俄罗斯

Российская Федерация 俄罗斯联邦
国旗 国徽
国歌：俄罗斯联邦颂
自然地理 （实际管辖区）
首都	莫斯科
面积 国土面积：17,075,200平方公里 水域率：0.5%%
时区	UTC +2至+12
人民生活
官方语言	俄语
人口 总人口：143,974,059（2004年中估计数） 人口密度：8/km2
政治文化
国家领导人： 国家元首（总统）：弗拉基米尔·普京 政府首脑（总理）：梅德韦杰夫
经济实力
货币单位	卢布
GDP	1.60 千亿美元（列第9位）
人均GDP	11,209 美元（列第61位）
中央银行	俄罗斯中央银行
国家资料
国家象征	国花：葵花
国际域名缩写	.ru
国际电话区号	+7
編輯

俄罗斯联邦（Российская Федерация），简称俄罗斯，也叫做俄国（Россия），老早也叫做俄罗斯，是世界浪面积顶顶大个国家，地跨欧亚两大洲。俄罗斯联邦搭下底几个国家夹界（逆时针方向）：挪威、芬兰、爱沙尼亚、拉脱维亚、白俄罗斯、立陶宛、波兰、乌克兰、格鲁吉亚、阿塞拜疆、哈萨克斯坦、中华人民共和国、蒙古、朝鲜，搭日本、美国、加拿大隔海相望。绵延个海岸线从北冰洋一径延伸到北太平洋，还包括内陆海黑海搭里海。作为前苏联主要加盟共和国，俄罗斯联邦原是一个蛮有影响力个国家，特别勒勒由12个前苏联加盟共和国组成个独联体组织里向。1991年，苏联解体，俄罗斯继承苏联，成为联合国安全理事会（安理会）常任理事国，并对议案拥有否决权。

历史

主文章：俄罗斯历史

俄罗斯顶早个政权是维京人建立个基辅罗斯公國（Киевская Русь）。伊拉接受拜占庭帝国个东正教，成为伊拉区别西面天主教民族个一个重要标志。老早个留里克王朝是三个北欧人建立个。从迭个辰光开始，俄罗斯文化就带有老强个外来色彩。

基辅罗斯是一个大国，大公通过封建统治个方法，拿国土分把伊下头个贵族，从11世纪开始，大公个权利被削弱，出现交关半独立个公国，弗过来勒迭个辰光，俄罗斯人搭后来个乌克兰人、白俄罗斯人还没啥大个区别。

蒙古殖民

到13世纪初期个辰光，基辅罗斯拨蒙古人征服，蒙古人来勒南俄罗斯草原建立了金帐汗国，对俄罗斯个小邦国展开 统治，迭个统治持续了交关年数，也成为俄罗斯历史发展个一个转折点。因为金帐汗国没办法控制所有个基辅罗斯地区，来勒现在个乌克兰搭白俄罗斯地区，逐渐成为无主之地。有西面个波兰王国搭立陶宛大公国开始殖民统治。东面个诺夫哥罗德地区，一直来勒蒙古人个统治下，受到蒙古人交关影响，从迭个辰光开始，俄罗斯个历史文化开始有自家个特色。

第三罗马

中世纪后期俄罗斯中部个一个贵族建立莫斯科大公国，迭个国家来勒14世纪末击败金帐汗国，开始自治，15世纪初开始逐步吞并周边个邦国。到1453年拜占庭帝国灭亡后，莫斯科大公伊凡三世搭拜占庭个末代公主结婚，开始自称是罗马帝国个继承人。又拿双头鹰作为国徽。开始加速吞并周边个小国。15世纪末，又彻底脱离金帐汗国个控制，成为独立政权。到伊个孙子伊凡四世辰光，通过继承蒙古黄金家族个法统，实现凯撒搭大汗头衔个叠加，随后又对回教开展。灭脱了喀山汗国，阿斯特拉罕汗国，开始向东方扩张。弗过，迭个辰光个俄罗斯，还是一个落后个农业国，呒啥西方个影响，穿着思想高头侪相当于一个拜占庭搭蒙古人个混合国家。

