பிரம்பானான் கோயில்

யுனெசுக்கோ உலகப் பாரம்பரியக் களம்

பிரம்பானான் கோயில் வளாகம்
உலக பாரம்பரிய பட்டியலில் உள்ள பெயர்
வகை	பண்பாடு
ஒப்பளவு	i, iv
உசாத்துணை	642
UNESCO region	ஆசிய பசுபிக்
ஆள்கூற்று	7°45′8″S 110°29′30″E / 7.75222°S 110.49167°E / -7.75222; 110.49167
பொறிப்பு வரலாறு
பொறிப்பு	1991 (15 ஆவது தொடர்)
class=notpageimage| Location of பிரம்பானான் கோயில் in Indonesia.

பிரம்பானான் கோயில் (ஆங்கிலம்: Prambanan; இந்தோனேசியம்: Candi Prambanan; Candi Rara Jonggrang; ஜாவானியம்: ꦫꦫꦗꦺꦴꦁꦒꦿꦁ) என்பது ஒன்பதாம் நூற்றாண்டில் இந்தோனேசியா, ஜாவாவில் அமைக்கப்பட்ட இந்து ஆலயம் ஆகும். இந்தக் கோயிலின் வளாகம், உலகப் பாரம்பரியக் களங்களில் ஒன்றாக, யுனெஸ்கோவால் தரம் உயர்த்தப்பட்டு உள்ளது.^[1]

இக்கோயிலின் மைய விமானம் 47 மீ (154 அடி) உயரத்தில் உள்ளது. தென்கிழக்காசியாவின் மிகபபெரிய இந்துக் கோயில்களில் ஒன்றாக விளங்கும் இந்தக் கோயில், ஒவ்வோர் ஆண்டும் பல்லாயிரக் கணக்கான உல்லாசப் பயணிகளைக் கவரும் இடமாகவும் திகழ்கின்றது.^[2]

முதலில் சிவனுக்காக கட்டப்பட்ட இந்த ஆலயம், ஆரம்பத்தில் "சிவக்கிரகம்" என்று அழைக்கப்பட்டது என்பதை இக்கோயிலில் உள்ள பொ.பி 856-ஆம் ஆண்டு "சிவக்கிரகக் கல்வெட்டு" கூறுகின்றது.^[3] பிற்காலத்தில், இதன் இருபுறமும் திருமால், பிரமன் ஆகியோருக்கு ஆலயம் எழுப்பப்பட்டு, தற்போதுவரை, மும்மூர்த்திகள் கோயிலாக இனங்காணப்பட்டு வருகின்றது.

ஒன்பதாம் நூற்றாண்டு பௌத்த வம்சமான சைலேந்திர வம்சத்துக்குப் போட்டியாக, இந்து வம்சமான சஞ்சய வம்சத்தால் அமைக்கப்பட்டதே இந்தப் பிருமாண்டமான இந்துக் கோயில் ஆகும்.

இந்தக் கோயிலின் கட்டமைப்பானது, மத்திய ஜாவாவின் மாதரம் இராச்சியத்தில், மகாயான பௌத்தத்தின் வரவால் வீழ்ச்சியடைந்திருந்த இந்து அல்லது சைவ சமயம், பழையபடிக்கு முன்னிலைக்கு வர ஆரம்பித்ததைச் சுட்டுவதாக ஆய்வாளர்கள் சொல்கின்றனர்.^[4]

இந்த ஆலயத்தை அமைத்தவர், சஞ்சய வம்ச மன்னன் ராக்காய் பிக்கத்தான் என்று அறியப் படுகின்றார்.^[5] கிபி 850 அளவில் ஆரம்பமான இதன் கட்டுமானம், மன்னன் லோகபாலா, பாலிதுங் மகாசம்பு மன்னர்களால் முடிக்கப்பட்டது.^[6] அதன் பின்னர், இக்கோயில், தட்சன், துலோதுங் முதலான பிற்கால மன்னர்களால் விரிவாக்கம் பெற்றிருக்கின்றது.

930-ஆம் ஆண்டுகளில், ஈசான வம்சத்து இம்பு சிந்தோக் மன்னனால் மாதரம் அரசு, கிழக்கு ஜாவாவிற்கு இடமாற்றம் செய்யப்பட்டது. அதை அடுத்து, பிரம்பானான் வளாகமும் பொலிவு இழக்கத் தொடங்கியது.^[7] பின்பு முற்றாகக் கைவிடப்பட்ட பிரம்பானான் ஆலயம், பதினாறாம் நூற்றாண்டில் இடம்பெற்ற நிலநடுக்கம் ஒன்றினால் மேலும் பெருத்த சேதம் அடைந்தது. சிதைந்த அந்தப் பிரமாண்டக் கோயில் இடிபாடுகள் உள்ளூர்வாசிகளை அச்சுறுத்தின. அத்துடன், கோயில் வளாகத்தைப் பற்றி சுவாரசியமான மீமாந்தக் கதைகளும் உருவாகின.

