Oberaar-Glaĉero

Oberaar-Glaĉero
Oberaar-Glaĉero kun Oberaar-Lago
glaĉero
Geografia situo CH1903: 659180 / 153480 (mapo)46.538.21Koordinatoj: 46° 32′ N, 8° 13′ O; CH1903: 659180 / 153480 (mapo)
Oberaar-Glaĉero (Svislando)
Oberaar-Glaĉero (Svislando)
DEC
Oberaar-Glaĉero
Estiĝloko Oberaarjoch
Longeco 4,95 km
Larĝeco 0,8 km
Areo 5,82 km²
Glacikvanto 1 km³
Elfluanto(j) Oberaar-Lago→Aro
Jara retiriĝo/kresko 16,3 m retiriĝo en 2001
Glaĉeroj de Svislando
v • d • r

Oberaar-Glaĉero (germane Oberaargletscher, en Esperanto ankaŭ Supra Ar-Glaĉero) estas granda valglaĉero en Berna Oberlando, Kantono Berno, Svislando. La glaĉero havas longecon de 4,95 km, mezan larĝecon de 0,8 km kaj surfacon de 5,82 km. (Ciferoj de Svisa Glaĉermezurreto, de la 9-a de aŭgusto 2005).

Priskribo

La glaĉero havas sian originon sur la glaĉerpasejo Oberaarjoch (ankaŭ Oberaar-Jugo aŭ Jugo de Supra Arhorno) je alteco de 3216 m s.m. Ĝi tiam fluas orienten inter Scheuchzerhorn (3456 m s.m.) je la norda flanko kaj Aargrat (en Esperanto Arkresto) (plej alta punkto 3132 m s.m.) je la suda flanko al la direkto de la Grimsel-Montpasejo. La frunto de la glaĉerlango situas nuntempe (2007) je 2310 m s.m. je la okcidenta fino de Oberaar-Lago, baraĵlago de la elektracentralo de Grimsel. Pro la plua degelo pro la tutmonda varmiĝo la glaĉero tamen iom post iom retiriĝas de la lago bordo. El la baraĵlago elfluas la Oberaarbach (Supra Ar-Rivereto), fontrivereto de Aro. La rivereto alfluas post unu kilometro la Grimsel-Lagon, alian baraĵlagon de la sama sistemo, kiu estas la efektiva fonto de la rivero Aro.

Altmontara Turismo

Sur la Oberaarjoch, kiu estas la glaĉerpasejo liganta Oberaar-Glaĉeron kun Studer-Glaĉero, tributglaĉero de Fiescher-Glaĉero, je alteco de 3256 m s.m. situas la Oberaarjoch-Kabano de la Svisa Alpismo-Klubo (SAC). La kabano estas grava etapejo de la altalpa glaĉervojo de Lötsch-Valo aŭ Jungfraŭjoch al la regiono de la Grimsel-Montpasejo.

Vidu ankaŭ

Eksteraj ligiloj