Bahaso Melayu

Malayu
بهاس ملايو
Bahasa Melayu
Ditutuakan diBrunei, Indonesia, Malaysia, Singapura, salatan Filipina, Thailand Selatan, Timor Leste, Sri Lanka, Afrika Salatan, sarato Australia (Pulau Christmas jo Kapulauan Cocos).
Dialek standar nasional di Indonesia disabuik sabagai bahaso Indonesia.
EtnisMalayu
Jumalah panutuaPanutua asli: 7–18 juta
total 200–300 juta  (indak ado tanggal)
Rumpun bahaso
Bantuak pancanganBahaso Malayu Baku
Bahaso Indonesia
LogaikAsahan, Anambas, Bangka, Belitung, Brunei, Deli, Jambi, Johor-Riau, Kedah, Kelate-Pattani, Ketapang, Langkat, Natuna, Pahang, Palembang, Perak, Pontianak, Sambas, Selangor, Tamiang, Terengganu
Status rasmi
Bahaso rasmi di Brunei
 Indonesia (sabagai Bahaso Indonesia)
 Malaysia (acok disabuik bahaso Malaysia)
 Singapura
Diatur dekDewan Bahasa dan Pustaka (Malaysia), Pusat Bahasa (Indonesia), Majelis Bahasa Brunei Darussalam – Indonesia – Malaysia (MABBIM) (gabuangan)
Kode-kode bahaso
ISO 639-1ms
ISO 639-2may/msa
ISO 639-3zlm/zsm

Bahaso Malayu (diijo dalam dialek Minang lain: Bahaso Malayu; (/məˈleɪ/;[1] Melayu: Bahasa Melayu بهاس ملايو) adolah bahaso gadang dalam rumpun bahas bahaso rasmi Malaysia. Bahaso Malayu tamasuak dalam rumpun bahaso Austronesia nan ditutuakan di Brunei, Indonesia, Malaysia, jo Singapura. Sabuah bahaso nan dipakai dek urang Malayu, dipakirokan mancapai 290 juta urang[2] di sapanjang Selat Malaka, tamasuak pasisia Semenanjung Malaya (Malaysia) jo pasisia timur Sumatera (Indonesia), sarato alah manjadi bahaso asali di pantai barat Sarawak jo Kalimantan Barat di Kalimantan. Bahaso ko juo manjadi bahaso pasa di selatan Filipina, tamasuak bagian selatan Semenanjung Zamboanga, Kapulauan Sulu, jo wilayah jo mayoritas Muslim di Bataraza jo Balabac in Palawan.

Sabagai Bahasa kebangsaan atau Bahasa Nasional di babarapo nagara, Malayu Baku (Standar) mampunyoi baragam namo rasmi. Di Malaysia, banamo bahaso Malaysia atau bahaso Malayu. Di Singapura jo Brunei, bahaso ko disabuik Bahasa Melayu ("bahaso Malayu"); sadang di Indonesia, disabuik Bahasa Indonesia ("bahaso Indonesia") nan dirancang sabagai bahaso Pasatuan/Pamasatu (lingua franca). Namun, pado wilayah tangah inggo selatan Sumatera dimano ado baragam variasi satampek bahaso ko nan masih asali, bahaso Indonesia disabuiknyo sabagai bahaso Malayu sarato mangganggapnyo sabagai salah satu dari bahaso daerah.

Malayu Baku (Standar), juo disabuik Malayu Tinggi, sacaro harfiah manjadi bahaso karajaan Malaka jo Johor, sainggo bahaso ko kadang disabuik bahaso Malayu Malaka, Riau atau Johor (atau baragam kombinasi dari namo tu) untuak mambedakan jo bahaso dalam Rumpun bahaso Malayu lainnyo. Manuruik Ethnologue 16, babarapo bahaso dalam rumpun bahaso Malayu nan lah didaftarkan tadaftar sabagai bahaso-bahaso nan tapisah, tamasuak bahaso Urang Asali sabuah jinih bahaso di Samananjuang Malaya, nan arek jo Malayu baku nan dianggap sabagai dialek. Ado juo babarapo bahaso Malayu pasa jo kreol nan marupokan lingua franca dari Malayu Klasik sarupo Malayu Makassar, nan muncua manjadi bahaso campuran.

