1662

Árið 1662 (MDCLXII í rómverskum tölum) var 62. ár 17. aldar sem hófst á sunnudegi samkvæmt gregoríska tímatalinu en miðvikudegi samkvæmt júlíska tímatalinu sem er tíu dögum á eftir.

• 1. febrúar - Kínverski sjóræninginn Koxinga náði Sjálandsvirki Hollendinga á Tævan á sitt vald eftir níu mánaða umsátur og stofnaði þar konungsríkið Tungning.
• 15. febrúar - Ragnheiður Brynjólfsdóttir ól sveinbarn í Bræðratungu og Daði Halldórsson gekkst við faðerninu.
• 19. febrúar - Samkvæmt konunglegri tilskipun breyttust 49 dönsk og norsk lén í ömt.
• 4. mars (öskudagur) - Fjórtán menn drukknuðu þegar tveir áttæringar í eigu konungs fórust á Lambastaðaröst.
• 9. maí - Samuel Pepys ritaði í dagbók sína að hann hefði séð Punch og Judy-brúðuleikhús þennan dag leikið af ítölskum brúðumeistara, sem er elsta heimild um brúðuleikhús af þessu tagi í Englandi.
• 16. maí - Hlóðaskattur tekinn upp í Englandi, Wales og Skotlandi.
• 30. maí - Karl 2. Englandskonungur giftist Katrínu af Braganza.
• 15. júlí - Konunglega breska vísindafélagið fékk konungsbréf.
• 28. júlí - Erfðahyllingin var undirrituð á Kópavogsfundinum.
• 27. október - Karl 2. Englandskonungur seldi Frökkum bæinn Dunkerque sem Englendingar höfðu lagt undir sig fimm árum áður.
• 20. desember - Nicolas Fouquet, fjármálaráðherra Frakklands, var dæmdur í útlegð.
• 26. desember - Leikritið Kvennaskólinn eftir Moliére var frumsýnt.

• Bókin Rökfræðin eða listin að hugsa (Logique Port-Royal) kom fyrst út í Frakklandi.
• Robert Hooke gaf út ritið Micrographia um athuganir sínar með smásjá.
• Aðalútgerðarmenn tóku við Íslandsversluninni af Fyrsta íslenska verslunarfélaginu.
• Magnús Björnsson lögmaður sagði af sér og Þorleifur Kortsson var kjörinn lögmaður norðan og vestan.
• Þormóður Torfason sendur til að safna handritum á Íslandi.

• 30. apríl - María 2. Englandsdrottning (d. 1694).
• 11. júní - Tokugawa Ienobu, japanskur herstjóri (d. 1712).
• 11. júlí - Maximilían 2. Emmanúel, kjörfursti í Bæjaralandi (d. 1726).
• 13. desember - Francesco Bianchini, ítalskur heimspekingur (d. 1729).

• 19. ágúst - Blaise Pascal, franskur stærðfræðingur, eðlisfræðingur og heimspekingur (f. 1623).
• 20. nóvember - Leópold Vilhjálmur, erkihertogi af Austurríki (f. 1614).
• 6. desember - Magnús Björnsson, lögmaður norðan og vestan (f. 1595).

• Þórður Magnússon hengdur við Flókadalsá í Borgarfirði, fyrir þjófnað.^[1]

1. ↑ Skrá á vef rannsóknarverkefnisins Dysjar hinna dauðu, á slóðinni https://dhd.hi.is/gogn/Info.pdf, sótt 15.2.20202.