Caralh
| |
 | |
| Entitat | comuna d'Itàlia  |
|---|---|
| Administracion | |
| Estat | Itàlia |
| Region | Piemont |
| Província | Província de Coni |
| Capitala | Caraglio |
| Capitala de | collegio elettorale di Caraglio (it)  |
| Geografia | |
  | |
| Coordenadas | 44° 25′ 00″ N, 7° 26′ 00″ E |
| Superfícia | 41,68 km²[1] |
| Limitròf amb | Bernès Draonier Montomal Coni Buscha Cervasca Valgrana |
| Altitud mejana | 575 m |
| Fus orari | UTC+01:00 (ora estandard) UTC+02:00 (ora d'estiu) |
| Demografia | |
| • Totala | 6 747[2] ab. (1 de genièr de 2023 ) |
| • Densitat | 161,88 ab./km² |
| Istòria | |
| Pairinatge | Assompcion de Maria |
| Autras informacions | |
| Còdi postal | 12023 |
| Prefix telefonic | 0171 |
| Embessonatges | Laboulaye (fr) |
| Sit web | comune.caraglio.cn.it |
Caralh[3][4] (Caraglio en italian) es una comuna de la Comunautat montanhòla de la Val Grana, dens las Valadas Occitanas, dins la Província de Coni.
Geografia
Caralh se tròba a l’emboch de la val Grana a 575 m d’autessa; fai 6.500 abitants e diferentas fracions, coma Palasàs, Pasquiera Sant Carl, Panial, Pasquiera Sant Defendent, Sant Lorenç e La Valera.
Istòria
Lo chastèl de Caralh era un di fortilicis pus importants de la zòna e, citat per lo premièr bòt ental 1128, a gardat restas des muralhas e des tors: al siu pòst ental 1849 es estat construit lo santuari de la Madòna del Chastèl, naissut a l’entorn de la chapèla del ‘400 que garda frescs abo las scenas de la Vita de Maria.
A Caralh se tròba una des filandas pus anticas d’Euròpa, lo Filatoio Rosso, construit entre 1676 e 1678. En la fabrica de seda se trobavon sia lhi locals per la produccion, abo tòrnhs a energia idraulica, sia lhi alòtges. La filanda, que semelha un palais fortificat, comença sa decadença productiva al principi del Nòu Cents per puei sarrar; darrierament restauraa, encuei es devengua Museu de la Seda Piemontesa.
Ental 1908, a Caralh nais Arnaldo Momigliano, professor universitari a Londres e Nòva York e istòric de l'antiquitat; ebreu, per las leis racialas, se refutjarè en Anglatèrra.
Nòtas
- ↑ Superficie di Comuni Province e Regioni italiane al 9 ottobre 2011. ISTAT. [Consulta: 16 de març de 2019]
- ↑ URL de la referéncia: https://demo.istat.it/?l=it.
- ↑ http://www.espaci-occitan.org/oc/occitan-e-occitania/occitania-e-valadas-occitanas/valadas-occitanas/
- ↑ https://www.oocities.org/toponimiaoccitana/98.html