Bahaso Malayu ko banyak kamiripan jo Bahaso Minangkabau atau Bahaso Padang. Umumnyo urang Minang mangarati apobilo mandanga urang mangecek mamakai bahaso Malayu.

Sistem fonologi

Ciri Fonologi atau pangucapan dalam bahaso Malayu adolah satiok huruf mawakili ciek pangucapan (fonem).

Daftar fonem konsonan dalam bahaso Malayu
Bibia Bibia-
gigi 		Gigi/Gusi Lakang Gusi
(Pasca Alveolar) 		Langik-langik Velum Uvula
(anak lidah) 		Pita suaro
Sengau (Nasal) m /m/ n /n/ ny /ɲ/ ng /ŋ/
Letupan (Plosif) p /p/ /pʰ/ b /b/ t /t/ d /d/ k /k/ g /g/ k (ujuang)/q /ʔ/
Latuihan (Afrikat) c /tʃ/ j /dʒ/
Geseran f /f/ v /v, ʋ/ s /s/ z /z/ sy /ʃ/ h /h/
Indak geser y /j/ w /w/
Getaran r /r/*
Sisian l /l/

Catatan:

* Dalam bahaso baku, Panutua indak paralu manyabuik fonem /r/ sacaro jaleh.

  • Huruf k pado akhia kato dalam ucapan Malayu asali tasabuik [ʔ].
  • Kombinasi bagi sebutan [ŋg] diwakili sabagai ngg.
  • Huruf x biasonyo dibunyikan sabagai [ks], [s] atau [z].
Daftar fonem vokal dalam bahaso Malayu
Ketinggian Muko Tangah Balakang
Sampik i /i/ u /u/
Satangah sampik e /e/ o /o/
Tangah e /ə/
Satangah laweh e [ɛ]* o [ɔ]*
Laweh a /a/ a [ɑ]*

* Indak baku, hanyo ado dalam logaik/dialek atau kato pinjaman.

Daftar diftong dalam bahaso Malayu
Ortografi IPA
ai [aɪ̯, ai]
au [aʊ̯, au]
ua [ua]

Ado 2 sebutan vokal nan diwakili dek huruf "e", yoitu [e, ɛ] jo [ə]. Urang lua nan baraja bahaso Malayu barusaho mambedakan kaduo sebutan satiok baraja kato baru.

Di sabagian tampek di Semenanjung Malaya, utamonyo di kawasan tangah jo selatan, kato nan barakhia jo a tiok wakatunyo tasabuik sabagai [ə]. Lain halnyo jo bahaso Indonesia, pakatoan nan barakhia jo huruf a tiok wakatu basabuik a juo. Di Indonesia banyak dialek Malayu sainggo pangucapan huruf a di balakang babeda-beda tiok daerah, contohnyo di provinsi Riau, Malayu Pontianak, Malayu Kayong, Malayu Langkat, jo Deli, huruf tu diucapkan sabagai [ə], di provinsi DKI Jakarta, Musi Rawas, jo Malayu Sambas, huruf tu diucapkan e (dalam kato enak), diucapkan "o" dek Malayu Bengkulu, Malayu Asahan, Malayu Batubara, Kualuh, Bilah, Malayu Palembang, Malayu Jambi, Minangkabau, dan diucapkan "a" sarupo bahaso Malayu Baku dalam bahaso Banjar, Kutai, Berau, Kedayan, Salako, Malayu Ambon, Malayu Manado jo kawasan timur Indonesia.

