He̍k-kó

He̍k-kó sī koé-chí ê 1 khoán, kui-sio̍k-tī tan-seng-kó, tiāⁿ-tiāⁿ tī chhiû-bî-kho (蔷薇科)、chhú-lí-kho (鼠李科) chia-ê si̍t-bu̍t khoàⁿ--tio̍h. Chē-chē he̍k-kó hō· jîn-lūi tòng-chò ē-chia̍h-chit ê khoé-chí, chhan-chhiūⁿ thô-á, eng-thô, hēng-jîn kap chó-á téng-téng. He̍k-kó ê goā-kó-phoê po̍h-po̍h, tiong-kó-phoê kāu koh chē-chiap, lāi-kó-phoê sī tēng-sin ê ba̍k-chit, ē-tàng pó-hō· lāi-té ê chéng-chí, che sī he̍k-kó ê te̍k-sek. Lāi-kó-phoê lāi-té éng-éng kant-aⁿ ū 1 lia̍p chéng-chí. He̍k-kó sī iû chú-pâng siōng-ūi ê tan-sim-phoê chhû-lúi hoat-io̍k lâi--ê.