缓慢前行

16世纪末，伊凡四世死脱之后，俄罗斯开始逐渐动乱。因为国内贵族个内斗，引入西面大国波兰、瑞典轮番干涉俄罗斯事物，酿成17世纪初个大危机。波兰人开入莫斯科，扶植假沙皇，俄罗斯面临亡国。到1612年，俄罗斯人民自发个爱国运动达到高潮，终于拿波兰侵略者赶跑。让罗曼诺夫家族登上皇位，从此开始罗曼诺夫王朝。17世纪个俄罗斯，是一个处于缓慢改革当中个国家，来勒军事方面，搭迭个辰光交关内亚帝国一淘，训练交关新军。弗过来勒社会层面，还一经是老个一套，教会掌控教育，科学基本呒，妇女地位低下。来勒领土扩张高头，主要实现向东方个扩张，西伯利亚成为俄罗斯个领土。来勒西面，搭波兰进行长辰光对立，从1630年到1670年，战争进行交关年数。顶大个收获是拿乌克兰个哥萨克控制到自家手里向。1650年代，沙皇支持俄罗斯个新牧首尼康对教会进行改革，引发俄罗斯教徒老大个弗满，造成教会分裂，一部分坚持老早礼拜方式个人，逃到北面，拨成为老信仰者。

帝国崛起

彼得大帝个改革，是俄罗斯历史发展高头个关键点。彼得对俄罗斯进行全面个改革，从衣着服饰到社交礼仪，还有军事政治、教育科技，侪放弃老早个固有内亚传统，强制性向西欧靠拢。为达到目的，彼得大帝通过铁腕个方式让弗跟随伊个贵族收税，罚款。又惩罚反抗伊个人，包括伊自家个儿子。同时，为获得出海口，彼得大帝搭瑞典进行长辰光战争，被称为大北方战争，战后，俄罗斯获得胜利，获得芬兰湾高头个出海口，终于冲出内亚，向海洋文明发展。到18世纪初，彼得大帝又拿首都迁到圣彼得堡，创建科学院，贵族院，印刷报纸，开设博物馆。从迭个辰光开始，俄罗斯开始成为一个真正意义高头个欧洲国家。到18世纪20年代，俄罗斯开始正式号称俄罗斯帝国。之后又拿土耳其、波兰击败。并且成功反击了拿破仑个入侵。1815年维也纳会议后，俄罗斯成为欧洲主宰国家。弗过改革困难让俄罗斯发展缓慢。1854年克里木战争个失败，让俄罗斯开始改革，解放农奴搭大博弈是迭个辰光个主旋律。1870年代，俄罗斯吞并中亚，又来勒与满洲帝国争夺内亚个交锋中取得胜利。夺取外满洲搭安集延地区。同时文化也邪气发达，涌现了托尔斯泰,柴可夫斯基等大师。弗过国内个改革也带来仔交关问题。极端主义搭自由主义思想泛滥。布尔什维克开始传播。到20世纪，1904年个日俄战争当中个失败，让沙皇被迫改革，成立半责任内阁。头一次世界大战个辰光，俄罗斯勒军事浪惨败。接下去俄罗斯国内发生内战，后首来十月革命勒1917年爆发。

之後朆有多少辰光，共產黨勒列寧領導下头取得政權，苏维埃社会主义共和国联盟也由此成立。勒斯大林领导個辰光，蘇聯由一個農業國迅速工業化，並且實行農業集體化。第二次世界大战當中对纳粹德国个胜利，使得苏联发展成冷战当中个超级大国（还有一个是美国），并侵占中国唐努乌梁海、黑瞎子岛等荡化，而且策划外蒙古脫離中國獨立。到仔1980年代末期，苏联进行多项改革，但是原朆有办法改变1991年解体个命运。搿一年个8月24号，俄罗斯苏维埃联邦共和国宣布独立，成为俄罗斯联邦。

解体之后

苏联解体之后，俄罗斯遭受老强烈个动荡，来勒经济方面，叶利钦采用西方经济学家教导伊个休克疗法改造老早个国有经济，弗过执行老弗成功，大部分财富侪没落到国家或者老百姓手里向，反过来培养一批靠投机倒把致富个寡头。这些寡头，大部分侪是经济转型辰光有心计个人，通过各种手段获得国有资产或者资源，又通过混乱个政治局面获得上台个可能，拿自家洗白，所以1990年代末，俄罗斯个财富大部分侪来勒伊拉手里向。俄罗斯个经济则一塌糊涂，弗仅服务业发展呒成效，就是老早强力个重工业也彻底萧条。人民生活条件推板，国力迅速下降。叶利钦为平衡经济问题，弗断任命新个官员，执行新个政策，弗过因为苏联后期个问题积累搭独立后个用人弗当，让俄罗斯经济一直弗好。