Ragam dialek jo bahaso sarumpun

!Artikel utamo untuak bagian ko adolah: Rumpun bahaso Malayu

bahaso Malayu amaik baragam dari logaiknyo. Hal iko disababkan alun adonyo institusi nan mangatua pambakuannyo. Karajaan-karajaan Malayu anyo mampunyoi kakuatan sabateh wilayah kakuasoannyo, padohal bahaso Malayu dipakai juo dek urang-urang nan jauah di lua bateh wilayah kakuasoannyo. Dek itulah muncua baragam dialek (geografis) ataupun sosiolek (dialek sosial). Pamakaian bahaso ko dek masyarakaik jo etnik nan balain pulo mamuncuaan variasi campua bahaso (kreol), nan masih dipakai inggo kini. Bahaso Betawi, suatu bantuak kreol, bahkan kini pun lah mulai mampangaruahi sacaro kuek bahaso Indonesia dek panggunoannyo dek kalangan mudo Jakarta nan kudian dipakai sacaro laweh pado program-program hiburan televisi nasional.

Ado panyulik dalam mangalompokan bahaso-bahaso Malayu. Bak cando bahaso-bahaso di Nusantaro, indak ado bateh jaleh antaro ciek ragam jo ragam lain nan panutuanyo basubalahan sacaro geografis. Parubahan dialek acokali sacaro batingkek-tingkek. Untuak kamudahan, biasonyo dilakukan pangalompokan ragam sabagai barikuik:

  1. Bahaso-bahaso Malayu Satampek (Lokal)
  2. Bahaso-bahaso Malayu Kirabaik (Paramalayu, Paramalay = Malayu "indak panuah")
  3. Bahaso-bahaso kreol (bukan suku/panduduak malayu) manuruik bahaso Malayu

Jumlah panutua bahaso Malayu di Indonesia amaik banyak, bahkan dari sisi jumlah malampaui jumlah panutua bahaso Malayu di Malaysia maupun di Brunei Darussalam. Bahaso Malayu ditutuakan dari sapanjang pantai timur Sumatera, Kapulauan Riau, Kapulauan Bangka Belitung, Jambi, Lampung, Sumatera Selatan, Bengkulu inggo pasisia Pulau Kalimantan jo Kota Negara, Bali.[3]

Dialek Malayu Indonesia

Dialek Malayu Indonesia di Regional Sumatera

  • Dialek Tamiang : ditutuakan di kabupaten Aceh Tamiang, Aceh
  • Dialek Langkat : ditutuakan di kawasan Langkat, Sumatera Utara
  • Dialek Deli : ditutuakan di Medan, Deli Serdang dan Serdang Bedagai
  • Dialek Asahan : ditutuakan di sapanjang wilayah pasisia kabupaten Asahan
  • Dialek Kualuh : ditutuakan di sapanjang wilayah aliran hulu sampai hilia sungai Kualuh kabupaten Labuhanbatu Utara
  • Dialek Bilah : ditutuakan di sapanjang wilayah hilia aliran sungai Bilah kabupaten Labuhanbatu
  • Dialek Panai : ditutuakan di sapanjang wilayah hilia aliran sungai Barumun kabupaten Labuhanbatu
  • Dialek Kotapinang : ditutuakan di sapanjang wilayah aliran sungai Barumun kabupaten Labuhanbatu Selatan
  • Dialek Riau Kapulauan : ditutuakan di kawasan Kepulauan Riau
  • Dialek Riau Kapulauan dan kawasan-kawasan di Riau Daratan ditutuakan sarupo jo Dialek Johor.
  • Dialek Riau Darek : tabagi ateh dialek-dialek lainnyo manuruik wilayah (Siak, Rokan, Inderagiri, Kuantan)
  • Dialek Anak Dalam : kamungkinan tamasuak kalompok Kubu jo Talang Mamak di kawasan Riau dan Jambi
  • Dialek Jambi : ditutuakan di provinsi Jambi
  • Dialek Bengkulu : ditutuakan di kota Bengkulu
  • Dialek Palembang : ditutuakan di kota Palembang dan Kota Muara Enim dan sakitarnyo
  • Dialek Bangka-Belitung : ditutuakan di provinsi Bangka-Belitung saketek babeda antaro pangucapan kato sabagai contoh kato "APA-Ind", pado Bangka manggunokan "APE" co panyabuikan kato "PEPES" jo Belitung "APE" sarupo manyabuik kato "Remang".

Dialek Malayu Indonesia di Regional Kalimantan

Dialek Malayu Indonesia Indonesia Timur

  • Dialek Loloan : ditutuakan di kota Negara, Jembrana, Bali.