சிதைந்துபோய் காட்டுக்குள் உடைந்து அழிந்த நிலையில் இருந்த பெருங்கோயில் பற்றி உள்ளூர்வாசிகள் அறிந்திருந்தாலும், அதன் வரலாற்று முக்கியத்துவத்தை அறிந்திருக்கவில்லை. இப்பகுதியில் கிடைத்த சிற்பங்களையும் கற்களையும் எடுத்துச் சென்று, அலங்காரப் பொருட்களாகவும் கட்டுமானங்கள் அமைக்கவும் பயன்படுத்துவது மட்டும் தொடர்ந்தது.

1918-ஆம் ஆண்டு, எஞ்சிய சிதைவுகளைப் பாதுகாத்து சீரமைக்கும் பணியை, அப்போது சாவகத்தை ஆட்சி செய்த கிழக்கிந்திய இடச்சு அரசு ஆரம்பித்தது. 1953-இல், பிரதான ஆலயமான சிவன் கோயில் முற்றாக மீளமைக்கப்பட்டு, சுகர்ணோவால் திறந்துவைக்கப்பட்டது.^[8]

முன்பு பிரம்பானான் வளாகத்தில் 240 பரிவாரக் கோயில்கள் இருந்ததாகச் சொல்லப்பட்டாலும்^[9] அவற்றில் இரண்டைத் தவிர மற்ற எல்லாம் சிதைந்தொழிந்து போய், அத்திவாரம் மட்டுமே காணப்படுகின்றது.

தற்போது 240 கோயில்கள் காணப்படும் பிரம்பானான் வளாகத்தில் பின்வருவன முக்கியமான ஆலயங்கள்:

1. 3 திரிமூர்த்திகள் கோயில்கள்
2. 3 வாகனக் கோயில்கள்: நந்தி தேவர், கருடன், அன்னம் ஆகிய வாகனங்களுக்கு அமைக்கப்பட்டது.
3. 2 அபித் கோயில்கள்: திரிமூர்த்தி மற்றும் வாகனக் கோயில்களுக்கிடையே வட தென்புறங்களிலுள்ள இரு ஆலயங்கள்.
4. 4 கெளிர் கோயில்கள்: உள்வீதியின் நான்கு வாயில்களையும் அண்மித்துள்ள சிற்றாலயங்கள்.
5. 4 பாதொக் கோயில்கள்:உள்வீதியின் நான்கு மூலைகளிலுமுள்ள சன்னதிகள்.
6. 224 பரிவாரக் கோயில்கள்: பெரிய கோயிலைச் சுற்றி, சற்சதுரமாக நான்கு வரிசைகளில்: 44, 52, 60, 68 என்று அமைந்த சிற்றாலயங்கள்

பிரம்பானானின் மத்தியிலுள்ள மும்மூர்த்திகளுக்கான முக்கோயில்களில், பழமையானதும், உயரமானதும் பெரியதும், மத்தியிலுள்ள சிவன் கோயில் ஆகும். இவ்வாலயச் சுற்றுப் பிரகாரத்தில், இராமாயணக் காட்சிகள் செதுக்கப்ப்பட்டுள்ளன; அவையே இதன் சிறப்பு அம்சமாகும்.

இக்கோயிலின் மத்தியில் 3 மீ உயரமான மகாதேவர் சிவபெருமான் கம்பீரமாக நிற்கின்றார். அதைச் சுற்றியுள்ள மூன்று கோட்டங்களில், கணேசன், துர்க்கை, அகத்தியர் ஆகியோர் அருள்பாலிக்கின்றனர். இங்குள்ள துர்க்காதேவி, ராரா யோங்ரோங் ("மெல்லியலாள்") எனும் புகழ்பெற்ற சாவக இளவரசியொருத்தியின் நாட்டுப்புறக்கதையுடன் தொடர்புடையவள்.^[10] சிவன் கோயிலுக்கு முன்னுள்ள நந்தி வாகனக் கோயிலில், சந்திரன், சூரியன் ஆகியோருக்கும் சிற்பங்கள் உள்ளன.^[11]

இந்தோனேசியாவின் மிக முக்கியமான சுற்றுலாக் கவர்ச்சி இடங்களில் ஒன்றாகப் பிரம்பானான் கோயில் வளாகம் திகழ்கின்றது. ஜாவா மற்றும் பாலி இந்துக்கள்; தம் சமயச் சடங்குகளைப் பிரம்பானான் பகுதியில் தொடர்வதற்கு அனுமதி அளிக்கப்பட்டுள்ளது.^[12][13] பிரம்பானான் ஆலயத்தில் அமைக்கப்பட்டுள்ள திரிமூர்த்தி திறந்தவெளி அரங்கில், ஒவ்வொரு பூரணையிலும் இடம்பெறும், ஜாவானிய பாரம்பரிய இராமாயண நடனம், இன்றும் சுற்றுலாப் பயணிகளைக் கவரும் அரங்காடல் நிகழ்வாகத் திகழ்கின்றது.

