Գեորգի Արզումանյան

Վիքիպեդիայում կան հոդվածներ Արզումանյան ազգանունով այլ մարդկանց մասին։

Գեորգի Արզումանյան
Գեորգի Սերգեյի Արզումանյան
Պետություն(ներ)	Հայաստան
Ծննդյան ամսաթիվ	1981[1]
Ծննդավայր	Թբիլիսի, Վրացական ԽՍՀ, ԽՍՀՄ
Կոչում	Գրոսմայստեր (2009) Միջազգային վարպետ (2001)
Առավելագույն վարկանիշ	2504 (2009, հունվար)
Ներկայիս վարկանիշ	2474
ՖԻԴԵ համար	13300660
365chess	Georgy_Arzumanian
Chesstempo համար	11561
ICCF համար	11561

Գեորգի Սերգեյի Արզումանյան (1981^[1], Թբիլիսի, Վրացական ԽՍՀ, ԽՍՀՄ), հայ շախմատիստ, գրոսմայստեր (2009):

Գեորգի Արզումանյանը ծնվել է 1980 թվականին, Թբիլիսիում։ 1992 թվականին մասնակցել է Գերմանիայում կայացած մինչև 12 տարեկանների աշխարհի առաջնությանը։ 1993 թվականին Իրինա Լիմարի հրավերով մոր հետ տեղափոխվել է Ուկրաինայի Դնեպրոպետրովսկ քաղաք։ Պարապելով սկզբում նրա, այնուհետև Ա. Մորոզի ղեկավարությամբ` Գեորգին զարգացրեց իր շախմատային ընդունակությունները և 1995 թվականին դարձավ իր տարիքային խմբի տեղի շախմատիստների առաջատարը։ Մշտապես ելույթ ունենալով և կատարելագործվելով տարբեր ուժեղ մրցաշարերում՝ մի քանի տարի անց նա դարձավ մարզի տղամարդկանց հավաքականի անդամ։

1995 թվականի մարզի առաջնության կիսաեզրափակչում Գեորգին զբաղեցրեց 1-ին տեղը, իսկ Դնեպրոպետրովսկի նույն տարվա առաջնությունում՝ 4-րդ տեղը։ 1997 թ. օգոստոսին Պավլոգրադում կայացած միջազգային մրցաշարում նա դարձավ հաղթող՝ լրացնելով միջազգային վարպետի առաջին նորմը։ 1998 թ. սեպտեմբերին Melitopol Autumn-98 (Մելիտոպոլ) մրցաշարում բաժանելով 2-4-րդ տեղերը՝ նա ևս մեկ անգամ լրացրեց այդ նորմը։

Ուկրաինայի սպորտի վարպետի կոչման համար անհրաժեշտ միավորները Գեորգին վաստակեց 1998 թվականի Դնեպրոպետրովսկի մարզի առաջնությունում։ 1999 թ. տարածաշրջանային խաղերում (Դնեպրոպետրովսկ) կիսել է 2-3-րդ տեղերը։ Դնեպրոպետրովսկի մարզի թիմի կազմում նույն թվականին դարձել է Համաուկրաինական 2-րդ մարզական ամառային խաղերի 3-րդ մրցանակակիր։ Դնեպրոպետրովսկի մարզի առաջնության բրոնզե մեդալակիր (2000)։

1999 թվականին ուսման է տեղափոխվել Խարկով, որտեղ ավարտել է Յարոսլավ Իմաստունի անվան ազգային իրավաբանական ակադեմիան։ Եղել է այդ բուհի շախմատային թիմի անդամ։

Գրոսմայստերի երրորդ նորմը լրացրել է 2007 թվականի նոյեմբերին, սակայն կոչմանը պաշտոնապես արժանացել է 2009 թվականին, երբ անհատական վարկանիշը հասցրել է պահանջվող մակարդակին։

Ռուսաստանի 4-րդ գավաթի 1-ին փուլի հաղթող է (Տուլա, 2002), «Թեմիս-2005» մրցաշարի (Խարկով, 2005) հաղթող, բազմաթիվ միջազգային մրցաշարերի մրցանակակիր և մասնակից։ Ուկրաինայի ակումբային առաջնության եռակի հաղթող։ Ներկայումս՝ Ուկրաինայի շախմատի ֆեդերացիայի գործադիր կոմիտեի անդամ, Կիևի շախմատի ֆեդերացիայի նախագահության անդամ։

Թեև երկար տարիներ բնակվում է Ուկրաինայում, սակայն շարունակում է ներկայացնել Հայաստանի շախմատի ֆեդերացիան։

• Գեորգի Արզումանյանի կենսագրությունը Դնեպրոպետրովսկի շախմատի ֆեդերացիայի կայքում

• Գեորգի Արզումանյանի անձնական քարտը ՖԻԴԵ-ի կայքում (անգլ.)
• Գեորգի Արզումանյանի պարտիաները (անգլ.)
• Գեորգի Արզումանյանի անձնական քարտը 365chess.com կայքում

Սոցիալական ցանցերում X Թեմատիկ կայքեր 365chess · Chess DB · Chess Games · Chess Tempo · ՖԻԴԵ

դ ք խ  Հայաստանի գրոսմայստերներ Այժմ ապրողներ Ռ. Աղասարյան | Զ. Անդրիասյան | Գ. Արզումանյան | Լ. Բաբուջյան | Վ. Բաղդասարյան | Հ. Գաբուզյան | Ս. Գալդունց | Ա. Գրիգորյան | Կ. Գրիգորյան | Է. Դանիելյան | Ս. Լպուտյան | Ա. Հակոբյան | Հ. Հայրապետյան | Գ. Հարությունյան | Տ. Հարությունյան | Ռ. Հովհաննիսյան | Մ. Ղարիբյան | Դ. Մարկոսյան | Հ. Մարտիրոսյան | Հ. Մելքումյան | Արա Մինասյան | Արտ. Մինասյան | Ա. Միքայելյան | Կ. Մովսիսյան | Ս. Մովսիսյան | Տ. Նալբանդյան | Ա. Չիբուխչյան | Ա. Պետրոսյան | Դ. Պետրոսյան | Մ. Պետրոսյան | Տ. Պետրոսյան | Գ. Սարգսյան | Շ. Սարգսյան | Ն. Սեֆերյան | Հ. Սիմոնյան | Ռ. Վահանյան | Ս. Տեր-Սահակյան | Ա. Փաշիկյան | Տ. Քոթանջյան | Է. Օհանյան Նախկինում ելույթ ունեցած Լ. Արոնյան | Մ. Խաչիյան | Վար. Հակոբյան | Վլ. Հակոբյան | Տ. Ղարամյան | Վ. Միրումյան Մահացածներ Ա. Անաստասյան (1964—2016) | Կ. Ասրյան (1980—2008) | Հ. Դանիելյան (1974—2016) | Ա. Եղիազարյան (1970—2020)