ඔසිරිස්

ඔසිරිස් බෝට්ටු සංගමය සඳහා, ඔක්ස්ෆර්ඩ් විශ්වවිද්‍යාලීය ‍බෝට්ටු සංගමය සහ ඔක්ස්ෆර්ඩ් විශ්වවිද්‍යාලීය කාන්තා බෝට්ටු සංගමය බලන්න. වෙනත් භාවිතා සඳහා, ඔසිරිස් (බහුරුත්හරණය) බලන්න.
"උසිරේ" මෙතැනට යළියොමුවෙයි. 2001 චිත්‍රපටය සඳහා, උසිරේ (චිත්‍රපටය) බලන්න.
ඔසිරිස්
මරනින් මතු දිවියේ, මරණයේ, ජීවිතයේ සහ පුනරුත්ථානයට අධිපති දෙවියා
ඔසිරිස්, මළවුන්ගේ අධිපති. ඔහුගේ කළු-කොළ පැහැ සම මගින් නැවත උපත සංකේතවත් කෙරේ.
නාමය රූපාක්ෂරවලින්
Q1
D4		 A40
ප්‍රධාන වන්දනා මධ්‍යස්ථානයඇබයිඩොස්
සංකේතයහෙණ්ඩුව සහ කසය, අටෙෆ් කිරුළ, පැස්බර පිහාටු, මත්ස්‍යයික්, මමී වස්ත්‍රය
පෞද්ගලික තොරතුරු
වල්ලභයාඅයිසිස්
දෙමාපියන්ගෙබ් සහ නුට්
සොයුරු/සොයුරියන්අයිසිස්, සෙට්, නෙෆ්තිස්, ‍හාරෝඑරිස්
පැවතෙන්නාහොරස්

ඔසිරිස් (/oʊˈsaɪərɪs/ නැතහොත් ඕසිර්, අසිරි හෝ ඕසර් වෙනත් උච්චාරණ අතර වේ) යනු ඊජිප්තු දෙවි කෙනෙකි. සාමාන්‍යයෙන් ඔහු මරනින් මතු ජීවිතය, පාතාලය සහ මළවුන්ට අධිපති දෙවියන් ලෙස සැලකුණ ද, ඔහු සංක්‍රාන්තියේ, පුනරුත්ථානයේ සහ පුනර්ජනනයේ දෙවියා ලෙස සැලකීම වඩාත් උචිත ය. සම්ප්‍රදායිකව ඔහුව පාරාවෝ රැවුලක් සහිත කොළ-පැහැ සමක් ඇති මිනිසකු ලෙස නිරූපණය කෙරෙන අතර, අර්ධව මමී-වෙළූ පාද සහිත මොහු දෙපස විශාල පැස්බර පිහාටු දෙකක් සහිත විශේෂ කිරුළක් පැළඳ සංකේතාත්මක හෙණ්ඩුව සහ කසය දරා සිටියි. අතීතයේ ඔසිරිස් යනු පෘථිවි දේවතාවා වන ගෙබ්ගේ වැඩිමහල්ම පුත්‍රයා ලෙස සැලකිණි. නමුත් ඇතැම් මූලාශ්‍රවල ඔහුගේ දෙමාපියන් හිරු-දෙවි රා[1] සහ ආකාශයට අධිපති නුට් බව දැක්වේ. අයිසිස් ඔහුගේ සොහොයුරිය මෙන්ම භාර්යාව ද වූ අතර, හොරස් යනු ඔහුගේ මරණාපර පුත්‍රයා වේ.[1] ඔහු ඛෙන්ටි-අමෙන්ටියු යන විරුදය සමග ද සම්බන්ධ අතර, එහි අර්ථය "බටහිර වැසියන්ගේ පුරෝගාමියා" යන්නයි. මෙය මළවුන්ගේ දේශයේ ඔහු රජු බව හැඟවෙන පදයකි.[2] මළවුන්ගේ පාලකයා ලෙස, ඔසිරිස් ඇතැම්විට "ජීවත් වන්නන්ගේ රජ" ලෙස ද හඳුන්වා ඇත. එයට හේතුව පුරාතන ඊජිප්තුවරුන් විසින් ආශිර්වාද ලද මළවුන් "ජීවත් වන්නන්" ලෙස සලකා තිබීමයි.[3]

ඔසිරිස් අයිසිස්, සෙට්, නෙෆ්තිස්, සහ වැඩිමහල් හොරස් යන දෙවිවරුන්ගේ සොහොයුරා වන අතර, ලාබාල හොරස්ගේ පියා වේ.[4] ඔසිරිස් පළමු වරට දක්නට ලැබෙන්නේ ඊජිප්තවේ පස්වන රාජවංශයේ මැද කාලයේ වන නමුත්, ඔහු ඊට බොහෝ කලකට පෙර වන්දනයට ලක් වන්නට ඇතැයි සිතිය හැක;[5] ඛෙන්ටි-අමෙන්ටියු විරුදය අවම වශයෙන් පළමු රාජවංශ සමයට කාලනිර්ණය කළ හැක. එය පාරාවෝ පදවි නාමයක් ලෙස ද භාවිතා කොට ඇත. ඔසිරිස්ගේ පුරාණෝක්ති පිළිබඳ බොහෝමයක් තොරතුරු හමුවන්නේ පස්වන රාජවංශයේ අග කාලයේ පිරමීඩ පාඨග්‍රන්ථවලින්, පසුව නව රාජධානි මූලාශ්‍ර ලේඛන වන ෂබාකා පාෂාණය සහ හොරස් සහ සෙත් පිළිබඳ වාදය තුළිනි. එසේම වඩාත් පසුකාලීනව, ප්ලූටාර්ක්[6] සහ ඩියඩෝරස් සිකියුලස් වැනි ග්‍රීක ලේඛකයන්ගේ මූලාශ්‍රවලිනි.[7]

මේවාත් බලන්න

  • ආරු
  • ඊජිප්තු ආත්මය

සටහන්

  1. ^ a b Wilkinson, Richard H. (2003). The Complete Gods and Goddesses of Ancient Egypt. London: Thames & Hudson. p. 105. ISBN 0-500-05120-8.
  2. ^ "How to Read Egyptian Hieroglyphs", Mark Collier & Bill Manley, British Museum Press, p. 41, 1998, ISBN 0-7141-1910-5
  3. ^ "Conceptions of God In Ancient Egypt: The One and the Many", Erik Hornung (translated by John Baines), p. 233, Cornell University Press, 1996, ISBN 0-8014-1223-4
  4. ^ Kane Chronicles
  5. ^ Griffiths, John Gwyn (1980). The Origins of Osiris and His Cult. Brill. p. 44
  6. ^ "Isis and Osiris", Plutarch, translated by Frank Cole Babbitt, 1936, vol. 5 Loeb Classical Library. Penelope.uchicago.edu
  7. ^ "The Historical Library of Diodorus Siculus", vol. 1, translated by G. Booth, 1814. Google Books

බාහිර සබැඳි

විකිප්‍රභව සතුව ඔසිරිස් පිළිබඳ ද නිව් ස්ටුඩන්ට්'ස් රිෆරන්ස් වර්ක් ලිපියක් ඇත.

Osiris හා සබැඳි මාධ්‍ය විකිමාධ්‍ය කොමන්ස් හි ඇත