Bahaso kirabaik Malayu

"Bahaso kirabaik" adolah bahaso-bahaso lain nan sarupo jo bahaso Malayu, namun masih ado pabedaan pandapaik dek hal itu. Di antaronyo adolah

  1. Bahaso Lampung Api (ljp) di Lampung
  2. Bahaso Lampung Nyo (abl) di Lampung
  3. Bahaso Minangkabau (min) di Sumatera Barat
  4. Bahaso Banjar (bjn) di Kalimantan Selatan
  5. Bahaso Kedayan (kxd) (Suku Kedayan) di Brunei, Sarawak
  6. Dialek Malayu Kedah (meo) (Malayu Satun)
  7. Dialek Malayu Pulau Kokos (coa)
  8. Dialek Malayu Pattani (mfa)
  9. Dialek Malayu Sabah (msi)
  10. Dialek Malayu Bukit(bahaso Bukit) (bvu) (Suku Dayak Bukit) di Kalimantan Selatan
  11. Bahaso Serawai (srj) di Bengkulu
  12. Bahaso Rejang (rej) di Rejang Lebong, Bengkulu
  13. Bahaso Lebong di Lebong, Bengkulu
  14. Bahaso Rawas (rws) di Musi Rawas, Sumatera Selatan
  15. Bahaso Penesak (pen) di Tanjung Batu & sakitarnyo, Pedamaran (Marga Danau), Sumatera Selatan
  16. Bahaso Komering di Ogan Komering Ulu dan Ogan Komering Ilir, Sumatera Selatan
  17. Bahaso Enim (eni)
  18. Bahaso Musi (mui)
  19. Bahaso Kaur (vkk)
  20. Bahaso Kerinci/(Kerinci-Sakai-Talang Mamak)(vkr)
  21. Bahaso Kubu (kvb)
  22. Bahaso Lematang (lmt)
  23. Bahaso Lembak (liw)
  24. Bahaso Lintang (lnt)
  25. Bahaso Lubu (lcf)
  26. Bahaso Loncong/urang Lauik (lce)
  27. Bahaso Sindang Kelingi (sdi)
  28. Bahaso Semendo (sdd)
  29. Bahaso Rawas (rws)
  30. Bahaso Ogan (ogn)di Ogan Ilir, Ogan Komering Ulu dan Ogan Komering Ilir, Sumatera Selatan
  31. Bahaso Pasemah ( pse) di Sumatera Selatan
  32. Bahaso Suku Batin [sbv] di Jambi
  33. Bahaso Kutai di Kutai Kartanegara, Kalimantan Timur
    1. Dialek Tenggarong - Malayu Kutai (vkt)
    2. Dialek Kota Bangun - Malayu Kutai (mqg)

Bahaso Malayu Kreol

Bahaso Malayu alah lamo takana sabagai bahaso antarsuku bangso khususnyo di Indonesia. Dalam pakambangannyo utamonyo kawasan-kawasan bapanduduak bukan Malayu sarato mampunyoi bahaso surang-surang, bahaso Malayu mangalami proses pidginisasi dek baradaptasinyo babagai unsua bahaso satampek ka dalam bahaso Malayu sarato dek ditutuakan pulo dek anak-anaknyo, bahaso Malayu mangalami proses Kreolisasi.[3] bahaso Malayu, khususnyo di Indonesia Timur dibaok pulo dek misionaris-misionaris asa Ulando untuak kapantiangan panyebaran agamo Kristen.

Di pulau Jawa, utamonyo di Jakarta, bahaso Malayu mangalami proses kreolisasi nan unsua dasa bahaso Malayu Pasa tacampua jo babagai bahaso di sakaliliangnyo, khususnyo bahaso Tionghoa, bahaso Sunda, bahaso Jawa, bahaso Bali, bahaso Bugih, bahkan unsua bahaso Ulando dan bahaso Portugih. Malayu dalam Bantuak kreol iko banyak tasuo di Kawasan Indonesia Timur nan tabantang dari Manado inggo Papua.

