Volodarsk

Volodarsk
Володарск

Lidnanznam	Flag
Valdkund	Venäma
Eläjiden lugu (2017)	10,021 ristitud
Pind	24,97 km²
Pämez'	Igor' Krivonogov (sügüz'ku 2015—)
Telefonkod	+7−83 136-xx-xxx
Avtokod	52, 152
Aigvö	UTC+3 (MSK+0)

Volodarsk (ven.: Волода́рск) om Venäman lidn da lidnankund Alalidnan agjan päivlaskmas. Se om Volodarskan rajonan administrativine keskuz.

Istorii

Nügüdläižen eländpunktan aluz om pandud vl 1920 kuti Volodari-žilo (ven.: Волода́ры) Miski-žilon i viden külän ühtenzoitusel. Kändihe radnikžiloks vn 1932 uhokus da mülütihe sihe kuz' eländpunktad ližaks, sidä kesken Rusked Seim (ven.: Красная Сейма). Radnikžilo sai lidnan statusad vl 1956, udesnimitihe Venäman imperijan revolücižen likundan V. Volodarskii-ühtnikan psevdoniman mödhe.

Volodarsk šingotase sömtegimištol (jauhtegim, lindfabrik).

Geografijan andmused

Lidn sijadase rajonan suvipäivnouzmas, Okanjogen hural randpolel, 6 km pohjoižhe jogespäi, 75 m ü.m.t. keskmäižel korktusel. Seim-stancii (ven.: Сейма) radab «Alauz'lidn — Kovrov»-raudtekeskustal. Matkad Alauz'lidnan röunhasai om 34 km päivnouzmha orhal, 40 km avtotedme vai raudtedme, keskushesai — 51 km orhal vai 62 km avtotedme. Lähembaižed lidnad oma Dzeržinsk 12 km päivnouzmha orhal vai kaikil teil, Bogorodsk 22 km suvipäivnouzmha orhal vai 72 km avtotedme, Vorsm i Pavlovo 25 km suvhe orhal vai 85..90 km avtotedme, Gorbatov 13 km suvipäivlaskmha orhal vai 117 km avtotedme, Gorohovec (Vladimiran agj) 25 km päivlaskmha orhal, 40 km avtotedme vai raudtedme.

Volodarsk om lidnankundan üks'jäine eländpunkt. Lidnankundan pind om 88,64 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 9 928 ristitud, rajonan kudendez. Kaikiš suremb lidnan ristitišt oli 13 195 eläjad vl 1959.

Lähembaižed professionaližen opendusen aluzkundad sijadasoiš Dzeržinsk-lidnas.

Galerei

• 
  Lidnan administracijan sauvuz (2012)
• 
  Blagoveššenjan jumalanpert', vn 2006 nägu
• 
  «Volodarskii»-jauhkombinat vl 2014
• 
  «Jubileinii»-kul'turkeskuz (vn 2014 olend)
• 
  Seim-raudtestancijan ühthine nägu vl 2012

Irdkosketused

• Lidnan oficialine sait (volodarsk-nn.ru). (ven.)

Volodarsk Vikiaitas