Елизабета: Златното доба

„Елизабета: Златното доба (Elizabeth: The Golden Age)“
Режисер	Шекар Капур
Сценарист	Вилијам Николсон Мајкл Хирст
Главни улоги	Кејт Бланшет Клив Овен Џафри Раш Еби Корниш Саманта Мортон
Жанр	драма, историја
Музика	Крег Амрстронг
Дистрибутер	Universal Studios
Премиера	12 октомври 2007  САД 12 ноември 2007 Обединето Кралство
Земја	Обединето Кралство
Јазик	англиски
Буџет	$60,000,000
Претходен	Елизабета (1998)
Следен	Елизабета 3

„Елизабета: Златното доба“ (англиски: Elizabeth: The Golden Age) е драма – историски филм од 2007 година, во режија на Шекар Капур (Shekhar Kapur), снимен по сценариото на Вилијам Николсон (William Nicholson) и Мајкл Хрст (Michael Hirst). Филмот, кој е продолжение на Елизабета од 1998 година, премиерно бил прикажан на Меѓународниот филмски фестивал во Торонто на 9 септември 2007 година. Главната улога ја игра Кејт Бланчет која била номинирана за наградата „Оскар“, а филмот освоил „Оскар“ за најдобра костимографија.^[1]

1585 година, Кралицата Елизабета (ја игра Бланчет) веќе три децении владее со Англија, но и понатаму е соочена со претензиите на престолнината и семејните измами. По смртта на својата жена, англиската кралица Марија Тјудор, шпанскиот крал Филип II (го игра Мола) безуспешно се обидува да ја убеди кралицата Елизабета да се омажи за него. По нејзиното одбивање, тој гради голема флота и со благослов на папата, решава да ја нападне Англија. Додека над нејзината земја се надвиснува воената опасност, кралицата Елизабета се заљубува во Волтер Рејли (го игра Овен)...