Gran Premio de México de 1964

Gran Premio de México de 1964

Detalles da carreira
Carreira 10 de 10 no Campionato Mundial de Fórmula 1 de 1964.
Trazado do circuíto de Hermanos Rodríguez.
Data	25 de outubro 1964
Nome oficial	III Gran Premio de México
Localización	Autódromo Hermanos Rodríguez, Cidade de México, México
Percorrido	Percorrido permanente de carreira 5´000 km
Distancia	65 voltas, 325´000 km
Pole position
Piloto	Jim Clark	Lotus-Climax
Tempo	1:57.24
Volta rápida
Piloto	Jim Clark	Lotus-Climax
Tempo	1:58.37
Podio
Primeiro	Dan Gurney	Brabham-Climax
Segundo	John Surtees	Ferrari
Terceiro	Lorenzo Bandini	Ferrari

O Gran Premio de México de Fórmula 1 de 1964 celebrouse en Cidade de México o 25 de outubro de 1964.

Resumo

Foi unha das finais máis dramáticas na historia do Campionato do Mundo de Fórmula Un. Os puntos para o Campionato só podían ser anotados polos seis primeiros finalistas (9-6-4-3-2-1). Ao chegar á carreira, tres pilotos tiñan a oportunidade de gañar o título. Graham Hill (BRM) con 39 puntos, John Surtees (Ferrari) con 34 puntos e Jim Clark (Lotus-Climax) con 32 puntos. A carreira comezou con Clark saíndo desde a pole position por diante de Dan Gurney no Brabham-Climax (Gurney tiña só dez puntos ao inicio desta carreira logo de gañar o Gran Premio de Francia e dun sexto lugar). Hill e Lorenzo Bandini, compañeiro de Surtees en Ferrari, loitaban polo terceiro posto, con Surtees nun distante quinto lugar, aparentemente sen ningunha posibilidade de gañar o título. De rematar nestas posicións, Clark sería campión con catro vitorias por dúas vitorias de Hill, a pesar de estar empatados a 39 puntos. Bandini bateu á parte traseira do coche de Hill facéndoo trompear e perder algúns postos. A partir de entón coche de Hill correu co tubo de escape abolado, o que lle fixo perder potencia. O campionato estaba agora nas mans de Clark. Na penúltima volta, o motor de Clark parouse e as posicións quedaron Gurney-Bandini-Surtees. O título estaba de novo nas mans de Hill. Ao darse conta de que Surtees podería gañar o título terminando en segundo lugar, o director do equipo Ferrari avisou freneticamente a Bandini para que frease e entrase en boxes na última volta, para deixar adiantar a Surtees. Bandini obedientemente fíxoo e Surtees terminou en segundo lugar, gañando así o Campionato Mundial por un punto sobre Hill (40 por 39).

Clasificación

Pos	Nº	Piloto	Construtor	Voltas	Tempo/Retirada	Grella	Puntos
1	6	Dan Gurney	Brabham-Climax	65	2:09:50.32	2	9
2	7	John Surtees	Ferrari	65	+ 1:08.94	4	6
3	8	Lorenzo Bandini	Ferrari	65	+ 1:09.63	3	4
4	2	Mike Spence	Lotus-Climax	65	+ 1:21.86	5	3
5	1	Jim Clark	Lotus-Climax	64	Motor	1	2
6	18	Pedro Rodríguez	Ferrari	64	+ 1 volta	9	1
7	9	Bruce McLaren	Cooper-Climax	64	+ 1 volta	10
8	4	Richie Ginther	BRM	64	+ 1 volta	11
9	10	Phil Hill	Cooper-Climax	63	Motor	15
10	17	Moisés Solana	Lotus-Climax	63	+ 2 voltas	14
11	3	Graham Hill	BRM	63	+ 2 voltas	6
12	11	Innes Ireland	BRP-BRM	61	+ 4 voltas	16
13	23	Hap Sharp	Brabham-BRM	60	+ 5 voltas	19
Ret	15	Chris Amon	Lotus-BRM	46	Caixa cambios	12
Ret	5	Jack Brabham	Brabham-Climax	44	Eléctrico	7
Ret	14	Mike Hailwood	Lotus-BRM	12	Temperatura	17
Ret	22	Jo Siffert	Brabham-BRM	11	Bomba gasolina	13
Ret	16	Jo Bonnier	Brabham-Climax	9	Suspensión	8
Ret	12	Trevor Taylor	BRP-BRM	6	Temperatura	18

Notas

• Por primeira vez, tres pilotos británicos chegaron á última carreira con opcións de gañar o campionato.
  • Graham Hill (39 pts.) necesitaba:
    • Ser 1º
    • Ser 3º, con Surtees segundo ou peor
    • Clark segundo ou peor, Surtees terceiro ou peor
  • John Surtees (34 pts.) necesitaba:
    • Ser 1º
    • Ser 2º, con Graham Hill 4º ou peor
  • Jim Clark (30 pts.) necesitaba:
    • Ser 1ª, con Surtees 3º ou peor e Graham Hill 4º ou peor
  • Jim Clark estivo a piques de logralo. Se o seu motor non se estragara na última volta, el faría o suficiente para gañar o campionato..
• Noutra banda tres construtores estaban loitando polo campionato.
  • Ferrari (43 pts.) necesitaba:
    • Ser 1º
    • 2º, co mellor BRM terceiro ou peor
    • O mellor Lotus-Climax segundo ou peor e o mellor BRM 3º ou peor
  • BRM (42 pts) necesitaba:
    • Ser 1º
  • Lotus-Climax (37 pts) necesitaba:
    • Ser 1ª, co mellor Ferrari terceiro ou peor
  • Unha vez máis, se o motor de Jim Clark non se queimara, entón Lotus-Climax gañaría o Campionato de Construtores

Véxase tamén

Ligazóns externas

Posicións logo da carreira

• Notas:Só están incluídos os cinco primeiros postos en ambos os grupos de clasificación. Só os 6 mellores resultados contan para o Campionato. Os números sen paréntese son os puntos do campionato, os números entre paréntese son o total de puntos anotados.

Ligazóns externas