2006-இல் யோக்யகர்த்தாவில் ஏற்பட்ட பூகம்பத்தால் இந்த ஆலயம் பலத்த சேதமடைந்தது. அதனால் ஆலயத்தின் சில பாகங்களுக்குள் நுழைய, வருகையாளர்களுக்குத் தடை விதிக்கப்பட்டுள்ளது. 13 பெப்ரவரி 2014-இல் குமுறிய கெலுட் எரிமலையின் சாம்பல் பாதிப்பால், இக்கோயில் வளாகம் மூடப்பட்டது. எனினும், சில நாட்களிலேயே மீண்டும் திறக்கப்பட்டது.^[14]

• 
  சிவன் கோயில் யாளிச் சிற்பம்
• 
  சிவன் கோயில் தாங்குதளம்
• 
  இராமன்
• 
  தேவர்களும் அரமகளிரும்
• 
  காளிங்கனும் பலராமரும்
• 
  கம்சவதம்.
• 
  கோட்டத் தெய்வம் ஒன்று

• 
  சிவனுக்கான பெருங்கோயில்
• 
  திருமால் கோயில்
• 
  நந்தி கோயில்
• 
  பிரமன் திருவுருவம்
• 
  திருமால் திருவுருவம்
• 
  பிள்ளையார் சிலை
• 
  புகழ்பெற்ற சிவன் கோயில் துர்க்கை

• அங்கோர் வாட்
• இந்தோனேசிய இந்துநெறி

• Ariswara, third edition (1993) (English translation by Lenah Matius) Prambanan, Intermasa, Jakarta, பன்னாட்டுத் தரப்புத்தக எண் 979-8114-57-4
• Bernet Kempers, A.J. (1959) Ancient Indonesian art Cambridge, Mass. Harvard University Press.
• Dumarcay, Jacques. (1989) (Edited and translated by Michael Smithies) The temples of Java, Singapore: Oxford University Press.
• Holt, Claire (1967) Art in Indonesia: Continuities and change Ithaca, N.Y. Cornell University Press.
• Jordaan, Roy http://www.iias.nl/iiasn/iiasn6/southeas/jordaan.html Prambanan 1995: A Hypothesis Confirmed
• Leemans, C. (1855) Javaansche tempels bij Prambanan BKI, vol.3. pp. 1–26

• பிரம்பானான் வலைத்தளம் பரணிடப்பட்டது 2015-10-08 at the வந்தவழி இயந்திரம்
• பிரம்பானான் வரைபடம்
• யுனெஸ்கோவில் பிரம்பானான்
• பிரம்பானானைக் கண்டடைக! பரணிடப்பட்டது 2007-02-03 at the வந்தவழி இயந்திரம்
• 360° பார்வை பரணிடப்பட்டது 2007-09-29 at the வந்தவழி இயந்திரம்
• பிரம்பானான் தங்குமிட வசதிகள் பரணிடப்பட்டது 2011-07-24 at the வந்தவழி இயந்திரம்

