ხინოწმინდა (ქობულეთის მუნიციპალიტეტი)

სხვა მნიშვნელობებისთვის იხილეთ ხინოწმინდა (მრავალმნიშვნელოვანი).

სოფელი
ხინოწმინდა
ქვეყანა	საქართველო
ავტონომიური რესპუბლიკა	აჭარის ავტონომიური რესპუბლიკააჭარის ავტონომიური რესპუბლიკა
მუნიციპალიტეტი	ქობულეთის მუნიციპალიტეტი
თემი	ჭახათი
კოორდინატები	41°43′43″ ჩ. გ. 42°04′44″ ა. გ. / 41.72861° ჩ. გ. 42.07889° ა. გ. / 41.72861; 42.07889
ადრეული სახელები	ხინო (2018-მდე)
ცენტრის სიმაღლე	1040 მ
მოსახლეობა	1[1] კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
საქართველო აჭარის ავტონომიური რესპუბლიკა ქობულეთის მუნიციპალიტეტი
ხინოწმინდა ვიკისაწყობში

ხინოწმინდა (2018 წლის 2 თებერვლამდე — „ხინო“^[2]) — სოფელი საქართველოში, აჭარის ავტონომიური რესპუბლიკის ქობულეთის მუნიციპალიტეტში, ჭახათის თემში (სოფლები: დიდვაკე, ვარჯანაული, კეჭიეთი, კობალაური, ოხტომი, ტყემაკარავი, ჭახათი, ხინოწმინდა). მდებარეობს მდინარე კინტრიშის ხეობაში, ზღვის დონიდან 1040 მ. ჭახათიდან 26 კმ., ქობულეთიდან 44 კმ. საბჭოთა პერიოდში განვითარებული იყო მესაქონლეობა, მეფუტკრეობა. 2014 წლის აღწერის მონაცემებით სოფელში ცხოვრობს 1 კაცი.^[1] სოფლის ტერიტორიაზე არის 7 მეტრი სიღრმის შავი ტბა.

აღწერის წელი	მოსახლეობა
1911	469[3]
2002	94[4][5]
2014	1[1]

სოფელში შემორჩენილია იოანე ნათლისმცემლის სახელობის ეკლესია, რომელიც ხინოს საეპისკოპოსოს ცენტრს წარმოადგენდა. ხინოს საეპისკოპოსო ცენტრი XVI საუკუნიდან XVIII საუკუნის 70-იან წლებამდე იყო. XIX საუკუნის 70-იან წლებში ხინოს მოსახლეობა დაახლოებით 300 კომლს შეადგენდა.

მთავარი სტატია: ხინოწმინდა.

ხინოწმინდის იოანე ნათლისმცემლის სახელობის ეკლესია იდგა სოფლის თავში, მდინარე კინტრიშის მარჯვენა ნაპირზე, ოთხკუთხა ქვის გალავნის შიგნით. ვახუშტი ბატონიშვილის ცნობით ის გუმბათიანი უნდა ყოფილიყო. დიმიტრი ბაქრაძის ცნობით ის აჭის ეკლესიის მსგავსი იყო, უგუმბათო და 1860-იანი წლების შუაში დაანგრიეს. გადარჩა მხოლოდ საკურთხევლის ნაწილი სალაროთი და ეგვტერით. ტაძარი საბოლოოდ 1919 წელს დაანგრიეს.

• ქართული საბჭოთა ენციკლოპედია, ტ. 11, თბ., 1987. — გვ. 484.
• ბაქრაძე დ ., „არქეოლოგიური მოგზაურობა გურიასა და აჭარაში“, ბათუმი: „საბჭოთა აჭარა“, 1987 [1878]. — გვ. 83.

ხ • გ • რ ქობულეთის მუნიციპალიტეტის დასახლებული პუნქტები ქალაქი ქობულეთი დაბები ოჩხამური · ჩაქვი სოფლები ალამბარი · აჭი · აჭყვისთავი · ბობოყვათი · ბუკნარი · გვარა · გოგმაჩაური · გორგაძეები · დაგვა · დიდვაკე · ვარჯანაული · ზედა აჭყვა · ზედა კვირიკე · ზედა კონდიდი · ზედა სამება · ზენითი · კეჭიეთი · კვირიკე · კობალაური · კოხი · ლეღვა · მუხაესტატე · ნაკაიძეები · ნაცხავატევი · ოხტომი · საჩინო · სახალვაშო · სკურა · სტალინისუბანი · ტყემაკარავი · ქაქუთი · ქვედა აჭყვა · ქვედა დაგვა · ქვედა კვირიკე · ქვედა კონდიდი · ქვედა სამება · ქობულეთი · შუაღელე · ჩაისუბანი · ჩაქვისთავი · ციხისძირი · ცხრაფონა · წყავროკა · ჭახათი · ხალა · ხინოწმინდა · ხუცუბანი · ჯიხანჯური