Ծաղկաբերդ (գյուղ, Քաշաթաղի շրջան)
Անվան այլ կիրառումների համար տե՛ս՝ Ծաղկաբերդ (այլ կիրառումներ)
| Գյուղ | ||
|---|---|---|
| Ծաղկաբերդ | ||
 | ||
| Երկիր |  Արցախ | |
| Շրջան | Քաշաթաղ | |
| Համայնք | Ծաղկաբերդ (համայնք, Քաշաթաղի շրջան) | Ծաղկաբերդ | |
| Մակերես | 6448,3 կմ² | |
| Բնակչություն | 221 մարդ | |
| Ազգային կազմ | Հայեր | |
| Կրոնական կազմ | Հայ Առաքելական Եկեղեցի | |
| Ժամային գոտի | UTC+4 | |
| ||
Ծաղկաբերդ, գյուղ Արցախի Հանրապետության Քաշաթաղի շրջանում։ Տեղաբաշխված է հանրապետության հարավարևմտյան հատվածում։ Բերձոր շրջկետնտրոնից գտնվում է 32 կմ հեռավորության վրա, իսկ մայրաքաղաք Ստեփանակերտից՝ 80 կմ հեռավորության վրա[1]։
Մարաթուկ գյուղի հետ միասին կազմում է Ծաղկաբերդ համայնքը[1]։
Աշխարհագրություն
Համայնքը լեռնային է, ունի 6448,3 հա տարածք, որից 2868,0 հա գյուղատնտեսական նշանակություն, 3431,3 հա անտառային հողեր։ Ծաղկաբերդ համայնքի սահմանային գոտով հոսում է Հագարի գետը։
Համայնքի տարածքում խմելու ջրի համար առկա են թվով 40 գործող անհատական ջրհորներ, կան նաև բնական փոքր սեզոնային բնույթի աղբյուր-առվակներ։
Պատմություն
Ազատագրվել է 1993 թվականի սեպտեմբերին, բնակեցվել է 1994 թվականին՝ Ադրբեջանից բռնագաղթած հայ փախստականներով։
2020 թվականի Արցախյան երկրորդ պատերազմի հետևանքով գյուղը հայաթափվել և անցել է Ադրբեջանի հսկողության տակ[2]։
Բնակչություն
2015 թվականին Ծաղկաբերդ համայնքի բնակչության թվաքանակը կազմում է 221 մարդ, կա 61 տնտեսություն։
Բնակավայրի ազգաբնակչության փոփոխությունը[3].
| Տարի | 2008 | 2009 | 2010 |
|---|---|---|---|
| Բնակիչ | 238 | 204 | 211 |
Տնտեսություն
Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։
Պատմամշակութային հուշարձաններ
Համայնքի պատմամշակութային հուշարձաններն են՝ ժայռափոր «Քրոնք» եկեղեցի (12-13-րդ դարեր), կամուրջ «Կոտրած» (17-18-րդ դարեր), քարանձավ։
Հասարարակական կառույցներ
2015 թվականի դրությամբ համայնքում գործում էր գյուղապետարան, միջնակարգ դպրոց, որտեղ սովորում են 46 աշակերտներ[1]։
Ծանոթագրություններ
- ↑ 1,0 1,1 1,2 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախը հրապարակել է Ադրբեջանի հսկողության տակ անցած համայնքների և բնակավայրերի ցանկը». Ազատություն Ռադիոկայան. 2020 թ․ դեկտեմբերի 10.
- ↑ «Լեռնային Ղարաբաղի Հանրապետություն. Բնակչություն ըստ համայնքների». Վերցված է 2021 Մայիսի 1-ին.
