Robert Huber

Robert Huber
Irudi gehiago
Bizitza
Jaiotza	Munich, 1937ko otsailaren 20a (87 urte)
Herrialdea	Alemania
Hezkuntza
Heziketa	Municheko Teknologia Unibertsitatea
Doktorego ikaslea(k)	Johann Deisenhofer Saulius Gražulis (en) Nediljko Budisa (en)
Hizkuntzak	alemana
Jarduerak
Jarduerak	biokimikaria, kimikaria eta unibertsitateko irakaslea
Lantokia(k)	Munich
Enplegatzailea(k)	Municheko Teknologia Unibertsitatea Cardiffko Unibertsitatea University of Duisburg-Essen (en)
Jasotako sariak	ikusi Arteetan eta Zientziatan Merituaren Ordena  (1993) Alemaniako Errepublika Federalaren Merituaren Izar eta Gerrikodun Merituaren Gurutze Handia  (1997) Kimikako Nobel Saria  (1988) Emil-von-Behring-Prize  (1982) Otto Warburg Medal  (1977) Bavarian Maximilian Order for Science and Art  (1993) X-ray badge  (2004) Richard Kuhn Medal  (1987) Sir Hans Krebs Medal  (1992) honorary doctor of the Autonomous University of Barcelona  (1999) honorary doctor of the Tsinghua University  (2003) Foreign Member of the Royal Society  (1999ko maiatzaren 13a) honorary doctor of the Jagiellonian University of Krakow honorary doctorate of Barcelona University honorary doctor from the NOVA University Lisbon honorary doctor of the Katholieke Universiteit Leuven
Kidetza	Royal Society Alemaniako Natur Zientzien Leopoldina Akademia Linzeen Akademia Ameriketako Estatu Batuetako Zientzien Akademia Nazionala Zientzien Bavariar Akademia Zientziaren eta Arteen Europar Akademia Indiako Zientzien Akademia Nazionala Academia Europaea (en)

Robert Huber (Munich, 1937ko otsailaren 20a) alemaniar biokimikaria da. Molekula erraldoi garrantzitsu baten egitura aztertu zuen lantaldea zuzendu zuen. Molekula horrek fotosintesian parte hartzen du, hots, landareek beren landare-ehuna egiteko eguzki-argia erabiltzen duten prozesuan. Lan hori dela eta, 1988an Kimikako Nobel Saria jaso zuen Huberrek bere lankide Johann Deisenhofer eta Hartmut Michelekin batera. Huber 1963an egin zen doktore, intsektuen metamorfosia kontrolatzen duen ecdysone hormonari buruzko ikerlan batekin. Gero X izpien bidezko kristalografian lan egin zuen, hau da, kristalezko gaien atomoen antolaketa X izpien bidez zehazten saiatu zen. 1972an Martinsriedeko Max Planck Biokimika Institutuaren zuzendari egin zuten. Hala ere, ikasketak egin zituen Municheko Unibertsitate Teknikoarekin lanean jarraitu zuen, eta 1976an bertako irakasle egin zen. Max Planck Institutuan molekula erraldoi multzo handi baten X izpien bidezko kristalografian parerik ez zuen laborategia antolatu zuen. 1982an, beste talde batean lan egiten zuen Hartmut Michelekin jarri zen harremanetan. Michelek fotosintesirako garrantzitsua zen bakterio baten molekula konplexua kristalizatzea lortu zuen. Huberrek bere taldeko Johann Deisenhoferri molekularen X izpien bidezko kristalografia egiten lagun ziezaion agindu zion. 1985ean amaitua zuten lana. Molekula bakterio batena baldin bazen ere, egitura zehazteak asko lagundu zuen harekin lotura hertsia duen landareen fotosintesia argitzen.