William Howard Taft

William Howard Taft

Titul:	27° president
En uffizi:	4 da mars 1909 - 4 da mars 1913
Predecessur:	Theodore Roosevelt
Successur:	Woodrow Wilson
Data da naschientscha	15 da settember 1857
Lieu da naschientscha:	Cincinnati, Ohio
Data da mort:	8 da mars 1930
Lieu da mort:	Washington D.C.
Prima Dama:	Helen Herron Taft
Professiun:	avocat
Partida politica:	Partida Republicana
Vicepresident:	James S. Sherman

William Howard Taft (*15-9-1857; †8-3-1930) è stà president dals Stadis Unids da l'America durant ils onns 1909 fin 1913. Republican. Procuratur public e derschader dad Ohio. Taft ha fatg carriera sco guvernatur da las Filippinas ed a Cuba, tranteren ha el servì sco minister da guerra sut Theodore Roosevelt. Quel al ha gidà l'onn 1908 da daventar president en in cumbat electoral cunter Bryan. Era Taft ha represchentà ina tenuta dira «Anti-Trust» (leschas cunter cartels), ha dentant pli e pli dispità cun l'ala progressiva da la partida ch'è sa separada sut la direcziun da Roosevelt avant las elecziuns da l'onn 1912. Quatras ha Taft pers la reelecziun cunter il democrat Woodrow Wilson. El è pli tard sa profilà sco derschader dal tribunal suprem. Taft è mort l'onn 1930 en la capitala Washington.