Ante ille deveniva Presidente, Jimmy Carter serviva como un officiero de marina statounitese, e ille esseva un agricultor de arachides. Ille serviva duo terminos in le senato del stato de Georgia inter 1963 e 1967 pro le Contato de Sumter, e un termino como le Governator de Georgia de 1971 usque 1975. Ille deveniva le Presidente Statounitese in 1977, post ille e le candidato pro le vice-presidentia de su partito, Walter Mondale, battite Gerald Ford in le Election Presidential de 1976.
Durante su presidentia, Carter prosequeva le Accordos de Pace de Camp David, le Tractatos del Canal de Panama, le Tractato de SALT II, e ille restitueva le Zona de Canal de Panama a Panama. Carter presideva de un periodo de stagnation economica international e inflation. Su termino presidential habeva multe incidentes, tal como le Crise de Hostages Iranian, le Accidente a Three Mile Island, e le Invasion de Afghanistan per le Union Sovietic.
Per 1980, su popularitate esseva erodite. Ille supervivite un defia primari de Ted Kennedy pro le nomination presidential del Partito Democratic. Ille esseva battite per Ronald Reagan, le candidato del Partito Republican ille anno. Carter obteneva 49 votos electoral a 489 pro Reagan.
Post su presidentia, Carter e su sposa fundava le Centro Carter pro avantiar le justitia e democratia in tote le mundo.
Le 1 de octobre 2024 ille attengiva le etate de 100 annos, deveniente le presidente le plus longeve in le historia del SUA e le prime centenario.
Octanta-novem dies depost, le 29 de decembre, ille moriva in su domo in Plains, Grorgia.
