Salú: Repunti de gripi n'Estremaúra. S'aspera un picu enos 15 días venierus, peru la envacunación á reuzíu los engressus. Predomina la tipu B, con síntumas de degüeltus, diarrea i ansias en horma de gastroenteritis.[1]
Nacional
Política: Feijóo anuncia un rebaxi de pagamentus pala vivienda gastá enos territorius del PP. El lídel delos popularis anuncia una reuzión del Impuesto de Transmisiones Patrimoniales (ITP) al 4% i oficinas d'atención alas vítimas dela akupación pa protegel alos propetarius.[2]
Entrinacional
Estaus Uñíus: Quema en Los Ángeles. 16 muertus i 150 pressonas aballás tras una serii de inciendus nel Ária Metropolitana de Los Ángeles. 11 espenaus se debi al Hueu d'Eaton, assitiau cerquina de Pasadena i Altadena. El Hueu de Palisades, el de mayol grandol i destensión, entovia no á síu conteníu. Las muacionis nel tiempu amenaza con quemal más casa. [3]
Estremaúra: S'apreva ena Assambrea d'Estremaúra una moción pa declaral el estremeñu i el portugués rayanu Bien d'Interés Coltural. El proponimientu hue presentau por Unidas por Extremadura i contó con el votu a favol de PP i PSOE, con el votu contrariu de Vox.
