сам з сабой.

Гл. Таксама

Спасылкі