Náttúra

Náttúra er í víðum skilningi efnisheimurinn og þau lögmál sem um hann gilda. Oftast er þó náttúra skilgreind sem andstæða þess sem er manngert; þá teljast til dæmis stöðuvötn og goshverir, fjöll og skógar til náttúrunnar en ekki vegir, brýr og önnur mannvirki. Einnig getur orðið „náttúra“ vísað til plöntu- og dýralífs.

Orðið „náttúra“ er komið úr latínu (natura) sem í grunninn merkir meðfæddur eiginleiki, ásköpuð tilhneiging eða fæðing. Latneska orðið var notað til að þýða forngríska orðið fysis (φύσις), sem í upphafi merkti tilurð (genesis) hluta, endanlegar efnislegar uppsprettur (arke) þeirra eða áskapaða eiginleika jurta og dýra og jafnvel annarra hluta.

Tengt efni

• Náttúruauðlind
• Náttúruvernd
• Náttúruvísindi
• Umhverfisfræði

Tenglar

Wikimedia Commons er með margmiðlunarefni sem tengist náttúru.

  Þessi náttúruvísindagrein er stubbur. Þú getur hjálpað til með því að bæta við greinina.