Bantuak Malayu Kreol tu antaro lain :

  • Dialek Malayu Jakarta bahaso Betawi : ditutuakan di Jakarta dan sakitarnyo
  • Dialek Malayu Indonesia Peranakan: banyak ditutuakan dek kalangan urang Tionghoa di pasisia Jawa Timur dan Jawa Tengah.
  • Dialek Malayu Manado (bahaso Manado): dipakai sabagai lingua franca di Sulawesi Utara
  • Dialek Malayu Maluku Utara (max): dipakai di ampia sadoalah Maluku Utara
  • Dialek Malayu Bacan (btj): dipakai di kawasan pulau Bacan, Maluku Utara
  • Dialek Malayu Ambon : dipakai sabagai bahaso ibu dek warga kota Ambon, dan bahaso kaduo dek warga sakitarnyo
  • Dialek Malayu Banda : balain jo Malayu Ambon, dan digunokan di kawasan Kapulauan Banda, Maluku
  • Dialek Malayu Larantuka : dipakai di kabupaten Flores Timur, Nusa Tenggara Timur
  • Dialek Malayu Kupang : manjadi lingua franca di wilayah Kupang dan sabagian Pulau Timor
  • Dialek Malayu Papua : Papua, Papua Barat
  • Dialek Malayu Makassar (mfp) : Sulawesi Selatan

Dialek lua Indonesia

Dialek-dialek bahaso Malayu di Malaysia di antaronyo:

  • Dialek Utara (Kedah, Perlis, Pulau Pinang & Perak Utara) " meo ": ditutuakan di nagara bagian Kedah, Pulau Pinang, Perlis jo bagian utara nagara bagian Perak. Tabagi pado babarapo sub-dialek yoitu Perlis, Pulau Pinang, Kedah Utara, dan Kedah Hilia. Dialek nan ditutuakan dek panduduak di Kedah Timur manunjuakan banyak pasamoan jo dialek Kelantan jo Pattani, Dialek ko dikana sabagai dialek Kedah Hulu.
  • Dialek Kelantan : ditutuakan di nagara bagian Kelantan dan daerah Besut, Terengganu. Panduduak di sabagian daerah di Kedah co di Baling, Sik ,dan Kuala Nerang mangecek jo dialek nan manunjuakan banyak pasamoan jo dialek Kelantan. Dialek Kelantan marupokan sub-dialek Dialek Pattani ataupun Yawi.
  • Dialek Terengganu "zlm-coa" : ditutuakan di nagara bagian Terengganu kacuali daerah Besut dan sabagian nagari Pahang di pesisiran pantai daerah Kuantan. Catatan patamo bahaso Malayu di Terengganu tatulih pado Prasasti Terengganu nan tacataik pado taun 1326 M atau 1386 M.
  • Dialek Perak - Dialek ko tabagi pado tigo subdialek:
    • Dialek Perak Tangah : ditutuakan di bagian tangah nagara bagian Perak malingkupi daerah Perak Tangah dan Kuala Kangsar.
    • Dialek Perak Selatan : ditutuakan di bagian selatan nagara bagian Perak malingkupi daerah Hilir Perak, Batang Padang, Kampar jo sabagian daerah Manjung dan Kinta. Dialek ko dipangaruahi dialek Selangor dan Johor.
    • Dialek Perak Timur: ditutuakan di bagian timur lauik nagara bagian Perak iyolah Lenggong, Grik dan Kroh (daerah Hulu Perak) nan basampadan jo nagara bagian Kedah dan Kelantan sarato provinsi Yala dan Narathiwat di karajaan Thailand. Dialek nan ditutuakan mampunyoi campuran dialek Utara, dialek Perak dan dialek Kelantan/Pattani.
  • Dialek Selangor - KL : ditutuakan di nagara bagian Selangor, Wilayah Persekutuan Kuala Lumpur, Putrajaya sarato kota-kota gadang di Samananjuang Malaysia.
  • Dialek Negeri Sembilan : ditutuakan di nagara bagian Nagari Sembilan dan kawasan Taboh Naning, Melaka.
  • Dialek Malaka : ditutuakan di nagara bagian Melaka kacuali kawasan Taboh Naning.
  • Dialek Johor - Riau : ditutuakan di nagara bagian Johor jo selatan Pahang.
  • Dialek Pahang - nagara bagian Pahang kaya jo babagai jinih dialek daerah nan ditutuakan di daerah-daerah aliran Sungai Pahang:-
    • Hulu Sungai Pahang : Dialek Jerantut, Lipis, Bentong dan Raub (ditutuakan sacaro capek dari sisi kalajuan mangecek).
    • Patangahan Sungai Pahang : Dialek Temerloh dan Maran (ditutuakan sacaro sederhana dari sisi kalajuan mangecek).
    • Hilir Sungai Pahang : Dialek Rompin dan Pekan (ditutuakan sacaro lambek dari sisi kalajuan mangecek).
  • Dialek Sarawak "zlm-sar" : ditutuakan di nagara bagian Sarawak kacuali di divisi Limbang nan manggunokan dialek Brunei. Dialek Sarawak tabagi dalam babarapo sub-dialek manuruik divisi administratif iyolah Bintulu, Kuching, Miri, Samarahan, Saribas, Sibu dan Sri Aman.
  • Dialek Labuan - ditutuakan di Persekutuan Labuan (sejinih dialek campuran antaro bahaso Kedayan dan bahaso Malayu Brunei).
  • Dialek Sabah "msi" - nagara bagian Sabah mampunyoi babarapo jinih dialek Malayu yaitu:-
    • Dialek Malayu Sabah - ditutuakan di sadoalah nagara bagian Sabah dan marupokan dialek utamo di nagara bagian tu.
    • Dialek Kokos / Cocos - ditutuakan dek urang Malayu katurunan Kokos / Cocos di Tawau, Lahad Datu, Kunak, Sandakan dan Kepulauan Cocos (Keeling), wilayah Australia.
  • Dialek Baba - Sejinih dialek campuran antaro bahaso Malayu dan dialek Hokkien. Dialek ko tabagi pado tigo pecahan ketek iaitu:-
    • Dialek Baba Melaka - ditutuakan dek kaum Baba dan Nyonya di nagara bagian Melaka, nan marupokan dialek asa dek dialek Malayu Baba.
    • Dialek Baba Pulau Pinang - ditutuakan dek kaum Baba dan Nyonya di nagara bagian Pulau Pinang.
    • Dialek Baba Singapura - ditutuakan dek kaum Baba dan Nyonya di Republik Singapura.

