Bulân gherring
Bulân gherring (ꦧꦸꦭꦤ꧀ꦒꦼꦂꦫꦶꦁ) iyâ arèya kabâḍâ'ân mowa bulân sè katotopan jâng-bâjângna bhumè, sè bisa katotopan kabbhi otabâ sabâgiyân bhâi. Kadhâddhiyân arèya polana bhumè bâḍâ è antarana arè bân bulân è sèttong ghâris loros sè ajhâjhâr. Porbâna, sonarra arè ta' dhâghâ ka bulân amarghâ ka'anḍengngan klabân bhumè.
Macemma bulân gherring
Bulân gherring bisa èbhidâ'aghi dhâddhi tello macem, iyâ arèya:
- Bulân gherring total (kabbhi)
- Bulân gherring sabâgiyân, bhumè ta' sakabbhina nganḍengngè bulân mongghu sonarra arè, dhinèng sabâgiyân mowana bulân sè laèn bâḍâ è ḍaèra penumbra saèngghâ ghi' bâḍâ sabâgiyân sonarra arè sè ḍâpa' ka bulân.
- Bulan gherring penumbra, kabbhi mowana bulân bâḍâ è bâgiyân penumbra saèngghâ bulân ghi' kennèng èyabâs tapè bârnana sorḍep.
Aghâma bân bhudhâjâ
Mon bâḍâ bulân gherring, ommat Islam sè ngabâs otabâ ngataowè bulân gherring èsonna'aghi ka'angghuy abhâjâng bulân gherring (solat khusuf)[1].