Oddný G. Harðardóttir

Oddný G. Harðardóttir (OH)
Fjármála- og efnahagsráðherra Íslands
Í embætti 31. desember 2011 – 1. október 2012
Forveri	Steingrímur J. Sigfússon
Eftirmaður	Katrín Júlíusdóttir
Formaður Samfylkingarinnar
Í embætti 31. október 2016 – 31. október 2016
Forveri	Árni Páll Árnason
Eftirmaður	Logi Már Einarsson
Bæjarstjóri Garðs
Í embætti 2006 – 2009
Alþingismaður
frá  kjördæmi    þingflokkur 2009  Suður  Samfylking
Bæjarfulltrúi í Garði
frá til    flokkur 2006 2009  Nýjir tímar
Persónulegar upplýsingar
Fædd	9. apríl 1957 (1957-04-09) (67 ára) Reykjavík
Stjórnmálaflokkur	Samfylkingin
Maki	Eiríkur Hermannsson
Börn	2
Menntun	Uppeldis- og kennslufræði
Háskóli	Kennaraháskóli Íslands og Háskóli Íslands
Æviágrip á vef Alþingis

Oddný Guðbjörg Harðardóttir (f. 9. apríl 1957) er alþingismaður og fyrrum fjármálaráðherra. Oddný var formaður menntamálanefndar 2009 - 2010 og formaður fjárveitinganefndar Alþingis 2010 - 2011. Hún er þingmaður og fyrrverandi formaður Samfylkingarinnar.

Oddný starfaði sem stærðfræðikennari við Fjölbrautaskóla Suðurnesja og einn vetur við Menntaskólann á Akureyri. Hún varð aðstoðarskólameistari Fjölbrautaskóla Suðurnesja 1994 og gegndi stöðu skólameistara árið 2005. Hún var verkefnisstjóri á vegum menntamálaráðuneytisins 2001 - 2003 og bæjarstjóri í Garði 2006 - 2009 áður en hún bauð sig fram til þings fyrir kosningarnar 2009.

Oddný var fyrsta konan sem gegndi embætti fjármálaráðherra í ríkisstjórn Íslands.

Þann 17. mars 2016 bárust fréttir þess efnis að Oddný hefði lýst yfir framboði sínu til formanns Samfylkingarinnar gegn sitjandi formanni, Árna Páli Árnasyni. Hún var kjörin formaður flokksins 3. júní sama ár. ^[1]

Í ljósi höfnunar kjósenda á Samfylkingunni í alþingiskosningum 29. október 2016 þar sem fylgið var eingöngu 5,7% og þingmenn þrír talsins sagði Oddný af sér embætti formanns Samfylkingarinnar eftir fund með Forseta Íslands. Logi Einarsson, þá varaformaður flokksins, tók við formennskunni.

1. ↑ Oddný nýr formaður: Finn fyrir ábyrgð Rúv. Skoðað 4. júní, 2016.