Mosè

Mosè (an ebreo: מֹשֶׁה, standard Moshé; grech: Mωϋσῆς; latin: Moyses; àrabo : موسىٰ, standard Mūsa) a l'é conforma a la Bibia la guida dël pòpol ebreo fòra dl'Egit; për ij mussulman, Mosè a l'é un dij profeta, ma soa rivelassion a sarìa andàita përdùa.

Scond chèich ëstudios (ma costa-sì a l'é nen la convinsion dle fé ebraica e cristian-a), la figura ëd Mosè e j'eveniment dont as conta ëd chiel a l'avrìo gnun riferiment ëstòrich, ma a sarìo na finsion religiosa che a colega vàire element ëd vàire époche diferente.