来勒国内局势方面，因为老早个共产主义价值观崩溃，造成一些被打压交关辰光个民族主义、极端宗教思想抬头，光头党搭新纳粹成为交关年轻人个选择。来勒一些回教地区，宗教搭民族主义合流，成为分离主义个标志。尤其严重个车臣战争让俄罗斯军队个虚弱暴露，也让俄罗斯陷入反对恐怖主义个泥潭当中。

到2000年，普京接任总统，采取权威主义个统治方式，对恐怖分子采取高压，又打击经济寡头。促进俄罗斯个能源出口，来勒几年之内，让俄罗斯逐渐稳定下来。弗过，俄罗斯个贫富差距并呒缩小，一些边远地区人口弗短减少，经济结构也主要以出口能源为主，国际竞争能力弗是老强。普京努力克服这些问题，又来勒世界高头维护俄罗斯个大国地位。为此，搭弗断挤压自家空间个西方国家发生好几趟冲突，比方2008年个格鲁吉亚冲突搭2014年个克里米亚冲突。2014年俄罗斯吞并克里米亚之后，又搭乌克兰爆发新一轮个冲突。搭欧盟以及美国个关系也逐步紧张。

地理

主文章：[[俄罗斯地理]]

俄罗斯联邦跨越欧亚大陆个北部大部分地区，地势及气候变化多端。全境大部分地区属于平原，特别是欧洲部分搭仔亚洲个西伯利亚地区。南部平原大部分是干旷草原，而北部平原则大部分是森林地区。山脉多集中勒南部边境，像大高加索山脉搭仔萨彦-贝加尔山脉。比较中央个乌拉尔山脉是欧洲搭仔亚洲个主要分界线。

俄罗斯联邦拥有绵延37,000公里个海岸线，跨越北冰洋搭仔太平洋，以及内陆个黑海搭里海。有星小个海域则属于大洋个一部分：巴伦支海、白海搭东西伯利亚海属于北冰洋，而白令海搭仔日本海等则属于太平洋。

交关大河流经平原到达海洋。主要河流包括伏尔加河、颚毕河、叶尼塞河、勒拿河以及阿穆尔河（即黑龙江）。主要湖泊有贝加尔湖、拉多加湖搭奥涅加湖了啥。

• 俄罗斯城市列表

政治

主文章：俄罗斯政治

俄罗斯联邦实行个是联邦民主制。总统是国家元首，任期4年，由人民直接选举产生。总统有相当大个行政权力，有权任命总理等高级官员，但必须经议会批准。总统同时也是武装部队个首领搭国家安全会议主席，还好弗经过议会直接颁布法令。

俄罗斯联邦议会，简称联邦议会（Федеральное Собрание），由上下两院组成。上院联邦会议（Совет Федерации）有178名代表，任期4年，89个地方分区可以任命2名代表，下院国家杜马（Государственная Дума）有450名代表，任期4年，其中225人由国民代表大会选举产生，还有225人则按比例登全国政党当中选出组成。

行政区

参见：俄罗斯行政区

俄罗斯联邦由89个弗同个行政分区组成。联邦有21个享有交关自由个共和国。该星共和国往往是俄罗斯联邦个少数民族聚居区。剩下来个行政区包括49个州（Области ）搭6个区（Края）。当中有10个自治区域搭1个自治州。除此之外，还有两个联邦城市，莫斯科搭圣彼得堡。2000年，按照总统普京个指示，俄罗斯联邦再分作7个按地域分界、包含行政分区个联邦区域。

经济

苏联解体仔个十来年当中，俄罗斯联邦还勒浪用劲把力建立现代化个市场经济搭仔实现较强个经济增长。俄罗斯联邦行政搭立法机构也意识着，国家个工业基础搭仔进一步个改革面临严重问题，并且使得俄罗斯联邦个经济勒苏联解体仔连甩5年下滑。

1997年俄罗斯联邦经济有星复苏。1998年个财政危机导致当年8月卢布贬值，债务加剧以及人民生活水平严重下滑。必过勒1999到2001年当中，凭借较高个石油价钱搭仔疲软个卢布，俄罗斯联邦个经济再度复苏，平均每年增长6%。

该次个复苏，再加上新政府对基础经济进行个改革，已经提升仔投资者对俄罗斯联邦个信心。尚况俄罗斯联邦还是交关倚赖天然资源出口，特别是占总出口80%个石油、天然气、金属搭仔木材。

