Дамаск

Шегьер Дамаск араб. دمشق (Дима́шк)
Дамаскдин шикилар ТӀаратӀ Дамаск
Координатар:	33°30′47″ к. гь. 36°17′31″ р-э. я.HGЯOL
Уьлкве:	Сирия
Ччил	Дамаск
Губернатор	Бишр Аль-Саббан
Бине эцигай тарих:	2500 йис ч.э.в.
Майдан:	118 км²
ЯШЧ кьакьанвал:	600 м
Агьали:	1 754 000 кас. (2011)
Къалинвал:	14 864,41 кас./км²
Халкьар:	арабар
Динар:	мусурманар, хашпересар
Сятдин чӀул:	UTC+2
Телефондин код:	+11
Почтунин индекс:
Сайт:	http://www.damascus.gov.sy/
Commons:	Damascus

Дамаск (араб. دمشق, Димашк) — Сириядин кьилин шегьер я, гьукуматдин кьибле-рагъакӀидай пата ава, Барада вацӀал. Дуьньядин виридалайни дегь шегьерни дуьньядин виридалайни кьилин шегьер я.

Тарих

Дамаск алай чкадал дегь чӀавара сифте оазис авай. Вич вичиз авай гьукумат-шегьер хьиз Дамаск египетрин фараон III Тутмосдин чӀавара туькӀуьр хьанвай, адан тӀвар Ат-Тамаскъу хьиз кхьенвай. Фараонди гьа шегьер къачунвай. Дамаск 2-лагьай агъзурйисалди египетрин гъиле амаз Убе вилаятдин юкьв тир. 1300-й йисара Египетдин Палестинадални Сириядал авай къуват квахь авурла анал арамейрин Арам-Дамаск гьукумат туькӀуьр хьана. 604—562 йисара ч.э.в. Дамаск ЦӀийивавилондин пачагьвилик квайла кьулухъ Дамаск Ахеменидрин Персиядин пачагьвилик акатна. Страбонди Дамаск гьа гьукуматдин виридалайни хъсан шегьер хьиз къалурзава. Македонви Александрдин генерал Парменионди Дамаск 332 й. ч.э.в. Гьа чӀавалай Дамаск Македон империядик акатна, арамей шегьердин патаг греквилин шегьер туькӀуьр хьана.

Селевкидрин береда Дамаскда пара цӀийи кӀвалер эцигна гегьеншар хьанвай. 111 йисуз ч.э.в. Антиох IX-ди Дамаск Финикиядинни Келесириядин кьилин шегьер авуна. 85 й. ч.э.в. Набатеядин паччагь Аретас III-ди Дамаск къачуна. Абур гьана 66 йисалди ч.э.в. амай, Помпея вири Сирия Римдин гьукуматдик кутуналди. Марк Антония Келесирия Дамаскни кваз Египетдин Клеопатра VII-диз гана. Гуьгъуьна 37-54 йисара ч.э. Дамаск мад набатейрик гвай. Дамаскдин важибвал хкаж жезвай, 106 йисуз император Траяна Набатея къачуна Римдин провинция авуналди. Римвийри БосрадайтӀуз Яру гьуьлелди рехъ эцигна. Куьруь чӀавуналди Дамаск епископвилин юкьв хьана, ятӀани 3 вишйисуз юкьв Хомсдиз хъфена. 4 вишйиса Феодосий I императорди Дамаскда базилика эцигна Иоанн Крестительдин пак тир затӀар алай чкадал.

635 йисуз Дамаск Араб Халифатди къачуна. 661 йисуз Дамаскдикай Муавия I халифдин чӀавуз Умаййадрин гьукуматдин кьилин шегьер хьана. Аль-Валид I халифди 705 йисуз Йогьаннесан Базиликадин чкадал Умаййадрин МискӀин исламдин сифте гьа жуьредин мискӀин хьиз эцигна. Умаййядрин династия 750 йисуз куьтягь хьайила Аббасидри халифатдин кьилин шегьер цӀийиз эцигнавай Багдаддикай авуна. Гьа чӀавуз Дамаскдин важибвал гьакӀа са велаятдин кьилин шегьер хьайивили агъуз фена.

Баянар

ЭлячӀунар

ЮНЕСКОдин Вири дуьньядин ирс, объект № 20 урус. • ингл. • фр.