Ուոլիս և Ֆուտունա (ֆր.՝ Wallis-et-Futuna) կամ Ուոլիս և Ֆուտունա կղզիների տարածք (ֆր.՝ Territoire des îles Wallis et Futuna)[2], Ֆրանսիական անդրծովյան կղզիներ Օվկիանիայում` Հարավային Խաղաղ օվկիանոսում։ Մայրաքաղաքը Մատա-Ուտու քաղաքն է, որը նաև կղզիների ամենամեծ քաղաքն է։ Պաշտոնական լեզուն ֆրանսերենն է, սակայն Ֆուտունա կղզում օգտագործվում է ֆուտուներենը, իսկ ուոլիսերենը օգտագործվում է Ուոլիս կղզում։ Կղզիներում բնակվում են պոլինեզացիները[3], որոնց քանակը ամբողջ աշխարհում հասնում է 2 միլիոնի[4]։ Բնակչությունը կազմում է 15,500[3]` 2014 թվականի մարտի տվյալներով, իսկ 2013 թվականի տվյալներով այն կազմել էր 12,197[5]։ Տարածքը կազմում է 142.42 քառ. կմ։ Բացի Ուոլիս և Ֆուտունա կղզիներից Ուոլիս և Ֆուտունա կղզիների տարածքի մեջ են մտնում շրջակա տարածքները։ Ֆուտունա կղզին Ալոֆի կղզու հետ կազմում է Հորն կղզիները, որոնց տարածքը կազմում է 64,1 քառ. կմ։ Միայն Ալոֆի կղզու տարածքը կազմում է 17.8 քառ. կմ։ Փոքր կղզիներից ավելի հայտի է Նուկուհիֆալա կղզին, որի տարածքը կազմում է 0.067 քառ. կմ, իսկ բնակչությունը՝ 4։
Ուոլիս և Ֆուտունայի դրոշը
Ուոլիս և Ֆուտունայի զինանշանը