2005年底，俄罗斯国民生产总值由1999年个1570亿美元恢复增长到约7500亿美元，黄金外汇储备由1998年底个弗满100亿美金增长到1822亿美金。

人口

请参见：俄罗斯人口

俄罗斯2006年人口1.42亿。人口持续减少，每年减少约70万，主要原因是担心住房、医疗搭教育问题，大多数俄罗斯家庭选择只养一个小人。长年个人口下降，成为俄罗斯一个严重个社会问题。自从普京担任总统后，迭个问题一直受到伊个重视，一直出台大量个刺激政策，鼓励大家多生养小人。并且控制酒类销售，增长男人个寿命。到2013年，俄罗斯人口终于实现正增长哉。^[1]

由于俄罗斯联邦幅员广阔，所以人口密度较低；大部分人口主要侪住勒垃俄罗斯联邦个欧洲部分，乌拉尔山脉地区以及西伯利亚个东南部。俄罗斯联邦内也有交关少数民族以及土著人口。总人口个80%以上是俄罗斯人，剩下来个包括巴什基尔人、车臣人、楚瓦什人、鞑靼人、日耳曼人、乌克兰人、达格斯坦人、朝鲜人、犹太人搭仔白俄罗斯人等。

俄语是唯一个官方语言，但是勿同个共和国经常拿自家个民族语言作为共和国内个官方语言。东正教是联邦内个主要宗教，其他个宗教包括伊斯兰教、基督教新教、罗马天主教跟佛教等。

文化

请参见：俄罗斯文化

• 俄罗斯人列表
• 俄罗斯文学

• 俄罗斯诗人
• 俄罗斯大学列表
• 羅宋音樂家

宗教

请参见：俄罗斯宗教

东正教

自从公元10世纪接受东正教开始，俄罗斯就一直是一个传统个东正教国家。俄罗斯自从罗斯受洗后，就确立正教信仰。来勒沙皇统治个辰光，东正教搭沙皇作为俄罗斯民族认同个两个核心，得到整个民族搭军队里向个拥戴，东正教也起到安定人心，增强战斗力个作用。沙皇自认为是第三罗马个皇帝，东正教也认为俄罗斯一定会统治全世界。弗过因为沙皇拒绝教会对伊权力个挑战，教会一直作为皇权个附庸存在。

到苏联辰光，东正教受到迫害，交关教堂被拆脱，僧侣被杀脱。一直到斯大林死脱之后，才对东正教稍许有放松。弗过一直有严密个监视。

到苏联解体后，东正教开始全面复兴，恢复伊拉来勒历史高头个地位。现在俄罗斯个总统、总理侪是东正教信徒，东正教人口每年侪来勒增加，并且搭俄罗斯个民族意识联系邪气紧密，成为俄罗斯人替代共产主义个寄托。近年个统计显示，俄罗斯个东正教信徒比例已经超过百分之四十。

回教

俄罗斯现在有一千多万回教人口，多数是鞑靼斯坦搭中亚地区个居民。回教来勒历史高头是金帐汗国个宗教，对俄罗斯个存亡产生过老长辰光个威胁。现在俄罗斯人对回教还是弗大有正面评价。穆斯林搭俄罗斯人个冲突一直比较紧张。老著名个车臣问题，就有回教个因素来勒里向。2014年乌克兰冲突中，就有交关来自车臣个穆斯林为乌克兰政府军作战，新成立个ISIS也威胁要攻击俄罗斯，作为俄罗斯打击车臣个“报复”。

传统信仰

俄罗斯老早是多神教崇拜民族，来勒罗斯受洗后，多神教消失。弗过苏联解体之后，交关俄罗斯人开始追寻祖先个信仰。现在俄罗斯有170多万传统信仰个人口，是国内第三大信仰派别。

佛教

俄罗斯个佛教信徒大部分是老早个蒙古人。伊拉信仰个佛教，是16世纪开始传播个格鲁派藏传佛教。现在，俄罗斯个卡尔梅克共和国是欧洲唯一以佛教为主要宗教个实体国家。

• 

  俄罗斯正教十字架

• 

  海外个俄罗斯教堂

• 

  Lidcombe Russian Orthodox Church

• 

  梅德韦杰夫来勒喀山会见回教领袖

军事

苏联解体仔，俄罗斯继承着苏联个大部分军事力量，成为有世界影响个军事强国之一。俄罗斯正规军由陆军 、海军、空军、国土防空军搭仔战略火箭军组成。有规模庞大个核武库，根据其官方勒2005年宣布个结果，俄罗斯个核弹头数量为：4732枚。

