১ ছেপ্টেম্বৰ

১ ছেপ্টেম্বৰ (ইংৰাজী: 1 September) হৈছে গ্ৰেগৰিয়ান বৰ্ষপঞ্জীৰ ২৪৪তম (অধিবৰ্ষত ২৪৫তম) দিন। বছৰটো শেষ হ’বলৈ এই দিনৰ পৰা মুঠ ১২১টা দিন বাকী থাকে। এইদিনটোত ঘটা কেইটামান উল্লেখযোগ্য ঘটনা-

ঘটনাৱলী

• ১৯৪৭ - ভাৰতীয় মান সময় নিদ্ধাৰণ কৰা হৈছিল। ^[1]
• ১৯৫১ - এনজাছ (ANZUS) চুক্তি স্বাক্ষৰিত হৈছিল। এই চুক্তি আমেৰিকা যুক্তৰাষ্ট্ৰ, অষ্ট্ৰেলিয়া আৰু নিউজিলেণ্ডৰ মাজত স্বাক্ষৰিত হৈছিল।
• ১৯৫২ - 'ড্য অল্ড মেন এণ্ড ড্য ছি'ৰ উপন্যাসখন প্ৰথমবাৰৰ বাবে প্ৰকাশ পায়। এই উপন্যাস খনৰ ৰচক আছিল আৰ্ণেষ্ট হেমিঙ্গৱে। 'ড্য অল্ড মেন এণ্ড ড্য ছি' য়ে পুলিটজাৰ বঁটাও লাভ কৰিছিল।
• ১৯৫৬ - চনৰ এই তাৰিখৰ পৰাই ভাৰতীয় জীৱন বীমা নিগমৰ কাম কাজ আৰম্ভ কৰা হৈছিল।
• ১৯৬১ - যুগুস্লেভিয়াৰ বেলগ্ৰেডত নন এলাইনড্(Non-Aligned) ৰাষ্ট্ৰসমূহৰ প্ৰথমখন সন্মিলন অনুষ্ঠিত হৈছিল।
• ১৯৮০ - 'চয়-ক্যো-হাহ'ৰ ইস্তাফাৰ পাচতেই দক্ষিণ কোৰিয়াৰ ৰাষ্ট্ৰপতি পদত অধিষ্ঠিত হয় চ্চুন-দো-হোৱান।
• ১৯৮২ - যুক্তৰাষ্ট্ৰত এয়াৰ ফৰ্চ স্পেছ কমাণ্ডে (Air Force Space Command) প্ৰতিষ্ঠা লাভ কৰিছিল।
• ১৯৮৫ - সমুদ্ৰপৃষ্ঠত নিৰুদ্দিষ্ট টাইটানিক জাহাজৰ ছবি ৭৩ বছৰ পিছত পোহৰলৈ আহিছিল।
• ১৯৯১ - ছোভিয়েট ইউনিয়নৰ পৰা উজবেকিস্তানে স্বাধীনতা লাভ কৰিছিল।