Dialek Johor - Riau juo ditutuakan di Republik Singapura dan Provinsi Riau dan Kapulauan Riau, Indonesia.

Dialek-dialek bahaso Malayu di Singapura, Brunei Darussalam dan Thailand adolah di antaronyo:

  • Dialek Singapura : ditutuakan di Republik Singapura. Dialek ko marupokan pacahan dari dialek Johor-Riau.
  • Dialek Brunei : ditutuakan di Karajaan Brunei Darussalam sarato bagian padalaman, nagara bagian Sabah dan Wilayah Persekutuan Labuan, Malaysia.
  • Dialek Patani : ditutuakan di provinsi Pattani, Narathiwat, Yala dan Songkhla di Karajaan Thailand.
  • Dialek Malayu Bangkok : ditutuakan dek masyarakaik Malayu di kawasan Bangkok, agak balain jo dialek di bagian Selatan Thailand.

Kini, banyak dari kalangan mudo nan alah ilang kamampuan mangecek dalam dialek urang gaeknyo dek adonyo panerapan bahaso Malayu baku di sikolah-sikolah. Dek adonyo pabedaan dialek nan amaik nyato, kadang panutua bahaso Malayu dari ciek dialek alun tantu dapek mangarati dialek nan lain, utamonyo dialek Kelantan, Sarawak, jo Sabah di Malaysia.

Di lua wilayah tu, ado pulo dialek Srilangka nan palahan-lahan mulai punah, sarato dialek Afrika Selatan, nan dipakai dek pangikuik Syekh Yusuf nan dibuang ka Cape Town.