外交关系

• 中俄关系

俄罗斯帝国原是欧洲国家，搭中国弗隔界。俄罗斯帝国自清代以来，占领中国交关领土，是占领中国领土顶顶多个国家。畀俄罗斯帝国占领个中国领土包括（自东向西）：库页岛、乌苏里江以东土地、黑龙江北至外兴安岭土地、贝加尔湖以东土地、唐努乌梁海等。另外，俄罗斯帝国勒外蒙古独立事件当中起过关键性个作用。

勒20世纪个压末几年，中俄两国政府勒黑瞎子岛划定边界，中国收回畀俄罗斯实际控制个该岛个一半，另一半划进俄罗斯疆界，历史Template:Lang4Template:Ga个岛是属于中国个。

由于俄罗斯个原因，蒙古搭仔巴尔喀什湖以东、以南个交关荡化也不再是中国领土。

透過中俄多次磋商搭仔簽訂協定，2004年《中華人民共和國和俄羅斯聯邦關於中俄國界東段的補充協定》後，兩國勒領土爭端浪个問題大致浪解決（zai1）。中俄兩國現處於持續發展戰略搭仔經濟友好關係。

参见俄美关系搭仔俄日关系

自从日本勒第二次世界大戰里向拨蘇聯佔據北方四岛，兩個國家还朆簽訂和約，理論（lang4）兩國还勒浪作戰對抗。自1990年代葉利欽作為俄罗斯联邦總統，日俄開始對北方四島進行談判，（bg）雙方分歧还是勒浪。

其他主题

• 俄罗斯通讯
• 俄罗斯交通
• 俄罗斯军事
• 俄罗斯外交
• 俄罗斯旅游
• 俄白联盟

外部链接

维基共享资源里向寻得着搭该篇文章搭界个多媒体资源：

俄罗斯

• Gov.ru - 俄罗斯联邦官方网站

參考資料

望 论 编 亚洲 东亚 中华人民共和国（包括香港2 •澳門2） 中华民国1 日本 朝鲜民主主义人民共和国 大韩民国 蒙古 东南亚 東帝汶 菲律宾 柬埔寨 老挝 马来西亚 缅甸 泰国 文莱 新加坡 越南 印尼 巴布亞新幾內亞 圣诞岛2 科科斯（基林）群岛2 南亚 不丹 巴基斯坦 马尔代夫 孟加拉国 尼泊尔 斯里兰卡 印度 英属印度洋领地（查戈斯群岛）2 中亚 哈萨克斯坦 吉尔吉斯斯坦 塔吉克斯坦 土库曼斯坦 乌兹别克斯坦 西亚 阿富汗 阿拉伯联合酋长国 阿曼 阿塞拜疆 纳戈尔诺-卡拉巴赫1 阿布哈茲1 南奥塞梯1 巴勒斯坦1 巴林 格鲁吉亚 卡塔尔 科威特 黎巴嫩 沙特阿拉伯 土耳其 叙利亚 亚美尼亚 也门 伊拉克 伊朗 以色列 约旦 塞浦路斯 北塞浦路斯1 阿克罗蒂里搭德凯利亚 北亚 俄罗斯 註1：弗受普遍承认个国家。 註2：属地搭著自治地方。 世界地理索引 •美洲 •亞洲 •南极洲 •歐洲 •大洋洲 •各国首都列表

独立国家联合体
亞美尼亞 | 阿塞拜疆 | 白俄罗斯 | 格鲁吉亚 | 哈萨克斯坦 | 吉尔吉斯斯坦 | 摩尔多瓦 | 俄罗斯 | 塔吉克斯坦 | 土库曼斯坦 | 乌兹别克斯坦

望 论 编 上海合作组织 成员国  中华人民共和国 ·  俄罗斯 ·  哈萨克斯坦 ·  吉尔吉斯斯坦 ·  塔吉克斯坦 ·  乌兹别克斯坦 ·  印度 ·  巴基斯坦 观察员国  蒙古国 · 伊朗 ·  阿富汗 ·  白俄罗斯 对话伙伴  亚美尼亚 · 阿塞拜疆 · 柬埔寨 · 尼泊尔 ·  斯里兰卡 ·  土耳其 参会客人 东南亚国家联盟 · 独立国家联合体 ·  土库曼斯坦

望 论 编  联合国安全理事会 权力 联合国宪章 第五章 第七章 否决权 决议 组织结构 军事观察员 建设和平委员会 反恐怖主义委员会 维和行动 使命 联合国军 联合行动力量 常任理事国  中國  法国  俄羅斯  英國  美國 非常任理事国 2019年－2020年  比利時  多米尼加  德國  印尼  南非 2021－2022年  印度  愛爾蘭  肯尼亚  墨西哥  挪威 联合国安全理事会决议