জন্ম

• ১৮৫৬ - ছৰ্গেই ৱিনোগ্ৰাদস্কি (Sergei Winogradsky), ৰাছিয়ান পৰিৱেশ আৰু জীৱ বিজ্ঞানী, জৈৱ ভূ-ৰাসায়নিক চক্ৰৰ (Biogeochemical cycle) বাবে বিখ্য়াত।
• ১৮৫৮ - কাৰ্ল আউৱাৰ ভন ৱেলছবাখ (Carl Auer von Welsbach), অষ্ট্ৰিয়ান বিজ্ঞানী আৰু উদ্ভাৱক।
• ১৮৯৬ - শ্ৰীল প্ৰভুপাদ, ইছকনৰ (ISKCON) প্ৰতিষ্ঠাতা।
• ১৯২৩ - ৰকী মাৰ্ছিয়ান', আমেৰিকাৰ বক্সিং খেলুৱৈ, অপৰাজেয় হেভিৱেইট বক্সিং চেম্পিয়ন আছিল (১৯৫২-৫৬)। (মৃঃ ৩১ আগষ্ট, ১৯৬৯)
• ১৯২৪ - হাৱাৰ্ড থমাছ অ'ডাম, আমেৰিকাৰ পৰিৱেশ বিজ্ঞানী। (মৃঃ ১১ ছেপ্টেম্বৰ, ২০০২)
• ১৯২৯ - শুচিব্ৰতা ৰায়চৌধুৰী, অসমীয়া সাহিত্যিক, কবি আৰু অসম প্ৰশাসনিক সেৱাৰ বিষয়া।
• ১৯৩৮ - নীলমণি দেৱী, ভাৰতীয় মৃৎ শিল্পী।
• ১৯৪০ - কামেশ্বৰ ব্ৰহ্ম, ভাৰতীয় সাহিত্যিক তথা শিক্ষাবিদ।
• ১৯৪৫ - বসন্ত কুমাৰ শৰ্মা, অসমীয়া সাহিত্যিক আৰু ডিব্ৰুগড় বিশ্ববিদ্যালয়ৰ প্ৰাক্তন অধ্যাপক।
• ১৯৫৪ - এলাম ইন্দিৰা দেৱী, ভাৰতীয় শাস্ত্ৰীয় নৃত্যশিল্পী আৰু নৃত্য প্ৰশিক্ষক।
• ১৯৫৭ - অঞ্জলী গোপালন, ভাৰতীয় মানৱধিকাৰ আৰু পশু অধিকাৰ কৰ্মী।
• ১৯৯০ - জীতেন্দ্ৰ কুমাৰ, ভাৰতীয় অভিনেতা।
• ১৯৯৬ - জিন্দায়া, আমেৰিকাৰ অভিনেত্ৰী আৰু গায়িকা।
• ১৯৯৭ - জন জংকুক, দক্ষিণ কোৰিয়াৰ জনপ্ৰিয় গায়ক।

মৃত্যু

• ১৫৫৭ - জ্যাঁক কাৰ্টিয়াৰ, ফ্ৰান্সৰ অভিযাত্ৰী।
• ১৫৭৪ - গুৰু অমৰ দাস, তৃতীয় শিখ গুৰু।
• ১৫৮১ - গুৰু ৰাম দাস, চতুৰ্থ শিখ গুৰু।
• ১৭১৫ - লুই চতুৰ্দশ, ফ্ৰান্সৰ ৰজা, দা চান কিং হিচাপে পৰিচিত, ফ্ৰান্সৰ সৰ্বাধিক সময় শাসন কৰ্তা।
• ১৮৩৮ - ৱিলিয়াম ক্লাৰ্ক, এজন আমেৰিকান অভিযাত্ৰী, সৈনিক, ভাৰতীয় এজেণ্ট আৰু আঞ্চলিক লাট। (জঃ ১ আগষ্ট, ১৭৭০)
• ১৯৬৬ - কামেশ্বৰ দাস, অসমৰ এজন গণিতজ্ঞ।
• ২০১৩ - টমি মৰিছন, আমেৰিকাৰ বক্সিং খেলুৱৈ আৰু ৰকি-৫ (Rocky V) বোলছবিৰ অভিনেতা।
• ২০১৪ - মায়া ৰাও, ভাৰতীয় ধ্ৰুপদী নৃত্যশিল্পী, কৰিঅ'গ্ৰাফাৰ আৰু কথক নৃত্যৰ প্ৰশিক্ষক।

দিৱস

• উজবেকিস্তানৰ স্বাধীনতা দিৱস।

বাহ্যিক সংযোগ

ৱিকিমিডিয়া কমন্সত ১ ছেপ্টেম্বৰ সম্পৰ্কীয় মিডিয়া ফাইল আছে।

• বিবিচি: এই দিনটোত ঘটা কেইটামান উল্লেখযোগ্য ঘটনা

তথ্যসূত্ৰ