৭ জুলাই
৭ জুলাই (ইংৰাজী: 7 July) হৈছে গ্ৰেগৰিয়ান বৰ্ষপঞ্জীৰ ১৮৮তম (অধিবৰ্ষত ১৮৯তম) দিন। বছৰটো শেষ হ’বলৈ এই দিনৰ পৰা মুঠ ১৭৭টা দিন বাকী থাকে।
ঘটনাৱলী
- ১৭৬৩ - মীৰজাফৰে পুনৰ বংগৰ নবাব হিচাপে গাদী দখল কৰে।
- ১৮৯৬ - ভাৰতলৈ প্ৰথম চিনেমাৰ আগমণ ঘটে। ফ্ৰান্সৰ লুমিয়েৰ ভাতৃদ্বয়ৰ উদ্যোগত মুম্বাইত প্ৰদৰ্শিত হয় প্ৰথম চিনেমা।
- ১৯০৫ - লৰ্ড কাৰ্জনে বংগ বিভাজন কথা ঘোষণা কৰে।
- ১৯৯৬ - ভাৰতীয় চলচ্চিত্ৰৰ শতবাৰ্ষিকী উৎসৱ আৰম্ভ হয়।
- ২০০৭ - ছাহজাহানৰ মৰমৰ পত্নী মমতাজৰ স্মৃতিত নিৰ্মিত তাজমহলে বিশ্বৰ সপ্ত আশ্চৰ্যৰ তালিকাৰ শীৰ্ষত স্থান লাভ কৰে।
- ২০০৮ - জাপানত জি-৮ সন্মিলন আৰম্ভ হৈছিল।
- ২০১১ - ইৰাকত ৯০০জন লোকৰ গণকবৰ উদ্ধাৰ কৰা হয়।
- ২০১১ - পশ্চিমবংগৰ মুখ্যমন্ত্ৰী মমতা বেনাৰ্জীয়ে পশ্চিমবংগৰ নাম সলনি কৰাৰ প্ৰস্তাৱ গ্ৰহণ কৰে।
- ২০১২ - কেন্দ্ৰীয় চৰকাৰে অসমত ‘‘মন' ৰে'ল সেৱা’’ প্ৰৱৰ্তন কৰাৰ বাবে প্ৰস্তাৱ গ্ৰহণ কৰে।
- ২০১৩ - এগৰাকী ভাৰতীয় ৰাজনীতিবিদ ৰঞ্জিৎ শেখৰ মুছাহাৰীদেৱে মেঘালয়ৰ ৰাজ্যপাল হিচাপে কাৰ্যকাল সামৰে।
- ২০২১ - অসম চৰকাৰে দেশভক্ত তৰুণৰাম ফুকনৰ মৃত্যু তিথি ২৮ জুলাই ‘দেশভক্তি দিৱস’ আৰু গোপীনাথ বৰদলৈৰ মৃত্যু তিথি ৫ আগষ্ট ‘কৰ্মচাৰী দিৱস’ হিচাপে কেবিনেটত সিদ্ধান্ত গ্ৰহণ কৰে।
- ২০২১ - অসম চৰকাৰে কেবিনেটত সিদ্ধান্ত গ্ৰহণ কৰে যে সকলো চৰকাৰী কাৰ্যসূচী জাতীয় সংগীতেৰে আৰম্ভ আৰু ৰাষ্ট্ৰীয় সংগীতেৰে সমাপ্ত কৰা হ’ব।[1]
দুৰ্ঘটনা
- ২০০৫ - লণ্ডনৰ সাত ঠাইত সংঘটিত বিস্ফোৰণত ৪৫জন লোক নিহত হয় আৰু সহস্ৰাধিক লোক আহত হয়।
- ২০০৮ - আফগানিস্থানৰ কাবুলত থকা ভাৰতীয় দূতাবাসত তালিবাণী উগ্ৰপন্থীয়ে আক্ৰমণ চলায়।
- ২০১২ - ৰাছিয়াত হোৱা প্ৰবল বানপানীৰ ফলত ১৪৪০জন লোকৰ মৃত্যু হয়।
জন্ম
- ১৯৩৪ - কেদাৰনাথ সিং, ভাৰতীয় কবি।
- ১৯৩৫ - প্ৰভাত শৰ্মা, ভাৰতীয় সংগীতজ্ঞ, বাঁহী বাদক আৰু লোকসংগীতৰ সাধক।
- ১৯৪৭ - জ্ঞানেন্দ্ৰ বীৰ বিক্ৰম শ্বাহ দেৱ, নেপালৰ ৰজা।
- ১৯৫৮ - বিন্নী য়াংগা, ভাৰতীয় সমাজ কৰ্মী।
- ১৯৬৬ - কল্পনা দাশ, ভাৰতীয় অধিবক্তা আৰু পৰ্বতাৰোহী।
- ১৯৭৩ - কৈলাস খেৰ, বলিউডৰ গায়ক।
- ১৯৮১ - মহেন্দ্ৰ সিং ধোনি, ভাৰতীয় ক্ৰিকেট দলৰ প্ৰাক্তন অধিনায়ক, মিড্ল-অৰ্ডাৰ বেট্ছমেন আৰু উইকেটৰক্ষক।
- ১৯৮৫ - শ্বেতা ত্ৰিপাঠী, ভাৰতীয় অভিনেত্ৰী।
মৃত্যু
দিৱস
- আন্তৰ্জাতিক সমবায় দিৱস।
- বিশ্ব চক্লেট দিৱস।
বাহ্যিক সংযোগ
তথ্য সূত্ৰ
