1698

Árið 1698 (MDCXCVIII í rómverskum tölum) var 98. ár 17. aldar. Það hófst á miðvikudegi samkvæmt gregoríska tímatalinu eða laugardegi samkvæmt júlíska tímatalinu sem er tíu dögum á eftir.

Atburðir

• 4. janúar - Whitehall-höll í Englandi eyðilagðist í eldi.
• 23. janúar - Georg Lúðvík af Hanóverætt varð kjörfursti af Hanóver.
• 18. júní - Patrick Gordon og Alexej Sjein börðu streltsíuppreisnina niður.
• 2. júlí - Enski verkfræðingurinn Thomas Savery fékk einkaleyfi fyrir nýrri gufuknúinni vatnsdælu.
• 5. september - Pétur mikli, Rússakeisari, lagði skatt á skegg, sem tilraun til að nútímavæða Rússland.

Ódagsettir atburðir

• Jón Vídalín varð biskup í Skálholti.
• Hólmfastur Guðmundsson frá Brunnastöðum á Vatnsleysuströnd var dæmdur til húðstrýkingar fyrir að hafa selt fisk til kaupmannsins í Keflavík.
• Drukknir Norðlendingar gerðu aðsúg að kaupmanninum á Akureyri.
• Isaac Newton reiknaði út hraða hljóðsins.
• Arabar frá Óman lögðu Mombasa og Sansibar undir sig og hröktu Portúgali þaðan.

Fædd

• 13. janúar - Metastasio, ítalskt skáld (d. 1782).
• Febrúar - Colin Maclaurin, skoskur stærðfræðingur (d. 1746).
• 19. júlí - Johann Jakob Bodmer, svissneskur rithöfundur og gagnrýnandi (d. 1783).
• 24. desember - William Warburton, enskur gagnrýnandi og biskup (d. 1779).

Dáin

• 16. mars - Leonora Christina Ulfeldt, dóttir Kristjáns 4..
• 15. maí - Marie Champmeslé, frönsk leikkona (f. 1642).
• 11. júní - Balthasar Bekker, hollenskur heimspekingur (f. 1634).
• júlí - Þorleifur Kortsson, lögmaður norðan og vestan.
• 18. júlí - Johann Heinrich Heidegger, svissneskur heimspekingur (f. 1633).
• 4. nóvember - Rasmus Bartholin, danskur náttúrufræðingur (f. 1625).

Opinberar aftökur

• Guðrúnu Oddsdóttur, vinnukonu, drekkt í Kópavogi vegna dulsmáls.^[1]

Tilvísanir

1. ↑ Skrá á vef rannsóknarverkefnisins Dysjar hinna dauðu, á slóðinni https://dhd.hi.is/gogn/Info.pdf, sótt 15.2.20202.