Balog nad Ipľom

Balog nad Ipľom, hungare Ipolybalog estas vilaĝo en Slovakio en regiono Banská Bystrica, en distrikto Veľký Krtíš.

Bazaj informoj

• Areo: 8 km²
• Loĝantaro: 820
• Alto super marnivelo: m
• Aŭtokodo: VK...
• Poŝtkodo: 991 17
• Telefonprefikso: 47

Situo

Balog nad Ipľom situas en valo, laŭ dekstra bordo de Ipeľ, laŭ traira flankovojo. Veľký Krtíš troviĝas 31 km-ojn for.

Historio

Tiu loko estis loĝata ekde la neolitiko. La unua mencio devenis el 1232 en formo Bolug. En 1552 la turkoj okupis la tutan regionon. En 1910 loĝis tie 642 da homoj, (plejparte hungaroj). Ĝis 1919 la vilaĝo apartenis al Hont, al distrikto de Ipolynyék, poste al Ĉeĥoslovakio. Inter 1938-1945 la loko rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis tie 811 da homoj, (713 hungaroj, 90 slovakoj).

Vidindaĵoj

• gotika katolika preĝejo omaĝe al Sankta Nikolao el la 13-a jarcento, en la 16-a jarcento ricevis defendan muron, en la 18-a jarcento barokiĝis, laŭ la legendo dum unu nokto oni tie gardis la hungaran kronon
• kapelo de 1842
• ligna sonorilostablo 12 m-ojn alta el la 18-a jarcento
• skulptaĵo pri Sankta Roĥ de 1810

Famuloj

En la iama Ipolybalog naskiĝis arkivisto Dezső Baloghy.