Para-Malay

  1. bahaso Duano' [dup] (Malaysia Barat)
  2. bahaso Minangkabau [min] (Indonesia, Sumatera Barat)
  3. bahaso Pekal [pel] (Indonesia, Sumatera Selatan)
  4. bahaso Urak Lawoi' [urk] (Thailand)
  5. bahaso Muko-Muko [vmo] (Indonesia, Sumatera, Bengkulu : Kabupaten Mukomuko)
  6. bahaso Negeri Sembilan [zmi] (Malaysia Barat, Negeri Sembilan)

Malayu-Aborigin

  1. bahaso Jakun [jak] (Suku Jakun, Malaysia Barat)
  2. bahaso urang Kanaq [orn] (urang Kanaq, Malaysia Barat)
  3. bahaso urang Seletar [ors] (urang Seletar, Malaysia Barat)
  4. bahaso Temuan [tmw] (Suku Temuan, Malaysia Barat)

Dayak Melayik

  1. Malayan
    1. Malayic-Dayak (10)
      1. Ibanic (6)
        1. Bahaso Balau [BUG] (Sarawak)
        2. Bahaso Iban [IBA] (Sarawak, Brunei, Kalimantan Barat)
        3. Bahaso Milikin [MIN] (Sarawak))
        4. Bahaso Mualang [MTD] (Suku Dayak Mualang, Sekadau, Kalimantan Barat)
        5. Bahaso Seberuang [SBX] (Suku Dayak Seberuang, Sintang, Kalimantan Barat)
        6. Bahaso Sebuyau[SNB] (Sarawak))
      2. Bahaso Keninjal [KNL] ( Melawi, Kalimantan Barat)
      3. Bahaso Kendayan [KNX] (Sanggau Ledo, Bengkayang, Kalimantan Barat)
      4. Bahaso Selako [SKL] (Pemangkat, Sambas, Kalimantan Barat)
      5. Bahaso-bahaso Malayic Dayak [XDY] (Kalimantan Barat dan Kalimantan Tengah)
        1. Bahaso Balai Riam : Kabupaten Sukamara
        2. Bahaso Bulik : Kabupaten Lamandau
        3. Bahaso Waringin : Kabupaten Kotawaringin Barat
        4. Bahaso Pembuang : Kabupaten Seruyan
        5. Kota Singkawang
        6. Kabupaten Bengkayang
        7. Kabupaten Sintang
        8. Kabupaten Kapuas Hulu
        9. Bahaso Kayong : Kayong Utara, Ketapang

Pautan lua

Search sister project Ado edisi Bahaso Malayu di Wikipedia

Rujuakan

  1. ↑ Laurie Bauer, 2007, The Linguistics Student’s Handbook, Edinburgh
  2. ↑ 10 million in Malaysia, 5 million in Indonesia as "Malay" plus 250 million as "Indonesian", etc.
  3. ↑ a b "Beberapa perbezaan kosakata bahasa Melayu Malaysia dan bahasa Indonesia dalam teks ilmiah" (PDF). Diarsipkan dari versi asli (PDF) tanggal 2009-08-06. Diakses tanggal 2019-03-17. 
  4. ↑ "archive copy". Diarsipkan dari versi asli tanggal 2013-11-13. Diakses tanggal 2019-03-17. 
  5. ↑ http://journal.unwidha.ac.id/index.php/magistra/article/view/215/166
  6. ↑ http://jurnal.untan.ac.id/index.php/jpdpb/article/view/1383
  7. ↑ "archive copy". Diarsipkan dari versi asli tanggal 2013-11-13. Diakses tanggal 2019-03-17. 
  8. ↑ "archive copy". Diarsipkan dari versi asli tanggal 2019-03-26. Diakses tanggal 2019-03-17. 
  9. ↑ "archive copy". Diarsipkan dari versi asli tanggal 2018-04-24. Diakses tanggal 2019-03-17. 
  10. ↑ (Inggirih) Florey, Margaret (2009). Endangered Languages of Austronesia - Oxford linguistics. Oxford University Press. pp. 26. ISBN 0199544549. http://books.google.co.id/books?id=eNF4FxSd-LgC&lpg=PA27&dq=maanyan&pg=PA26#v=onepage&q=maanyan&f=false. ISBN 978-0-19-954454-7