Հացիկ (Մշո գավառ)
Անվան այլ կիրառումների համար տե՛ս՝ Հացիկ (այլ կիրառումներ)
| Գյուղ | ||
|---|---|---|
| Հացիկ | ||
| Վարչական տարածք | Արևմտյան Հայաստան | |
| Վիլայեթ | Բիթլիսի վիլայեթ | |
| Գավառ | Մշո գավառ | |
| Այլ անվանումներ | Խասիկ | |
| Պաշտոնական լեզու | Հայերեն | |
| Ազգային կազմ | Հայեր (մինչև Մեծ եղեռնը) | |
| Կրոնական կազմ | Քրիստոնյա (մինչև Մեծ եղեռնը) | |
| Ժամային գոտի | UTC+3 | |
| ||
Հացիկ (Հասիկ[1], Հացիկ[1]), գյուղ Արևմտյան Հայաստանում, Բիթլիսի վիլայեթի Մշո գավառում[2]։ Գտնվում է Մուշ քաղաքից հյուսիս-արևելք՝ արգավանդ գետահովտում։
Պատմություն
Բազմաթիվ հեղինակներ Հացիկ գյուղը նույնացնում են Մեսրոպ Մաշտոցի ծննդավայր Հացեկ կամ Հացեկաց գյուղի հետ, սակայն ըստ Սողոմոն Տարոնցու այն գտնվում էր Հացիկ գյուղից 6-7 կմ հեռավորության վրա։ XX դարում հազիվ էին նշմարվում Հացեկացի ավերակները։
Հացիկն ավերվել է 1915 թվականի Մեծ եղեռնի ժամանակ։ Բնակչության մեծ մասը կոտորվել է թուրքերի ձեռքով։
Բնակչություն
Հացիկն հիմնականում հայաբնակ էր։ 1886 թվականին ուներ 50 տուն՝ 500 հայ բնակչով և 10 տուն քուրդ (եզիդի) բնակչով։ 1909 թվականին ուներ 30-35 տուն բնակիչ։
Տնտեսություն
Բնակչության հիմնական զբաղմունքը անասնապահություն, երկրագործություն և առևտուրն էր։
Պատմամշակութային կառույցներ
Հացիկն ուներ եկեղեցի։
Կրթություն
Գյուղում գործում էր վարժարան[3]։
Տես նաև
Ծանոթագրություններ
- ↑ 1,0 1,1 Հայկական սովետական հանրագիտարան. — Т. 6. — С. 327.
- ↑ «Բաղեշի նահանգի Մուշի գավառ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 3, էջ 395
Աղբյուրներ
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 327)։ 
|