Sierra Leone

Tekst üüb Fering


Flag faan Sierra Leone
Sierra Leone uun Aafrika

Sierra Leone [siˈɛʁa leˈoːnə], amtelk Republiik Sierra Leone (üüb Ingels: Sierra Leone [sɪˈɛəɹə lɪˈoʊni], [sɪˈɛəɹə lɪˈoʊn] an Republic of Sierra Leone), as en stoot uun a waast faan Aafrika. Uun a nuurduast lei Guinea, uun a süüduast Libeeria an uun a süüdwaast a Atlantik. At lun hee 7.092.113 lidj (2015)[1]. At hoodsteed faan't lun as Freetown.

Geografii

Geograafisk Laag

At lun dialt grensen mä tau lunen. Det lingst grens (794 km) faan Sierra Leone wurt mä Guinea an det kurtst (299 km) mä Libeeria diald. A eeg as 402 km lung.

Berger

De huuchst berig (1945 m) faan’t lun as Bintumani Berig, wat uun a Loma Berger uun a nuurduast leit.

Indialing faan Ferwalting

A prowinsen an at gebiit faan Sierra Leone

Sierra Leone hee fjauer prowinsen an ian gebiit.

Nööm Lidj (2015)[2] Hoodsteed
Eastern 1.642.370 Kenema
Northern 853.662 Makeni
North West 1.162.065 Port Loko
Southern 1.441.308 Bo
Western Area 1.500.234 Freetown

Befölkring

Uun a naacht faan 4. an 5. Deetsember 2015 jaft at det letst folksteeling uun Sierra Leone. Efter a resultooten hee't lun 7.092.113 lidj: 3.601.135 faan a lidj san wüfhööd an 3.490.978 san karmen. 59 prusent faan a lidj wene üüb't lun an 41 prusent wene uun a steeden[3].

Histoore

Sierra Leone wiar en britisk kolonii. Det wurd April 1961 suwereen. Det as uk sant 1961 lasmoot faan det Commonwealth of Nations.

Politiik

Sierra Leone as en republiik. A president faan't lun sant 2007 as Ernest Bai Koroma.

Kwelen

  1. ↑ www.citypopulation.de
  2. ↑ Sierra Leone, citypopulation.de
  3. ↑ Sierra Leone, citypopulation.de


Koordinaaten: 9° N, 12° W