Ромб

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ромб (неадназначнасьць).

Ромб (па-грэцку: ρομβος) — чатырохкутнік з роўнымі бакамі. Ромб, бакі якога ўтвараюць просты кут, завецца квадратам.

Уласьцівасьці

• Ромб зьяўляецца паралелаграмам.
• Дыяганалі ромба пэрпэндыкулярныя адна адной.
• Дыяганалі ромба зьяўляюцца раўнасечнымі яго нутраных кутоў.
• Дыяганалі ромба зьяўляюцца яго асямі сымэтрыі.
• У ромб можна ўмежыць акружыну.

Прыкметы

Паралелаграм ${\displaystyle ABCD}$ зьяўляецца ромбам, калі выконваецца хаця б адна з наступных умоваў:

• Два яго сумежныя бакі роўныя (${\displaystyle AB=BC}$).
• Яго дыяганалі перасякаюцца пад простым кутом (AC⊥BD).
• Адна зь яго дыяганаляў зьяўляецца раўнасечнай яго кута (∠DCA = ∠BCA).

Плошча

Формулы плошчы ромба:

${\displaystyle S=a^{2}\cdot sin\alpha }$

${\displaystyle S={\frac {1}{2}d_{1}\cdot d_{2}$

${\displaystyle S=a\cdot h}$

Дзе:

• ${\displaystyle a}$ — бок ромба
• ${\displaystyle \alpha }$ — нутраны кут ромба
• ${\displaystyle d_{1},d_{2}$ — дыяганалі ромба
• ${\displaystyle h}$ — вышыня ромба

Этымалёгія

Паняцьце ромб утварылася ад па-грэцку: ρομβος — «бубен». І калі цяпер бубны ў асноўным робяць круглай формы, то раней іх рабілі якраз у форме квадрата або ромба. Дарэчы, назоў карткавай масьці бубны, знакі якой маюць рамбападобную форму, паходзіць яшчэ з тых часоў калі бубны не былі круглымі.

Слова «ромб» упершыню ўжываецца ў Герона і Папа Александрыйскага.