இந்து சமயம் தொடர்பான கட்டுரை
இந்து சமயம்
இந்து வரலாறு
பண்டைய தோற்றம் சிந்து சமவெளி நாகரிகம் பண்டைய வேத சமயம் திராவிட நாட்டுப்புற சமயம் தமிழ்ச் சமயம் பழங்குடி சமயங்கள்
கிளைநெறிகள் சமகாலம் சைவம் வைணவம் சாக்தம் ஸ்மார்த்தம் புத்திந்து நெறி அருகியவை காணாபத்தியம் கௌமாரம் சௌரம் சண்மதம்
மெய்யியல் ஆறு தத்துவ நோக்குகள் சாங்கியம் யோகம் நியாயம் வைசேஷிகம் மீமாஞ்சம் வேதாந்தம் வைணவம் துவைதம் விசிட்டாத்துவைதம் துவைதாத்துவைதம் சுத்தாத்துவைதம் சிவ மெய்யியல் சித்தாந்தம் காசுமீர சைவம் வீர சைவம் சிரௌத்த சித்தாந்தம்
தெய்வங்கள் மும்மூர்த்திகள் சிவன் திருமால் பிரம்மா முத்தேவியர் உமையவள் திருமகள் கலைமகள் ஏனைய தேவ / தேவியர் புராணம் விநாயகர் முருகன் இராமர் கண்ணன் ஐயப்பன் பராசக்தி கொற்றவை காளி 'வேதகாலம் உருத்திரன் இந்திரன் எமதர்மராஜன் அக்கினி வாயு பகவான் வருணன் குபேரன் திக்பாலர்கள்
கொள்கைகள் முழுமுதல் ஓங்காரம் ஆன்மா மாயை கர்மா பிறவி பஞ்சபூதங்கள் முக்குணங்கள் பேரூழி
நூல்கள் வேதங்கள் இருக்கு யசூர் சாமம் அதர்வணம் பெருமுந்நூல் உபநிடதங்கள் பிரம்ம சூத்திரம் பகவத் கீதை ஆகமங்கள் சைவ ஆகமங்கள் பாஞ்சராத்திரம் வைகானசம் சக்தி தந்திரங்கள் ஏனையவை உபவேதங்கள் ஆயுள்வேதம் வில்வேதம் இசைவேதம் சிற்பவேதம் வேதாங்கங்கள் சிட்சை சந்தசு வியாகரணம் நிருத்தம் கற்பம் சோதிடம் பதினெண் புராணங்கள் பிரம்ம புராணம் பிரம்மாண்ட புராணம் பிரம்ம வைவர்த்த புராணம் மார்க்கண்டேய புராணம் பவிசிய புராணம் விஷ்ணு புராணம் பாகவத புராணம் நாரத புராணம் கருட புராணம் பத்ம புராணம் சிவ புராணம் லிங்க புராணம் கந்த புராணம் ஆக்கினேய புராணம் வாயு புராணம் வாமன புராணம் மச்ச புராணம் கூர்ம புராணம் இதிகாசங்கள் இராமாயணம் மகாபாரதம் தமிழ் இலக்கியம் சைவத் திருமுறைகள் நாலாயிர திவ்வியப் பிரபந்தம் திருமுருகாற்றுப்படை திருப்புகழ் விநாயகர் அகவல் கம்பராமாயணம் பரிபாடல் மற்றவை தர்மசாத்திரங்கள் மனுதரும சாத்திரம் அர்த்தசாஸ்திரம் சுருதி சுமிருதி
திருவிழாக்கள் தீபாவளி தைப்பொங்கல் தைப்பூசம் சரஸ்வதி பூஜை நவராத்திரி நோன்பு மகா சிவராத்திரி ஹோலி கும்பமேளா இரத யாத்திரை விஷூ தமிழ்ப் புத்தாண்டு விநாயக சதுர்த்தி ஓணம் இராம நவமி கிருஷ்ண ஜெயந்தி சோதரர் திருநாள்
தத்துவஞானிகள் பழங்காலம் ஆங்கீரசர் சனகாதி முனிவர் ஜைமினி கபிலர் பாணினி பதஞ்சலி வான்மீகி வியாசர் வைசம்பாயனர் யாக்யவல்க்கியர் இடைக்காலம் நாயன்மார் ஆழ்வார்கள் ஆதி சங்கரர் பசவர் சைதன்யர் மத்துவர் நிம்பர்க்கர் இராமானுசர் மெய்கண்ட தேவர் துளசிதாசர் வல்லபர் வித்யாரண்யர் சமகாலம் அரவிந்தர் ஆனந்த குமாரசுவாமி தயானந்தர் காந்தியடிகள் நாராயணகுரு பிரபுபாதா ராமகிருஷ்ணர் இரமணர் விவேகானந்தர் சுவாமி தயானந்தர் சிவயோக சுவாமி
சமூகம் நான்கு வர்ணங்கள் பிராமணர் சத்திரியர் வைசியர் சூத்திரர் சங்க கால சாதி அந்தணர் அரசர் வணிகர் வேளாளர் மற்றவை சாதி ஆதிவாசி
நெருங்கிய சமயங்கள் ஆசீவகம் சமணம் பௌத்தம் சீக்கியம் அய்யாவழி
வேறு தலைப்புகள் உலக நாடுகளில் இந்து சமயம் இந்து தொன்மவியல் இந்து நாட்காட்டி இந்து சட்டங்கள் இந்து மத படிமவியல் இந்து தேசியம் இந்துத்துவம் இந்திய இந்துப் புனிதத் தலங்கள் கொடுமைகள் விமர்சனம் சொற்பதங்கள் தமிழ்ச் சமயம்
இந்து சமயம் வலைவாசல் சைவம் வலைவாசல் வைணவம் வலைவாசல்
பா உ தொ