La Puerta de Segura

La Puerta de Segura
municipo en Hispanio
	Blazono
Administrado
Poŝtkodo	23360
Demografio
Loĝantaro	2 226 (2023) [+]
Loĝdenso	23 loĝ./km²
Geografio
Geografia situo	38° 21′ N, 2° 44′ U (mapo)38.349681-2.736619Koordinatoj: 38° 21′ N, 2° 44′ U (mapo) [+]
Alto	585 m [+]
Areo	98 km² (9 800 ha) [+]
Horzono	UTC+01:00 [+]
	La Puerta de Segura (Provinco Ĥaeno) La Puerta de Segura
	Situo de La Puerta de Segura
	La Puerta de Segura (Hispanio) La Puerta de Segura
	Situo de La Puerta de Segura
	<img src="https://maps.wikimedia.org/img/osm-intl,11,38.349681,-2.736619,250x200.png?lang=eo" width="250" height="200" decoding="async" srcset="https://maps.wikimedia.org/img/osm-intl,11,38.349681,-2.736619,250x200@2x.png?lang=eo 2x" alt="Map">
Alia projekto
	Vikimedia Komunejo La Puerta de Segura [+]
	v • d • r

La Puerta de Segura (La Pordo de S.) estas urbo kaj municipo de la Aŭtonoma Komunumo Andaluzio, en la provinco Ĥaeno, sude de Hispanio.

La areo de la municipo estas 98 km² kie loĝas 2 268 geloĝantoj (2019), do loĝdenso estas 24,45 loĝ./km².

Geografio

La Puerta de Segura situas sur la nordo de la komarko Sierra de Segura en la nordoriento de la provinco. Estas sur 585 m de altitudo, en tipa pejzaĝo de olivarbaroj kaj de montaroj de la provinco Ĥaeno. La geografiaj koordinatoj estas 38°20′59″N 2°44′12″O.

Parto de la municipo formas parton de la Natura Parko de las Sierras de Cazorla, Segura y Las Villas. Ties teritorio estas ĉefe agrikultura kaj dependa de la olivarboj. Limas kun la teritorioj de Orcera, Génave, Torres de Albanchez, Benatae, Hornos de Segura, Beas de Segura kaj Puente de Génave. Estas ĉe la enirejo (kiel sugestas la nomo pordo) de la Natura Parko kaj la municipa teritorio estas trapasata de la rivero Guadalimar. La Puerta de Segura situas je 157 km de Ĥaeno, provinca ĉefurbo, je 83 km de Úbeda, grava urbo, kaj je 17 km de Segura de la Sierra, tradicia komarka ĉefurbo.^[1]

Nordokcidente: Orcera	Norde: Génave	Nordoriente: Torres de Albanchez
Okcidente: Puente de Génave		Oriente: Benatae
Sudokcidente Beas de Segura	Sude: Hornos de Segura	Sudoriente: Orcera

Krom la ĉefa urba kerno, estas aliaj kvin domaroj:

**Urbaj kernoj kiuj formas la municipon de La Puerta de Segura (2009)**^[2]
Urbaj kernoj	Loĝantoj	Viroj	Virinoj	Distanco (km)
La Puerta de Segura (ĉefa urba kerno)	2.462	1.221	1.241	0 km.
Los Pascuales	88	43	45	9 km.
Las Graceas	6	0	6	6 km
Bonache	14	6	8	7 km
Los Llanos	38	20	18	3 km
Los Yeguerizos	30	17	13	5 km

Fontoj: INE 2010 (informo de 2009), Google Earth, Distancoj

Historio

En epoko de Al Andalus estis strategia loko por protekto de ponto. Estis du fortikaĵoj: unu en la areo de la nuna urba kerno kaj alia Bujalamé aŭ Bujalamed, de kiu konserviĝis svelta turo.

En 1235 ĝi estis konkerita de la Ordeno de Santiago. La teritorio de Segura de la Sierra estis integrita en la Reĝlando Kastilio ene de la Regno de Murcio ĝis 1833, kiam oni kreis la aktualan Provincon Ĥaenon.

En la 1930-aj jaroj oni atingis pinton de pli ol 6600 loĝantojn, sed poste okazis elmigrado kaj oni falis ĝis la nunaj 2000.

Vidindaĵoj

Preĝejo de Sankta Mateo
Promenejo de la rivero Guadalimar
Distrejo Cañamares kun rivera strandeto
Antikva kvartalo
Ĉefturo de iama kastelo

Vidu ankaŭ

Listo de municipoj de provinco Ĥaeno

Eksteraj ligiloj

Kategorio La Puerta de Segura en la Vikimedia Komunejo (Multrimedaj datumoj)

Notoj

↑ viamichelin.es (ed.). «Itinerarios». Arkivita el la originalo la 25an de decembro 2012. Konsultita la 23an de februaro 2020.
↑ [1] Instituto de Estadística de Andalucía. juntadeandalucia.es, ed. «Población total de La Puerta de Segura». Konsultita la 4an de decembro 2010.

[1] viamichelin.es (ed.). «Itinerarios». Arkivita el la originalo la 25an de decembro 2012. Konsultita la 23an de februaro 2020.

[2] [1] Instituto de Estadística de Andalucía. juntadeandalucia.es, ed. «Población total de La Puerta de Segura». Konsultita la 4an de decembro 2010.

[1]

[2]