Magdeborgh

Magdeborgh (Magdeburg an alman) a l'é na sità dla Gërmania ëd 228.826 abitant (2006).
A l'é la capital dël Land Sassònia-Anhalt.

Magdeborgh a l'é situà an sle rive dël fium Elba.

Magdeborgh a l'é stàita un-a dle sità pì importante dl'Età ëd Mes e a l'ha avù na posission ëd soen particular durant ël regn dl'imperator Oton I ël Grand, considerà ël prim ver imperator dël Sacr Roman Imperi, ch'a vnisìa sovens ant la sità, andova ch'a vivìa soa fomna Editha. A l'é ëdcò stàita na sede arsivëscovil motobin importanta. Magdeborgh a l'ha avù vàire contrast con la Cesa e ij sò rapresentant e a l'é stàita un-a dle prime sità a ambrassé ël protestantésim, grassie ëdcò a l'ativism ëd Martin Luter. La sità a l'é stàita squasi completament devastà ant ël cors ëd la sconda guèra mondial e ricostruìa con në stil modern.

• Catedral
• Monasté Unsere Lieben Frauen (Nòstra Sgnora Bin-vorsùa)
• Monument a caval d'Oton I
• Reste dla fortëssa prussian-a

• Otto von Guericke, òm ëd siensa ch'a l'ha fàit djë studi important an sël veuid con vàire dimostrassion pùbliche (a s'arcòrdo j'emisfere ëd Magdeborgh)
• Georg Philipp Telemann, compositor baròch

Ël sìndich a l'é Lutz Trümper.

Magdeborgh a l'é binelà con:

• Braunschweig, Germania
• Nashville, Stat Unì d'América
• Sarajevo, Bòsnia e Erzegòvina

• Sit istitussional